¹ (१)पौलुस नी जी नाहा मनस सनी गुमती ना अंन ना मनुष नी वजय ती पन स यीशु मसीह अंन परमेश्वर आबा नी वजय ती तीला मरेला मती जिवतो करनो ती प्रेरित आस। ² (२)अंन बटा भावसनी गुम थीं जो मनी हारी स गलातीयो नी मडली स ना नाव । ³ (३) देव आबो अंन अपना प्रभु यीशु मसीह नी गुम थी तुमला खुशी अंन शांति भीयती रहो । ⁴ (४) तो आपना पाप नी करता सोताला सोपी देना किसा का प्रमेश्वर अंन आबानी मरजी थी आपला खराब दुनिया थी बचाव नी। ⁵ (५) तिनी महीमा कायम न कायम रई। आमीन। ⁶ ६) मलात नवाई होयस का जी तुमला मसीह नी खुशी गगाव न तीला तुमु अतली जलदी फीरीन अन ईज प्रकार नी समाचार नी गुम झुकवाला लागी गय। ⁷ ७) पन ती त बिसरी समाचार मियत ना पण गोठ ईस आस कत लक आस ते तुमला भिवाडी देत अन मसीह ना समाचार बिगाडवाल करत । ⁸ ८) पन जर आपु अन स्वर्ग ना दुत भी तो समाचार ली छोडी न जो हामु तुमला आकन स तो बिसरी समाचार तुमला आकी तो श्राप आस। ⁹ ९) जीस हामु पयल आखी देन सत तीसज हाथ आजु आखु जो समाचार ला छोडी न तुमु मानी लेन तो बिसरा समाचार वनाड स ,त श्राप स। ¹⁰ १०) आमी हाय मनुषला मानु का देवला किसा हाय मन्सला खुस करवा ना आकु जर हाय आमी लुगी मंन्ससला ज खुश करतो त रतोत मसीह नो दास ना रतो । ¹¹ ११) इव भावस होन हाय तुमला आकी देव जी समाचार हाय वनाई ना स तो मन्सस ना नहा। ¹² १२) किसाका तो मला मनुष नी गुम तीना पोचनो अन नाहा मला सिकाडैला स पन यीशु मसीह ना उजाय ती मियना । ¹³ १३) यहुदी मत जो पयल चाल चलन आतला तुमु वनाय चुकन होई ,मय परमेश्वर नी मंडली पका सताडतोल अन नाश करु लागो। ¹⁴ १४) अन हाय युहदी धर्मम आपना हारीना युहदियो थी वदार आगय वधु लागे अंन हामनी जुनी यिठीसना रिती रिवाज म पका उभारी म आतलो । ¹⁵ १५) पन परमेश्वर ईच्छा होनी , तो मनी माय नी गर्भ मतीज मला उभी करनो तीना आशीर्वाद थी गगवी लेनो। ¹⁶ १६) का मनाम तुनो पोर्या देखाड का मय बिसरी जातम तीना समाचार वनाड तनाह मय मास अन रगत थी सला लेनो। ¹⁷ १७) अन नहा यरुशलेम ला तीनी जाग गयो जी मनाती पयल प्रेरित आतला जलदी अरब ला जातो रनो अन फिरी तहा थी दमिश्क म वापस जातो रनो । ¹⁸ १८) फिरी तीन वरीस म कैफा ला मिय वाला यरुशलेम गयो अन तीनी जाग पन्दरा दिन सुधी रनो। ¹⁹ १९) पन प्रभु नो भाव याकुब ला सोडीन अन प्रेरितों ती कोला नहा मियनो। ²⁰ २०) जो गोटयो हाय तुमला लिखु हा परमेश्वर ला हाजर जानकारी आकुस । ²¹ २१) तिनी फिरी सीरीया अन किलीकिया नी देशो म यना का ते लुछी नाहा। ²² २२) पण यहुदियानी मन्डडी जो मसीह म आतल मना मुयत कवज ना देख नो। ²³ २३) पण ईज वनाव लागी का जी हामला पयल साताडु तो आमी तीज विश्वास नो समाचार वनाड स जिला पयल नाश करु लागो। ²⁴ २४) अन मनि बाराम परमेश्वर नी महिमा करु लागी ।