¹ पोयराआ, प्रभुम आपो याहाकी –बाहाकाआ आज्ञा माना काहाका ई योग्य हाय. ^{3 2} आपाे बाहाका आने याहाकी मान राखा, ईयाकेअेता की तो होग्गो हारो बेअेरा जोजे आने तुल तोरतीप खुप जीवन मिला जोजे अभिवचन वेअेली ईता पेहली आज्ञा हाय. ⁴ माने बाहकाई तुमाआ आपो पोयरान चिडचिड केअरा नाहा पेन तुमाआ तिइयान प्रभुअ शिस्तीम ओन शिक्षणाम मोडे केरा. ⁵ दासाई,, तुमाआ अंत:करणाआ नम्रतेकी तुमा जेहकी ख्रिस्ता आज्ञा पालताआ, तेहकी पुर्ण आदराकी आने थुरथुर कापते जे शरीराकी तोरती पेने मालकाआरी आज्ञाकी ऱ्याआ. ⁶ माआहाल पोटवनारा होस मुयाकी हारा गोगनारा नोकराहोस नाहा ते मोनाकी, देवाआ इस्या की रेनाऱ्या ख्रिस्ता दासाहोस आज्ञामाननारे वेअेरा. ⁷ ई सेवा माआहा नाह ते देवा सेवा हाय अेहकी मानीन ती आनंदाकी केअेरा. ⁸ हरऐक माआहु जो बी हारा काम केअेहे, तो नौकर वेरी नेयते स्वतंत्र वेअेरी, प्रभुपने तिईयाल प्रतिफोल मिली. ⁹ आने मालकाही तुमा तिईयान धोमकावता नाहा, तेहकीच तुआ दासाआ आरी ऱ्याआ. तुमान ई मालुम हाय का, बेन्याहा बी मालक होरगाम हाय आने तिईयापाही भेदभाव नाहा. ख्रिस्ती माहा हत्यारसामग्री ¹⁰ शेल्ली, प्रभुम मजबुत वेहेते जो आने तिईया सामर्थ्याकी बलवान वेअेरा. ¹¹ सौतानाआ कट-कारस्थाना योजनाविरुदाम उभे रेयेता आवा जोजे तिईयाल देवाआ पुरी शस्त्रसामग्री धारन कीलया ¹² काहाका आपो चुलावनु रोगोत आने डीलाआरी नाहा, ते सत्ताधिरांविरुद्ध, अधिपतीआरी आने वादलामेने दृष्ट आत्माविरुध्द हाय. ¹³ या केअता खाराब दिईहाम तुमान लढता आवा जोजे, तिईयाल देवाई देदली होग्गी शस्त्रसामग्री लया तेहकीज तुमान होग्गो ते केअता टिकीन रेअेता आवी. ¹⁴ ताहा आथी स्थिर उभेऱ्या, खेराईकी आपो हुबोर बांधील्या, नीतीमात्वा पोतडे पोवी ल्या. ¹⁵ शांतीई गोठ्या आखनु केअेता तीईयार केअेते चापले पागुम पोवी ल्या. ¹⁶ रोज विश्वास ढाल हाथुम ल्या, जिईयाकी त्या दुष्टा होग्गे बोलनारे बाण ओलाया जोजे ती हाथोम लीन उभी ऱ्या. ¹⁷ आने तारणा टोप आने आत्माआ तोलवार, जी देवाआ वोचोन हाय ती हाथाम लील्या. ¹⁸ होग्गी प्रार्थना आने विनवनी की होग्गा गोठीम आत्माम प्रार्थना केरा, आने उत्तरा वाट वेअेरा आने होग्गा पवित्र लोकाकेअेता प्रार्थना केअेते ऱ्या जागते ऱ्या. ¹⁹ आने माखातोर प्रार्थना केअेते ऱ्या, जाहा माआयु मुय उघउेहे ताआहा मान हिम्मतीकी सुवार्ता रहस्य आखनु शब्द मिला जोजे. ²⁰ माआयु, तीईया खातोर बंधनाम बांदलो पोडलो हाय, तेहकीच मान जेहकी तिईया खातोर गोगणु जोजे तेहकी हिंमत्तकी गोगता आवा जोजे. साेमाप्ती ²¹ पेन माआकेअेता , माआयु काय कीरिहीलो हाय तो तुमान होमजाया जोजे तिईयाल, प्रिय पावु आने प्रभुम रेनारा विश्वासु सेवक त्या केता ई होग्या गोठ्या तुमान आखेहे. ²² माआयु तिईयान तुमाई ईयाकेअेता मोकलुलो हाय, तेहकीच तुमान माआविषयी माआलुम वेअेरा जोजे आने तिईयाई तुमाहन धीर दा जोजे, ²³ देव बाहको आने प्रभु येशु ख्रिस्ताईने आमी पावुने विश्वासाम प्रीती आने शांती मिले. ²⁴ जे होग्गेजाआये आपो प्रभु येशु ख्रिस्ताप खुप प्रिती केअेतेहे, त्या होग्गाआरी देवाआ कृपा राआ जोजे.