¹ आने तुमाआ आपो अपराध आने पापाखातोर मोय गिईले आथे. ² जीईयाम तुमा पेहेले चालतला, इ तुमा केतुलो तो तोरतीपने चालीरीतीपने आकाशापणे राजाधिपती जो सैतान तेहकीज आज्ञा मुडनारा लोकाम आमी कार्य केअनारा दुष्ट आत्माआ अधिपती, इया आखुजपने अहकी वेअतलो. ³ आमाआ इया आगला अविश्वासनारा आम आपो शरीराल खाराब गोठीकी बागुतूले शरीराआ आने मोना इच्छाकी केअतुलो आने आमाआ सोभावाकी बिहराहोस रोग आवनारो लोक आथे. ⁴ पेन देव दोयालु मोयालो हाय काहाका तिया महान मोयाकी तियाही आमाआप प्रेम केअली हाय. ⁵ आमाआ आमा अपराधा केअता मोय गिईअले अेहेडे आथे तेबी तियाही आमान ख्रिस्ताआरी नोवो जीवन देदेा तुमाआ तारण कृपा की वेअलो हाय. ⁶ आने आमान तियाआरी उठलो आने होरगा स्थानाम ख्रिस्त येशुआरी बोहावे. ⁷ इया खातोर येशु ख्रिस्तामने तिया आमाआपने मोया द्वारे आवनारा युगाम तिया मोडी कृपा देखावा आवा जोजे. ⁸ काहाका देवाआ कृपाम विश्वास की तुमान शिक्षाकी वाचवाम आले हाय आने ते आमाआहीने वेअलो नाह ते इ दान देवाआहीने हाय ⁹ आपो हारा कामा खातोर इ नाहा वेअेलो इयाकेअेता केअडाइ बोढाई नाहा माराहा. ¹⁰ काहाका आमा देवाआ आथाकी बोनुवूले हाय जे ख्रिस्ताम हाय जेहकीका आमाआ जीवनाम हारे कामे केरा जोजे जे देववाही पेहेलाने योजना की थोवले आथे. ¹¹ तिययाल इतवा, ऐकटाइमाल तुमाआ शरीराकी परदेशामने आथे आने जीइया शरीराल सुंता माआहा हाताकी वेअली आथी, ते माआहे आपोल सुंता अेहकी आखतुले ते तिइयान वेसुता वेअले आखातुले. ¹² ताहा तुमा ख्रिस्ताहीने जुदे आथे इस्त्राएलाआ बाआरेने आथे वोचनाआ कराराहीने तुमाआ काईच मालुम नाय अेहकी तुमआ आथे, तुमाआ तुमाहा भविष्याकालीन तुमान कायुज आशा नेय आथी आने तुमाआ देवाआ बिगर अेहेंडे जीवतुले ¹³ पेन आमी ख्रिस्त येशुम जे तुमाआ ऐक टाईमाल देवाहीने दुर आथे पेन आमी येशु ख्रिस्ताम तुमाआ ख्रिस्ताआ रोगोताकी तीइयापाही आले हाय. ¹⁴ काहाका तोज आमा शांती हाय तिइयाइ यहुदीन आने विदेशीन इया बेन्याल एक लोक अेहडे केअले हाय तिइया डिलाल की तिईयाई आमान एकबिजाईन जुदीकेअनारी पीथ पाडी टाकीही. ¹⁵ तिईयाई आज्ञा विधी कायदा आने नियमशास्त्रा आपोओ देहाकी रद्द केअया, इया केअता का खुद तिईयाई वेअेन्याल एक नवो माआहु उत्पन्न किईन शांती ली आलो. ¹⁶ तिईयाई उबाआडवा लाकडाप जीव माईन तिया द्वारेएका शरीराल बेन्याहा देवाआरी एकजागे केराखातोर ¹⁷ ख्रिस्त आलो आने तिईयाई शांती सुर्वाता आखी. ¹⁸ काहाका येशु आमा बेन्याहा एका पवित्र आत्माम देवापाही प्रवेश वेअेहे. ¹⁹ इयाखातोर तुमाआ आमी बिहेरी नाहा आने बिहरादेशा नाहा, ते तुमा आमी पवित्र माआहा गरागरीने सहनागरीक आने देवाआ कुटूंबामेने हाय. ²⁰ तुमा प्रेषित आने संदेष्टे इया हिकुवणी पायाप बांधली को हाय, आने ख्रिस्त येशु ओ खुद तिया दोगडो हाय. ²¹ पुरो को तियाकी जोडाय गीईलो हाय आने प्रभु पवित्र भवन, को वेराखातोर बंधा रिईलो हाय. ²² तीयाम तुमाबी बिहराआरी देवाआ आत्माकी देवाआ रेवनु जागो तियार केअरा खातोर एकजागे बांधाम जाय रिईले हाय.