¹ १) हाय तुमला खर खर आखु का जो कोई दरवामथी भडेवाणा ना यतो पन करतरी भी भराय आस तो चोर डाकु आस ।

² २) पन जो दरवामथी यय आस तोह भेट चारनारो आस । ³ ३) तिन करता चोकीदार दरवाजो उघाणी देय आस अन भटे तिना शब्द वनात आस अन तो तीन भडेसला नाव लिन वाहर आस अन बाहयर ली जाय आस ।

⁴ ४) अन जव तो तिन होग भडेसला बाहयर कणी चुक आस तव तिसनी आगय आगय चाल आस अन भडे तिनी फसय फसय चालु पडी जात आस किसाका ते तिना शब्द वयकत आस । ⁵ ५) पन ते परापासनी फसय नाहा जवाब पन तिल हेरीन नाहटी किसाका ते परायासना शब्द नाहा वयकत ।

⁶ ६) येशु तिसला यो उदाहण आखनो पन तिसला कान समझना का यो काय आखी रहनो जा तो हामला आखु लागो । ⁷ ७) तव येशु तिसला आजु आखनो हाय तुमला खर खर आखु आस का मडे सनो दरवजे हाय आस ।

⁸ ८) जतल मनाली पयल यनल ते होग चोर अन डाकु आतल पन भेट तिसना नाहा वनान । ⁹ ९) दरवाजो हाय आस जरकदी कोई मन वजयथी वसम भरायइ त तो उध्दार पापी लिही अन वसम यव जाव करी अन तिला चारी मिइ ।

¹⁰ १०) चोर काय बिसरा कामला त नाहा पेन खाली चोरी करवाल अन मारी टाकवाल अन नाश डाकवाल यय आस ,हाय इन करता यनो का तिसला जीवन मिई अन लाबो जीवन मिलवी लिही । ¹¹ ११) सारो चारनारो हाय आस सारो चारनारो भेड सनी करता सोतानो जीव दी देय आस ।

¹² १२) मजुर जो चारनारो नाहा मिय अन नाहा भेड नो मालिक आस भेडिए अस ला यता हेर मडे सला सोणीन नाहारी पण स अन भेडिया तिसला धरी लेय अन तितर बितर करी डाक आस ।

¹³ १३) तो इन करता नाहरी जाय आस किसाका तो मजदुर आस अन तिला भडे सनी चिंता नाहा मिय । ¹⁴ १४) सारो चारनारो हाय आस हाय मन भेड सला वयकु आस अन मन भेड मला वयकत आस ।

¹⁵ १५) जिस आबो मला वयक आस अन हाय आबाल वयकु आस अन हाय भेड सनी करता जीव देव आस ।

¹⁶ १६) अन मनी बिसरी भी भेड आस जे इ भेड वाणा नी नाहा मिय मला तिसला भी लावाना जरुरी स ते मना शब्द वनाइ तव यज झुण्ड अन यक ज चारनारो रही । ¹⁷ १७) आबो इन करता माय प्रेम थव आस किसाका हाय मनो जीव देव आस तिला फासे लिलेव ।

¹⁸ १८) काहे तिला मापती होदायता नाहा नत हाय तिला सोताज देव आस मला तिला देवानो अधिकार आस इ आज्ञा मन आबानी गुमती मला मियनी आस । ¹⁹ १९) यो गोडयो नी वजयती यहुदी सम आजु भाग पणना ।

²⁰ २०) तिसमती आवल जन आखु लागा तिनाम दुष्टात्मा आस अन तो पागल आस तिना किसा वनात आस ?

²¹ २१) बिसर आखन यो गोठयो इसणा मनुसन्यो नाह मिय जिम दुष्टात्मा आधयना डोया उधाणी सक का ? ²² २२) यरुशलेम म स्थायन त्योहार होनो अन थडीनो महिनो आतलो ।

²³ २३) अन येशु मन्दिर म सुलेमानन ओसार ( वड़ा वरान्डा ) म फिरु लागो ।

²⁴ २४) अन तव यहुदी यना अन चारी मरेथी तिला कोडी लेना अन पुछना तु हामना मनला काव लुगु विचार म पाडी थवस जरकदी तु मसीह आस त हामला नककी आखी दे । ²⁵ २५) येशु तिसला जवाब देनो हाय तुमला आखी देनो आस अन तुमु विधास करतज नाहा जे काम हाय मन आबानी नावती करु आस तोज मनो गवाह आस ।

²⁶ २६) पन तुमु इन करता नाहा विधास करत का मन भेडसमती नाहा मिय । ²⁷ २७) मन भेड मनो शब्द वनात आस अन हाय तीसला वयकु आस अन ते मनी फसय फसय चालत आस ।

²⁸ २८) अन हाय तीसला अनन्त जीवन देव आस अन ते कवभी नाश नाहा होवाव अन होय तिसला मन हात मती नाहा न्हदाह लेवाव । ²⁹ २९) मनो आबो जो तिसला माप देनो आस होगथी मोटो आस अन कोई आबानी हाथ मती नाहा हिदाह सकाव ।

³⁰ ३०) हाय अन आबो यक स ।

³¹ ३१) यहुदी तिय पत्थराव करवाल आजु डगणा उखलना । ³² ३२) इय येशु तिसला आखनो हाय तुमला मन आबानी गुमती खुब भलाई न काम देखाण नो आस तिमती कोनसा कामनी करता तुमु माप पत्थराव करत आस ?

³³ ३३) यहुदी तिला जवाब देनो भल ( सारा ) कामनी करता हामु तुला पत्थराव नाहा करी सकत पन परमेश्वर नी अपमान नी वजयती अन इन करता का तु मनुष्य होयन भी सोताला परमेश्वर बनाण आस । ³⁴ ३४) येशु तिसला जवाब देनो काय तुमनी व्यवस्था म नाहा लिखीला मीय हाय आखनो तु इधर स ?

³⁵ ३५) जरकदी ते तीला ईधर आखन जीय देवना वचन पोचना ( अन ) पवित्र शास्त्र न्यो गोटयो लोय नाहा होय सकत्यो ।

³⁶ ३६) त जिला आबो पवित्र ठरवीन दुनिया म मोकलनो तुमु तिला आखत तु निन्दा कर आस इन करता का हाय आखनो हाय परमेश्वर नो पोरयो आस । ³⁷ ३७) हाय मन आबाना काय नाहा करतो त मना विधास नाहा करसा ।

³⁸ ३८) नत हाय करतो होई त लाग मन विधास ना भी करा पन ते काम प विश्वास करा किसाका तुमु जाना अन समझा का आबो मनाम आस अन हाय पिता आस ।

³⁹ ३९) तव ते आजु तिला धरवारी कोशिश करना पन तोह तिसनी हाथ ती निगी गयो । ⁴⁰ ४०) फिरी तोह यरदन नी पार तो स्थान जातो रहनो जाहा योहन्ना पयल बपतिस्मा देव लागो अन ताहाज रहनो।

⁴¹ ४१) अन खुब जन तिन जाग ययन आखु लाग युहन्ना त कोई चिन्ह नाहा देखाणनो पन जा काय योहन्ना इन बाराम आखनोल ता होगा खरा आतला ।

⁴² ४२) अन ताहा खुब जन तिय विधास करन ।