¹ १) फिरी येशु यहुदी त्योहार ना सव दिन पयल बैतनिय्याह यनो जाहा लाजर आतलो जिला येशु मरीलामथी जीवतो करनोल ।

² २) ताहा ते तिनी करता राधी थवनल अन मार्था सेवा करु लागी अन लाजर तिसनामती यक आतलो जो तिनी हारी भाकर खावाल बटनोल ।

³ ३) तव मरीयम जटामांसी ना आरधा सरे खुब किमती इत्र ( अतर) लिन येशु न पाग प डाकनी अन तिन बाल थी तिना पाग नुसनी अन अतर ना वास थी पुरा घर म वाय यवाल लागी गयो । ⁴ ४) पन तीना चेला स मती यहुदा इस्करियोती नावनो यक चेला जो तिला धरावी देनार आतलो आखु बटी ।

⁵ ५) इ अतर तिन सौ दिनार म इकीन गरीब स ला किसा नाहा देन ।

⁶ ६) तो इन करता नाहा आखनो का तिला गरीब सनी चिंता आस पन इन करता का तो चोर आतलो अन तिय तिनी पयली रय लागी अन तिम जा काय डाकु लाग तोह काणी टाकु लागो । ⁷ ७) येशु आखनो तिला मला बुजवानी दिन न करता रव दे ।

⁸ ८) किसाका गरीब त कायम तुमनी हारी रत आस पन हाय तुमनी हारी कायम नाहा रहवाव । ⁹ ९) यहुदिय थी साधारण लोक मालुम पडी गयला का तो काटा आस अन ते खाली येशु नी वजयती यन पन इन करता भी का लाजर ला हरेनल जिला तो मरीलामती जीवतो करनोल ।

¹⁰ १०) तव प्रधान याजक लाजर ला भी मारी टाकवाल यक जाग होना ।

¹¹ ११) किसाका तिनी वजयती खुब यहुदी जात रहन अन येशु प विश्वास करन । ¹² १२) बिसरो दिनला आवल लोक जे त्योहार म पयल आतल इ वनायन का येशु यरुशलेम यय रहनो ।

¹³ १३) तोह खजुर न्यो फडग्यो लेनो अन तिला मिय भेंट करवाल निगन अन वाहरु बटा होशाना धन्य इस्राएल नो राजो जो प्रभु नी नावथी यय आस । ¹⁴ १४) जव येशु ला यक फुरकया ना बच्चा मियना त तो तिय बसनो जिस लिखीला आस ।

¹⁵ १५) हे सिय्योन नी चोटी भीवस नाहा हेर तुनो राजो फुरकयान बच्चा य बसीन यय आस । ¹⁶ १६) तिन चेल यो गोडयो ना समझनो पन जव येशु नी महिमा प्रगट होनी तव तिसला याद यना का यो गोडयो तिना बाराम लिखील्यो आतल्यो अन लोक तिनी हारी इसणो व्यवहार करनल । ¹⁷ १७) तव गरदीमन न लोक जे तो समय प तिनी हारी आतला इ साक्षी देन का तो लाजर ला कब्र मती गगापन मरीलायती जीवतो करनोल ।

¹⁸ १८) इन करता लोक तिला भेटवाल ययल आतल किसाका ते वनानल का तो इ चमत्कार देखाणनो स ।

¹⁹ १९) तव फरीसी तित तिसना आखना विचार तुमु लोक कायज नाहा करी सकी रहना हेरा संसार तीनी फसय चालु बटा । ²⁰ २०) जे लोक ता त्योहार म आराधना करवाल यनल तिमती कइक युनानी आतल ।

²¹ २१) ते गलील न बैतसैदा न रहेवासी फिलुपुस नी जाग पयन तल रावन्यो करन माहोदे हामु येशु ल भेटवाल पयल आस ।

²² २२) फिलीप्पुस ययन अन्द्रियास ला आखनो तव अन्द्रियास अन फिलीपुस येशु ल आखनो । ²³ २३) इय येशु तिसला आखनो तो समय यय गयो आस का मनुष्य ना पोर्या नी महिमा होई।

²⁴ २४) हाय तुमला खरा खर आखु आस का जाव लगु धवुनो दानो जमीय पडीन मरी नाहा जाता तो यकलो रय आस पन जव मरी जाय आस तव खुब फल होय आस । ²⁵ २५) जो सोतानो जिवला प्रिय समज आस तो तिला गमणी देय आस अन जो इ दुनिया म सोताना जिवला नाहा पसंद करतो तो कायम जीवन नी करता तिनी बचाव करी ।

