¹ १) फिरी तिसरो दिनला गालील कानाम कोना लगीन आतला , अन येसुनी माय बी आतली.

² २) येसू अन तेना चेलासला बी लगीन म वारील आतला. ³ ३) जव दराक्ष नो रस शेलाई गयो तव, येसू नी आई येशु ला आखनी,तिसप द्राक्ष नो रस सेलाय गयो.

⁴ ४) येशु तिला आखनो,हे जे बाई तुना काय काम आस ? आमी मनो समय नाह ययलो मिय.

⁵ ५) तिनी माय ( आई ) सेवक (आवरनारसला) आखनी, " जा काय तो तुमला आखे ताज करवा." ⁶ ६) ताहा यहुदीयो नी शुद्धीकरण नी रीत परमाने दगडान स्व गोयो थवीला आतला, जिम बेन- बेन तिन- तिन मन समावु लागा.

⁷ ७) येशु तिसला आखनो , गोयोस म पानी भरी देवा ,अन तव ते फुल भरी देना.

⁸ ८) अन तव तो तिल आखनो , "आमी काडीन रांधनार ( भोज का कारभारी ) नी जाग ली जावा ,"

अन त्या काडीन लि गया.

⁹ ९) जव रांधनारो ( भोज प्रधान ) ता पानी चाखनो, जा दराक्षनो रस बनी गयलो.आन का न मालूम आतला का ता कहाती ली ययल आस ( पन जा पानी काडनाल तिसला मालुम आतला) तर रांधनारो वरराजाल वारीन तील आखनो.

¹⁰ १०) दरेक मानुस पयल सारा दराक्षनो रस देय आस, अन जव लोक पियन कमी होय जाय तव थोडाक सादा देय आस,पन तु सारा दराक्षनो रस आमी लुगी थवी राखनो आस. ¹¹ ११) येशु गालील न काना म तिनो पयलो चमत्कार नो चिन्ह देखाडीन तिनी महिमा देखाडनो अन आजु तिन चेला तिप विश्वास करवाल लागी गय. ¹² १२) अन ईनी बाद तो अन तेनी माय अन तिनो भाव अन तेना चेला कफरनहुम गया अन तहा थोडाक दिन तहा रना. ¹³ १३) यहुदीयो ना फसह नो पर्व ( बलिदान कलवानो तहेवार ) जाग यय गयलो,अन येशु यरुशलेम ला जायलो आतलो.

¹⁴ १४) अन तो मंदिर म बयल अन मेंड,कबुतर ईकनार अन सराफो ( दारू ईकनार ) बठीला देखना . ¹⁵ १५) तव तो दोयडाना चापुकडा बनावीन होग ( बठ) मेंड अन बयलसला मंदिर मती बायर काडी टाकनो.अन सर्रफो ( दारू ईकनार) ना पैसा फेकी देनो,अन दुकान उलडावी देनो.

¹⁶ १६) अन कबुतर ईकनारसला आखनो, ईसला यहाती लिजावा ; मन आबाना भवन ला व्यापार ( धंदो ) ना बनवशा. ¹⁷ १७) अन तिन चेलासला याद यना का, लिहायला आस "तुन घरनी आस मल खाई जाही."

¹⁸ १८) ईप यहुदी तिल आखन, तु जा आखी रनो तो हामला कोनसा चिन्ह देखाय आस ?

¹⁹ १९) यीशु जवाब देनो " ई मंदिर ला तोडी टाका अन हाय तिन दिन म उभा करी दीस. ²⁰ २०) यहुदी आखना ई मंदिर ला बनावास सतीचाईस वरीस लागना आस , अन काय तु एला तिन दिन म उभा करस .

²¹ २१) पन तो तीना शरीर ( देह ) ना बाराम आखनोल .

²² २२) अन जव तो मरीलाम ती जिवतो होय उठनोल तव तिन चेलासला याद यना का ई तो आखनोल;अन तिसनं पवित्र बायबल अन ति वचन ( शब्द) नी जो यीशु आखनोल, तेसनं प्रतीत करनाल. ²³ २३) जव तो यरुशलेमम फसह ( यहुदीयो त्योहार) नो समय , शनम आतलो अन मुकत तो चिन्ह तो जो देखाडु लागो हेरीन तिना नाव वय विस्वास करना.

²⁴ २४) पन यीशु सोताल तिसनी भरोसाय नहा छोडनो , किसाका तो बटसला वयखु लागो.

²⁵ २५) अन तिनं मतलब ई आतला का,कोय मनुस यो गोठयो विषयनी गवाय दे,किसाका तो जानु लागो का मनुस ना मन मां काय आस.