2 २ हामनो आबो परमेश्वर अन यीशु मसीह नी घुम ती तुमला अनुग्रह अन शान्ति मिलती रव जोय। 3 ३ हामनो परमेश्वर अन प्रभु यीशु मसीह नो आबा ला धन्यवाद होय क तो हामला मसीह म स्वर्गीय जागा म बट्टा प्रकार नी आत्मिक आशीष देनो स।
4 ४ जीस तो हामला दुनिया नी उत्पत्ति नी पयल तीज तीम निवळी लेनो स हामु तीनी नजर म पवित्र अन निर्दोष होवा। 5 ५ अन प्रेम म तो तीनी इच्छा नी भले अभिप्राय नी मायक हामला तीनी करता पयलती उगवनो क यीशु मसीह नी द्वारा हामु तिना लेपालक पोरे हो।
6 ६ क तीना ता अनुग्रह नी महीमा नी स्तुती होय जिला तो आपला तिना प्रिय पोरया नी वजय थी सेत मेत देनी। 7 ७ आपला मसीह म तिना रगत थी छुटकारो महजे गुना नी माफी परमेश्वर ना अनुग्रह मा दान थी मियना स।
8 ८ जिल तो आखी ज्ञान अन समज नी हारी आपुन प बहुतायत थी करनो। 9 तो तिनि इच्छा नो राज तिना सारा अभिप्राय नी अनुसार हामला आकनो, ठानी लेय लो आतलो। 9 ९ तो तिनि इच्छा नो राज तिना सारा अभिप्राय नी अनुसार हामला आकनो, ठानी लेय लो आतलो।
10 १० क परमेश्वर नी योजनानी अनुसार , समय ( सोता ) नी पुर्ति होवा य , जा काय स्वर्ग म अन जा कोय पृथ्वी प स, बटा काय ता मसीह म एकत्र ( यकजाग ) करी । 11 ११ मसीह म हामु बी तीनी ज मनसा ती जो तीनी इच्छा नी मत नी अनुसार बट्टा काय कर स, पयलती ज उरावी जायला यिगसत ब न।
12 १२ क हामु जे पय ल तीज मसीह प आशा थवेली आतली तीनी महीमा नी स्तुति नो कारन होय। 13 १३ अन तीमज तुय बी जव तुमु खरा नो वचन वनान, जो तुमनी वजय ती सार्यागोटयो स , अन जिय तुमु विश्वास करन , प्रतिज्ञा किरेल पवित्र आत्मा नी छाय लागनी।
14 १४ तो तीना मोल लेय लस ला छुटकारानी करता हामनी विरासत ना बनविला स , क तीनी महीमा नी स्तुती होय। 15 १५ इनी वजय ती, मय बी तो विश्वास जो तुमु लोग म प्रभु यीशु प स अन बट्ट पवित्र लोग नी प्रति प्रेम न्यो सार्या गोटयो वनाळीन।
16 १६ तुमनी करता परमेश्वर नो धन्यवाद करवाना नाहा छोजतो अन तीनी प्रार्थना सम तुमला याद करा करु स। 17 १७ क हामनो प्रभु यीशु मसीह नो परमेश्वर जो महीमा नो आबो स, तुमला बुद्धी नी आत्मा अन तीनी आज्ञा ना उजाय देय।
18 १८ अन तुमनी मन ना डोया ज्योतिर्मय होय क तुमु जानी लेवा क हामनी बुलाहट नी आशा काय स, अन पवित्र लोगस म तीनी यियासत नी महीमा नो धन कीसळो स। 19 १९ अन तीनी सामर्थ हामनी घुम जो विश्वास करत स, कतली महान स, तीनी शक्ती नी प्रभाव नी ती कार्य नी अनुसार ( मायक ) ।
20 २० जो तो मसीह नी बारा म कर न ,क तीला मरेलस मती जिवाळीन स्वर्गीय जागाम तीनी उलटी घुम,
21 २१ बट्टा प्रकार नी प्रधानता, अन अधिकार, अन सामर्थ , अन प्रभुता नी, घुम बटा यक नाव नी ऊपर, जो ना खाली ई लोग म, पन यना र लोक म बी लेवायी, बठाळनो, 22 २२ अन बटा काय तीनी पाग तय करी देनो अन तीला बट्टी वस्तु प शिरोमणि ठहरावी मंडळी ला दि देनो।
23 २३ ई तीनी शरीर स, अन तीनी ज परिपूर्ण ता स, जो बट्टा म बटा काय पूर्ण ( पुरा ) कर स।