अध्याय – १
1
देवा इस्सा की ख्रिस्त येशु चेला आने पावूहू तीमथ्य इयाहिने,
2
कलसै शहरामेने पवित्र जाआहा आने रक्तामेने विश्वासु पावुहु न देवा आपे बाहाको इयाहिने तुमाहाल कृपा आने शांती रेअ.
3
आमुहु तुमा खातोर प्रार्थना केताहा ताहा तुमा दिनरोज देवा काहाका आपु प्रभु येशु ख्रिस्त इयाबाहाका आभार मानतेहे
4
काहाका ख्रिस्त येशु इहिमने तुमा विश्वास बोद्दल आने बादा पवित्र जाहा खातोर तुमाहाम रेनारी प्रिति बोदोल आमा उनायाहा.
5
जी आशा तुमा खातोर स्वर्गाम थोवली हाय इया आशा खातोर, तुमा पेअला सुवार्ता खेऱ्या वचनाम उनायाहा .
6
ती सुवार्ता तुमाहाम आली तुमा उनाया आने तुमाल खेरोपनामे देवा कृपाज्ञान वेअयो ती दिहीपने ती जेहेकी बादा जागाम तेहेकी ती तुमाहाल फल देहे, आने वादी रियोहो.
7
आने इया कृपा बोदलाम तुमा एपफ्रासाहीने हिक्या, तो आमा खेरो हेंगात्यों काम केनारो आने आमा वाेतीहीकी तुमाहाम रेनारो ख्रिस्ता विश्वासु सेवक हाय.
8
तियायुज आत्म्याम रेनारी तुमा प्रिती तियाहीज आमाहाल जानावी
9
तियाहाल इ उनायने तिया दिहपेने आमा बी भाग पोडा देताहा, तुमा खातोर प्रार्थना केअताहा आने मागताहा का तुमाहान बादो आत्मिक ज्ञान आने ओक्कोल आवीन तिया इस्से बोद्दोल ज्ञानाहाकी तुमा पोराया जोजे.
10
इया खातोर का तुमा प्रभुल बादा गोठीम खुश केनारे बाद्दा हारा कामाम फल दिईन तियाल सोबे ऐहेकी जिवुलो आने देवा ज्ञानाम तुमा वादुलो हाय.
11
आने तुमा बादी हिम्मत आने खुशी देनारी सहजता मिलवा मिया गौरव ताकोत ने तुमाहाल पुरो महिमा मिलिन तुमा ताकोतवान व्याआ.
12
आने उजवाडामेने पवित्र जाआहो वारसा हिसाम तुमा एक बिहिराआरी मिलीन ऱ्याआ. काहाका जियाय तुमाहाल एक हारो योग्य केअयोहो तिया बाहाका तुमा आभार माना.
13
तियाय आपुहुल आंदारा आदिकारामेने सोडविन तिया मेराला पोयरा राज्याम ली आले हे.
14
आने तिया खातोरा तिया रक्ताहाकी आपुहुल सोडवुले हाय पापा गुनाहा माफी मिलली हाय.
प्रभू येशू ख्रिस्ता स्वरूप आन तीया कामे
15
ख्रिस्त ओ नाय देखानाऱ्या देवा रुप होय आने बादी उत्पन्नवेली सृष्टी पेलाज हाय.
16
काहाका स्वर्गाम आने तोरतीपे देखाय आने नाय देखाया राजगादी का अधिपती आदीकार का ताकोत ऐहेड्या बाद्या गोठीही की केल्या हाय. बाद्या गोठ्या तियाहाकी आने तियामुज केल्या हाय.
17
तो बादाहा पेअलो हाय आने तियाहकी बाद्या काय गोठ्या बोनलया हाय,
18
तो डीला मुनको ने मंडळी मुनको हाय, तो पेअलो हाय आने मोय गेहेलामेने पेअलो जीवतो वेला हाय, तियाल बादी गोठी,
19
इया खातोर का तियाय देवा बादी भरपुरी रेय इया खातोर तियाल खुशी वेअहे.
20
आने आपु तिया वधस्तंभापेने रक्ताहाकी शांती मिलीन तोरतीपे का स्वर्गाम रेनाऱ्या बादी गोठी की तियाहीने आपे सवताहा समेट केरुलो इ देवाल हारो लागे.
21
आने तुमा जाहा पेअला कालाम देवाहानी दुर आथाे आने तुमा खाराब कामावाई मोनामे वैरी आथा.
22
ताहा तुमा तिया तियाही डीलाम तिया मोरुला इहिमे आमी सवताहा एकटे वेअले हाय इया खातोर तियाय तुमाहाल तिया डोअवा आगला पवित्र निष्कलंक दोष नाय रेय एहेडो देखावुलो हाय.
23
काहाका तुमाहाय विश्वासाम पायो टाकीन तियाम मजबुत ऐहेंडे रेहेले हाय आने तुमा उनायाहा ने जुगातोले बांदी सृष्टीम आश्वाम आल्ली सुवार्ता आशापेने तुमा होरकुलो नाहा, आने आय पौल तियु सेवक वेअलो हाय.
ख्रिस्ती मोंडलीही वादाजोजे तिया खातोर पौल ख्रिस्ताआ आऱ्यो
24
तुमा केअता इ मा दुखाम आनंद की रियोहो आने आमी ख्रिसता दुखाम तिया शरीरा केअता जे कोमी हाय ते मा शरीराम आय पुरो कि रियोहो आने तिया शरीर मंडळी हाय.
25
आने देवा वचन पुरो केरा तुमा केअताह देवा कारभार माल देदलो हाय तियाम आय मंडळी सेवक वेअलो हाय.
26
इ दोबली गोठी युगायुगा आने पिढ्यान पिढ्या दोबावी थेावली आथी पेन आमी तिया पवित्र जावाहाल उगडो वेअलो हाय तो इ वचन हाय.
27
ती दोबली गोठी गौरवा धोन बिहीरा लोकाहाम काय हाय, इ आपु पवित्र जावाहाल आखुलो देवाल हारो लाग्यो, गौरवा आशा एहेंडो जो ख्रिस्त तुमाम हाय तो ती दोबला गोठ हाय.
28
आमा तिया गोठ्या केअताहा एक एक माआहाल ख्रिस्ता जागापे पाक्को किईन हुबुर केअताहा.
29
इया केअता तिया जो ताकोत हाय, मा इहिमे सामर्थ्याम तिया कार्य चालवी रेहेले हाय तिया मोनाहाकी आय दुख उठावी रेहेलो हाय.