¹ १. पौलुस नी घुमथी जो परमेश्वर नी मरजी ती मसीह येशु नी प्ररित स अन भावु तीमुथियुस नी घुमती

² २. मसीह म ते पवित्र अन विश्वासी भावु सना नाव जो कुलुस्से म रता स हामनो आबो परमेश्वरनी घुमती तुला दया अन शान्ती मीयती रव जोय

³ ३. हामु तुमनी करता कायम प्रार्थना करीन हामनो प्रभु यीशु मसीह नो आबो मन्जे परमेश्वर नो धन्यवाद करुत स ⁴ ४. किसाका हामु वनाना स का मसीह यीशु प तुमनो भरोस स अन बट्ट पवित्र लोक ती मया थवत स

⁵ ५. ती आसा करेली वस्तु नी वजय ती जो तुमनी करता स्वर्गम थोवली स जिनो वर्णन तुमु त्यो सार्यो गोटयो नी खरा वचन म वनाय लेयल स

⁶ ६. जो तुमनी जोग येनो स अन जिसा दुनिया मबी फय लावनो अन वदतो जाय स तिसाज जि दिनला तुमु तिला वनाना अन सच्चाई थी परमेश्वरनो अनुग्रह वयखना स तुमाबी ईसाज करस ⁷ ७. तिनीज शिक्षा तु हामनो प्रिय सहकर्मी इपफास ती मियनी जो हामनी करता मसिह नो विश्वास योग्य सेवक स तोज

⁸ ८. तोज तुमनी प्रेमला जी आत्माम आस हामप प्रगट करनी ⁹ ९. इनी करता ज दिनती ई वनानी आस हामु बी तुनी करता ई प्रार्थना करत अन विंनती करीन कायना चुकन कि तू होग आत्मीक ज्ञान अन समझ सहीत देव नी वयक ज परिपूर्ण होय जात

¹⁰ १०. किसाकी तुना चालवान-रवान देव ला लायक स अन तो होंग प्रकार खुश स अन तुमु होग प्रकारना सारा काम म फय मिय अन देवनी वपकाद म चालत जावा ¹¹ ११. अन तीनी महिमा नी ताकत नी नियमत होग चालवाना रवाना सामर्थ्य नी ताकत होत जावा या की खुश ज मनाहारी होग चालवाना रवाना थी धीर अन सईन करवानी देखाळी शका

¹² १२. अन आबाला धन्यवाद करता रवा जो हामला जी लायक बनावनो सका उजायाम चोक मनुस नी हारी खानदानी हीयीमीन रहवाना ¹³ १३ .तीज हामला दुख मती खायळनी तीनीज पोरयानी गांव म फिरती फिर

¹⁴ १४. जीम हामला छुटकारो मंझे पापनी माफी मिय आस ¹⁵ १५. पोरयो त अदृश्य देव नी प्रतिरुप अन आखी दुनिया म पयलाथी आस

¹⁶ १६. किसा का आखी वस्तू तो बनावनो स्वर्गनी नाहात पृथ्वी दखापेली नाहप। वगर देखापेली काय प्रभुताई काय प्रधानताऐ काय अधिकार बटी वस्तू तीनी द्वारा अन तीनीज करता सृजी गई स

¹⁷ १७. अन तोज बटी वस्तूसम पयलो स अन बटी वस्तू तीमज स्थीर स ¹⁸ १८ .तोज सरीर मंझे कलिसीयानो मुंडको आस तोज आदि आस अन मरलामथी जीवतो उठनारामा पयलामा होगी गोट म प्रधान ठरनो

¹⁹ १९. किसाकी आबानी खुशी यीमज स तीम होगी परीपुर्णता वसम रय

²⁰ २०. अन तिना क्रुस पर होवेला रगत थी मेल-मिलाप करीन आखी वस्तुला तिनी वजय थी तिनी हारी मेलकरी ले भले ति पृथ्वी नी रही नाहात भले स्वर्ग नी ²¹ २१ .अन तु पईल परायी आतली अन खराब कामथी मन बी खराब आतलो

²² २२. ती आमी तीना शारीरिक आंग म मरण थी तुना जी मियनो जिनाथी तुला सारा मुय पवित्र अन कलंक वगर अन निर्दोष बनावीन हाजुर करा

²³ २३. जर तु विश्वास नी लडाई म सारो बनीन रहज अन ता सारो समाचारनी आशा ला जिला तु वनानो ह नाहा छोडीस जिनो प्रचार आकाश नी हेटा सारी जागा म करना अन जिनो मय पौलुस सेवक बननो ²⁴ २४. आमी मय ते दुःखी थी खुशी करु स जा तुनी करता उठाडु स अन मसीह ना दुःखनी समये तिनी आंग नी करता मंजे मंडयीनी करता तिना शरीर म पुरी करी देव स

²⁵ २५ . जिना मय परमेश्वरनी ईच्छा अनुसार सेवक बननो जा तुनी करता मला सोपवा म यना स जिनाथी मय परमेश्वरनी वचन ला पुरी-पुरी प्रचार करु

²⁶ २६ . मंजे ती गोठ ला जा समय अन पीढीथी गुप्त रहा पन आमी तिन ते मनच प प्रगट होन स

²⁷ २७ . जिप परमेश्वर प्रगट करवाल देखनो का तिला मालुम पड का भिसरी जात म ति गोठ नी किंमत काय आस अन तो ई आस का मसीह जो महिमा नी आशा स तुम रहय स ²⁸ २८ .जिना प्रचार करिन आपु बठज मनसला देखाडवाना स अन बठज समज थी मनसला सिखाळु स का आपु बठज व्यक्ती ला मसीह म साबित करीन हाजुर कर

²⁹ २९ .अन तिनी करता मय तिनि ति शक्ती थी जो मना म ताकतनी प्रभाव टाक स तन-मन लगाडिन काम भी करु स