6 यीशूय तियान ओ दाखलो आख्यो ते बी जी गोठ तियान आखी तियान काय मतलब हाय तो तियान होमजो नाहा. 7 तियाले यीशुय आजी एक दाव आख्यो माय तुम्हाल खेरो खेरो आखू का आय मेंढा दरवाजो हाय. 8 जो मा आगला आला आथा ते आखा चोर आने लुटारु हाय मेंढाय तिया काय नाहा उनाये . 9 माय दरवाजो हाय माहा द्वारे केंहडो माज आवी ता तिया तारण वेरी तो माज आवी आने बारे जाय आने तियाल खा मिली. 10 चोर ता तो खाली चोरी केरा, मारा आने नाश केरा आवेहे, माय ता तियाने जिवन प्राप्त वे आने हारो वे तियाल आलोहो. 11 माय हारो मेंढेपाळ हाय ; हारो मेंढमापळ मेंढा केंहता जिव देहे. 12 जो मेंढपाळ नाहा हाय ता तो मालिक हाय आने जिया तिया सोता मेंढे नाहा तो वाघान आवता वीन मेंढान सोडीन नाही पोडेहे आने वाघ तियान जोडपी पोडे आने तियाहा अेंहतेह की देहे. 13 मजुर नाय पोडो काहाका तो मजुर हाय तियाल मेंढा कायज काळजी नाहा. 14 माय हारो मेंढपाळ हाय ; 15 आने जेहकी बाहाको माल वाेहोके आने माय बाहाकाल वाेहोकू ते की जे मा हाय तियान माय वाेहाेकू जे मा हाय ते माल वाेहोकूता आने माय मेंढा केंहता जिव दी दीहू. 16 या मेंढा वाडामने नाहा अेंहेडे मा बिहीरे बी मेंढे हाय ते बी माल लि आवा जोजे आने ते बी मा आवाज उनाय फासी एक टोलो आने एकूज मेंढपाळ ऐंहकी वी जाय. 17 माय मा जिव परत ला केंता दी रियो तियाल मा बाहाको मावे माया केहे. 18 केंहडोज तो मापने लि नाहा सेकतो, तर माय तो माहाकीज दीव माले तो देवनु अधिकार हाय ई आज्ञा माल मा बाहाकापने मिलली हाय. 19 तियाले या शब्दापने यहूदी लोकाहाम पेहला फाटा पोड्या 20 तियामने खूब जाय आख्यो तियाल भुत लागलो हाय. आने तो गांडो हाय तुम्हा ऐपला काहा उनाताहा 21 बिहिराय आख्यो इ वचने भुत लागला माहा नाहा हाय काहाका भुताले आंधला डोवा उगडावता आवे का ? 22 ताहा यरुशलेम शेहरा स्थापना सन आथो आने हियालो आथो. 23 आने यीशु परमेश्वरा भवनामे शलमोना खोलीम फिरतुलो. 24 तियाले यहुदी लोक तिया सोमकी वि गिया आने तियाल आख्यो, “आपु किधिलुग आमा मनाल बुलमे राखू तुज ख्रिस्त वेरी ताहा आमाल खुला आखी दे.” 25 यीशु तियान जवाब देदो, “माय तुम्हाल आख्यो ते बी तुम्हाये विश्वास थोव्यो नाहा.” माये मा बाहाका नाव की जी कामे केरु तती मा बारामे साक्षी देतेहे. 26 तेबी तुमा विश्वास नाह थोवता काहाका तुम्हा मा मेंढा मे ने नाहा हाय. 27 मा मेंढे मा आवाज उनाहाते माय तियान वोहोकु आने ते मा फासला आवते. 28 माय तियान सर्वकालिक जिवन दीहीव तिया किधिहजे नाश वेनारो नाहा आने केंहडो बी तियानेह माहा आथामने लि नाहा जाय सेकतो. 29 बाहाकाय माय जो देदो तोह आखासेने माेडो हाय आने बाहाका आथामेने ता केंहडोज ओचकीन ली नाहा सेकतो. 30 माय आने बाहको एक हाय. 31 ताहा यहूदी लोकाहाये तियाय डोगडमार केरा आजी डोगडा उसल्या. 32 यीशुय तियान आख्यो माय मा स्वर्गिय बाहकाेयने खुब हारे कामे तुम्हाल देखावेहे, ति कामामने केला कामा केहेता तुम्हा माल डोगड मार केहता ?. 33 यहूदी लोकाहाय यीशुल उत्तर देदा आमा हारा कामा केंहता तुले डोगड मार नाहा केता, पेन खराब गोगऊला केहता डोगडमार केहता काहाका तु माहाव आसून सोता देव आखतोह. 34 यीशुय तियान आख्यो, “तुमा देव हाय ऐहकी माय आखू ऐंहकी तुमा शास्त्राम लिखलो नाहा का ? 35 जियान देवा वचन मिल्याह तियान जर तियाये देव आख्यो आने शास्त्रलेखाहा भंग नाहा वेहतो. 36 तर जियाले बाहाकाये पवित्र कार्य केहता पसंत किन जगाम मोकल्या तियाय माले माय देवा पुत्र हाय ऐंहकी आखल्यापेने तुमाह खराबगोठीया केंहता ऐंहकी तुमा माल आखता का ? 37 माय जर माय बाहाका कामे नेय केंहता, मापे विश्वास थोवा नाहा. 38 पेन जर माय ती कामे केरु ता मावे विश्वास नेय थोवा ते बी पेन ती कामाव विश्वास थोवा याकेता का मा मे बाको हाय आने बाहाका मे आय हाय ई तुमा वोंहोकी लेजा. 39 ते तिया आजी तेरा केता वेरा लाग्या पेन तो तिया आथाम नेय लागता निगी गियो. 40 फासी तो आजी येरदना तेसली मेरे जी योहान पेहलाने बाप्तिस्मा केंहतुलो ती जागे जायनाहा रियो. 41 ताहा खूब लोक आथा तियाय आख्यो “योहानाये कायज चिन्ह केया नाहा ई खेरो हाय ते बी योहानाये या बारामे काय आखलो आथो तो आख्खो खेरो हाय.” 42 तिह खूब जायये तियाप विश्वास थोव्यो.