1
Mam matun turi kao maulul ngana .Kao nei tuu ngailia nia te mam matae ve makele la mata mam.Mam maella ke ve mapulia kama mam la I.Mau nga lul nei lisi malla te mam makele ne matun turi kana kao.Mam maturu la meu ke mau ngalul nei tu pekolo saelle saelle.Ngailia nia I urua Tamana kitutu te I lisi malla te mam makele.
3
Mam makele ve matae rong te mam maturi la meu vole nama meu valto la katun kapa meu kena mana la mam.I tange tattu kapa kena mana la tamara ve la tuna Karauso Lesing.
4
Mam mapasia kao nei la la meu nama ingaru kamam usua palle rumanna.
5
Mam matae Karauso Lesing turi kao nei te mam maturi la meu.Nutu, I lamang te sao me uru kangkung ngana mumuna tena tu la I.
6
Vei me ita tapele me ita kapara kena ke I ulave ita tallo la talung,euve kaora nane sao me rumanna te ita sao me tallo ke veng rumanna ngana.
7
Vei me ita tallo ke lamang munna kena vei me I tutu la lamang,ita tattu kapara kena mana la Nutu kepeu tamane ke me naa kala.Te Nutu tuna valaena pamate sereng kita me rorol mana te talisi likong.
8
Vei me ita tapele me ita kara sereng sao,euve ita tapasiling alle kapara te kao rumanna ngana tu la ita sao.
9
Ulave vei me ita taturi sereng kita,I veiya veng toro ngana te rau keke sereng kita .I rau ke veng tal ngana nama tutu la ita te veiya ita talisi talikong.
10
Vei me ita tapele me ita tampe sereng sao,la kao nane ita tapatae Nutu me I keu ngana pasiling ngana.Mokoi te Nutu kaona sao me tu la kapara.