¹ Mantia nei,Tamara mate palle kita te tuni kapana la ita .I pato ita me Nutu tutuna me.Te rumanna toto,ita tatutu me Nutu tutuna me .Keu ngana me la maa lore matane Nutu sao,mangina te iri lore matane ita sao kena . ² Tulou me,sonrou ita tatutu me Nutu tutuna me.Te ngarume ita tattu mantia ,nei mokoi urua lisi pota sao tale.Ulave ita lora matane ,Karauso lisi malla,ita takele I rumanna,te ita talisi tamuna kena me I sona mana. ³ Te keu ngana me rorol mana kitu alle I,iri sore kempe re kili kong la Nutu matana kanna.Iri kitutu likong me Karauso tutu likong ke. ⁴ Keu ngana empei sereng,i sang lele kale Nutu potong ke.Sereng i veng nama sang lele alle potong. ⁵ Meu lomeu matane,Karauso lisi me rau kengke sereng,te sereng tena sao me tu la I. ⁶ Keu ngana ilapita la Karauso ,i sao me nanne sereng kana veng.Vei me keu ngana tena nanne sereng kana veng ,ita lora matane,i kele Karauso sao ve i lona matane Karauso sao. ⁷ Tu sisina ngana me ,meu kalele meu,mangina na keu ngana tena pasiling kala meu.Keu ngana le empe veng pe ngana ,i keu ngana pe ngana,vei me Karauso I keu ngana pe ngana. ⁸ Tampun ngailia nia,silolong empe sereng saelle,mangina te keu ngana nama empe sereng,i silolong vae ngana.Te Nutu tuna lisi malla me empe susun ve tauve silolong kumang ke. ⁹ Vei me keu ngana tena lisi me Nutu tuna,i sao me nanne sereng kana veng.Nutu sona maul ngana tu la keu ngana nane,mangina te i pame nane sereng kana veng.Sao nia.I tutu me Nutu tuna. ¹⁰ Ngana ve ita tamate me lora matane itia na Nutu tuna,ve itia na silolong tuna .Ita lora matane me keu ngana empe veng pe ngana sao, i sao me Nutu neke.Ve keu ngana nama mate ke Nutu tutuna me sao, i kena sao me Nutu neke. ¹¹ Ngailia nia meu katae kao me ,ita kena kena ma tamate palle ke vae ngara me . ¹² Ita sao me tatutu me Kaen.I silolong keu ke,te i vailia teina te mate .Mantia ne i vailia teina te mate?I vailia teina kaa i veng ke tal,ve teina veng ke pe. ¹³ Teu me ,vei me keu ngana maa kana me keto rinri meu,meu sao me kakipe ura ke nei. ¹⁴ Ita tauni kapara la Nutu kepeu tamane ke me.Mangina te ita lora matane ,ita takaven sasalia mateng kana veng te ita tatutu la veng nama mau ngalul kana. Keu ngana unni kapana sao la teina me,i tutu tale la veng nama mateng kana. ¹⁵ Keu ngana mate palle ke teina sao ve sana unri teina ,vei me i valia teina mate.Teu me lomeu matane,keu ngana valia tena mate,i sao me rai mau ngalul nama tutu pe saelle saelle. ¹⁶ Lesing tuni I sona te mate me pupu kala ita ,te veng nei pae nana ita rong ke veng nama tamate palle ke vae ngara me rumanna.Te ita kena ma tauni motoning kita te tapupu alle teira kiristen me. ¹⁷ Ulave vei me keu ngana tena kana uru ngape maa kana ,ve i kele teira panrae kare uru sao,te i sao me lona ke teira nane me.Ita lora matane ,Nutu veng nama mamate palle ke vae ngara me rumanna,tu la keu ngana nane sao. ¹⁸ Tu sisina ngana me ,ita sao me tamate ke teira me la kao mana o la kaora mana.Sao nia.Ita ma taunni kapara rumanna la iri ve tampe veng pe ngana la iri. ¹⁹ Vei me ita tamate palle ke vae ngara me,ita lora matane ita tananne kao rumanna . ²⁰ Te mantia te vei me kapara turupa kita ke uru tena ,ita tattu yateng la Nutu matana kanna.Nutu lona matane uru me rorol mana te lona matana ngana mua tote lomatana nama tutu la kapara rumanna. ²¹ Tulou me ,ana ve kapara turupa kita sao, ita tamesi pang pang la Nutu matana kanna. ²² Ana ve ita taulo keke ve tata lia uru tena,I tuni la ita ,ka ita tananne I potong ke, te ita tampe veng I mate ke. ²³ Te i potong ke mokoi ita ma tatampa runrumi Tuna Karauso lesing yana te ita kena kena ma tamate palle ke iri naa me, vei me I pele la ita. ²⁴ Vei me keu ngana tena nanne Nutu potong ke,i ilia pita la Nutu,te Nutu ilia pita la i.Nutu tuni Kannu pe ngana la ita.Kannu nane pae nane ita me Nutu tutu la ita .