²⁶ २६) जरकदी कोय मनी सेवा करी तो मन पसय पसय यय जावा अन जाहा हाय आस ताहा मन सेवक भी रही जरकदी कोई मन सेवा करी त आबो तिनी इज्जत करी । ²⁷ २७) अमी मनो जीव हरेनान होय उठनो इन करता आमी हाय काय आखु हे आबा मला आमी बचाव ? पन हाय इन करता आमी पोचनो आस ।

²⁸ २८) हे आबा तुन नावनी महिमा कर तव इ आकाशवाणी होनी हाय तिनी महिमा करनो आस अन आजु भी करीस ।

²⁹ २९) तव जे लोग उभ रयन वनाव लाग ते आखन वादया म गाजना बिसर आखन कोय स्वर्ग दुत तीला आकनो । ³⁰ ३०) इय येशु आखनो यो शब्द मन करता नाहा पन तुमनी करता ययला आस ।

³¹ ३१) आमी इ दुनिया न न्याय हाई आमी इ दुनिया न नी सरदार फाडी टाकवाम यही । ³² ३२) अन हाय जरकदी पृथ्वी प थी उच उखलाय जाहीस त व होगसला मन जाग खेचीस ।

³³ ३३) इस आखी तो इ प्रगट करी देनो का तो किस काय भरी । ³⁴ ३४) इय लोक आखन हामु व्यवस्था नी इ गोट वनान स का मसीह कायम रही फिरी तु किसा आख आस का मनुष्य ना पोर्या ल उच उखलावाना जरुरी आस यो मनुष्य नो पोरयो कोय आस ।

³⁵ ३५) येशु तिसला आखनो उजाया थोडीक वार लुगु तुमनी वचम आस जाव लुगु ज्योति तुमनी हारी आस ताव लुगु चलतज रहवा इस ना होय का आधारा तुमला कोडाणी लेय जो आधाराम चाल आस तिल नाहा मालुम रहता का काहा जावाना आस ।

³⁶ ३६) जाव लगु ज्योति तुमनी हारीआस उजायाय विश्वास करा का तुमु उजायाना पोरया बना यो गोडयो आखीन येशु जाती रहनो अन तिनाथी दयी रहनो । ³⁷ ३७) अन तो तिसनी सुमुर आतला चिंह देखणनो तरु भी ते तिय विश्वास नाहा करन ।

³⁸ ३८) किसाका यशायाह भविष्यवक्ता नो वचन पुरो होव जाये जा तो आखनोल हे प्रभु आपन्दी बातनीय कोन विश्वास करना आस अन प्रभुनी शक्ति कोय प्रगट होनो । ³⁹ ३९) इन करता ते विश्वास नाहा करी सकना किसाका यशायाह ह भी आखनो स ।

⁴⁰ ४०) तो तिसना डोया आधया अन तिसना मन कठोक करी देन स इस नाहा होय का डोया थी देख अन मन थी समझ अन फिरी अन हाय तिला सारो करीस । ⁴¹ ४१) यशायाह यो गोडयो इन करता आखनो का तो तिनी महिमा हेरी अन तो तिनी बाराम गोडया करनो ।

⁴² ४२) तरु भी सरदार स मथी खुब जन विश्वास करन पन फरीसियो नी वजयती प्रगट नाहा मानु लाग इस नाहा होय का आराधना लय मती फाणी टाकवाल यय ।

⁴³ ४३) किसाका मुसनी बडाह तिसनो परमेश्वर नी बडाई थी वधार पसद यय आस । ⁴⁴ ४४) येशु गगायन आखनो जो माय विश्वास कर आस तो माय नाहा पन मल मोकल नारा प विश्वास कर आस ।

⁴⁵ ४५) अन जो मला हेर आस तो मना मोकल नार ला हेर आस । ⁴⁶ ४६) हाय जगतम उजाया बनीन पयलो आस किसाका जे कोय माय विश्वास करी ते आधाराम नाहा रहवाव ।

⁴⁷ ४७) जरकदी मन्यो गोटयो वनायन नाहा मानाव त हाय तिला गुनो करनार नाहा ठरव तो किसाका हाय दुनिया ल गुनो करनार ठरवाल नाहा पन दुनिया ना उदधार यनो आस । ⁴⁸ ४८) जे मला वगर कामना समझत अन मन्यो गोटयो नाहा वनाता तिला गुनो करनार ठरवाल त यकज आस मजे जे वचन हाय आखनो ते तीला अन्तीम दिन ला गुनो करनार ठरवी ।

⁴⁹ ४९) किसाका हाय मनी गुमती गोडयो नाहा आखनो पन आबो जो मला मोकलनो आस तोज मला आखनो आस का काय काय आखु अन काय काय बोलु ?

⁵⁰ ५०) अन मला मालूम आस का तिना आखीला अनन्त जीवन आस इन करता जा हाय आखु आस ता जिसणा आबो मला आखनो आस तिसज आखीस ।