अध्याय १
1
देवा इस्सा की ख्रिस्त येशु प्रेषित पौल आने पावूहु तीमथ्य इयाहिने;
2
कलस्सै शहरामेने पवित्र जाआहा आने ख्रिस्तामेने विश्वासु पावुहुन देवा आपे बाहाको इयाहिने तुमाहाल कृपा आने शांती रेअ.
3
आमुहु तुमा खातोर प्रार्थना केताहा, ताहा तुमा दिनरोज देवाअ, याकेअता आपु प्रभु येशु ख्रिस्त इयाबाहाका आभार मानतेहे
4
काहाका ख्रिस्त येशु इहिमने तुमा विश्वास बोद्दल आने होग्गा पवित्र जाहा खातोर तुमाहाम रेअनारी प्रिति बोद्दल आमा उनायाहा.
5
जी आशा तुमा खातोर होरगाम थोवली हाय इया आशा खातोर, तुमा पेअला सुवार्ता खेऱ्या वचनाम उनायाहा .
6
ती सुवार्ता तुमाहाम आली, तुमा उनाया आने तुमाल खेरोपनामे देवा कृपाज्ञान वेअयो, ती दिहीपने ती जेहेकी होग्गा जागाम तेहेकी ती तुमाहाल फोल देहे, आने वदी रियोहो.
7
आने इया कृपा बोद्दलाम तुमा एपफ्रासाहीने हिक्या; तो आमा खेरो हेंगात्यों काम केअनारो आने आमा खातोर तुमाहाम रेअनारो ख्रिस्ता विश्वासु सेवक हाय.
8
तियालुज आत्म्याम रेअनारी तुमा प्रिती तियाहीज आमाहाल आखी देखावी.
9
तियाहाल, इ उनायने तिया दिहपेने, आमा बी भाग पोडा देताहा, तुमा खातोर प्रार्थना केअताहा आने मागताहा का, तुमाहान होग्गो आत्मिक ज्ञान आने ओक्कोल मिलेहे की तिया इस्से बोद्दोल ज्ञानाहाकी तुमा पोराया जोजे.
10
इया खातोर का, तुमा प्रभुल होग्गी गोठीम खुश केअनारे, बाद्दा हारा कामाम फल दिईन तियाल सोबे ऐहेकी जिवुलो आने देवा ज्ञानाम तुमा वादुलो हाय.
11
आने तुमा होग्गा हिम्मत आने खुशी देनारी सहजता मिलवा तीया गौरव ताकोत आने तुमाहाल पुरो महिमा मिलिन तुमा ताकोतवान व्याआ;
12
आने उजवाडामेने पवित्र जाआहो वारसा हिसाम तुमा एक बिहिराआरी मिलीन ऱ्याआ, काहाका जियाय तुमाहाल हारो योग्य केअयोहो, तिया बाहाका तुमाअ आभार माना.
13
तियाय आपुहुल आंदारा आदिकारामेने सोडविन तिया मेराला पोयरा राज्याम लीअ आले हे,
14
आने तिया खातोर तिया रक्ताहाकी आपुहुल सोडवुले हाय पापा गुनाहा माफी मिल्ली हाय.
प्रभू येशु ख्रिस्ता स्वरूप आने तीया कामे
15
ख्रिस्त ओ नाय देखानाऱ्या देवा रुप होय आने होग्गा उत्पन्नवेअली सृष्टी पेलाज हाय.
16
काहाका स्वर्गाम आने तोरतीपे, देखाय आने नाय देखाया, राजगादी का अधिपती, आदीकार का ताकोत, ऐहेड्या होग्गा गोठीही की केल्या हाय ; होग्गा गोठ्या तियाहाकी आने तियामुज केल्या हाय.
17
तो होग्गा पेअलो हाय आने तियाहकी होग्गा काय गोठ्या बोनलया हाय.
18
तो डीला मुनको आने मंडळी मुनको हाय, तो पेअलो हाय आने मोय गेहेलामेने पेअलो जीवतो वेअला हाय, तियाल होग्गी गोठीम पाहलो स्थान हाय.
19
इया खातोर का, तियाय देवा होग्गी भरपुरी रेअय इया खातोर तियाल खुशी वेअहे.
20
आने आपु तिया वधस्तंभापेने रक्ताहाकी शांती मिलीन, तोरतीपे का स्वर्गाम रेनाऱ्या होग्गी गोठी की, तियाहीने आपे सोवताहा समेट केरुलो इ देवाल हारो लाग्ये.
21
आने तुमा जाहा पेअला कालाम देवाहानी दुर आथाे आने तुमा खाराब कामावाई, मोनामे वैअरी आथा.
22
ताहा तुमा तिया तियाही डीलाम तिया मोरुला इहिमे, आमी सोवतहा एकटे वेअले हाय. इया खातोर तियाय तुमाहाल तिया डोअवा आगला पवित्र, निष्कलंक आने दोष नाय रेअय एहेडो देखावुलो हाय.
23
काहाका, तुमाहाय विश्वासाम पायो टाकीन तियाम मजबुत ऐहेंडे रेहेले हाय आने तुमा उनायाहा ने जुगातोले होग्गी सृष्टीम आखाम आल्ली सुवार्ता आशापेने तुमा होरकुलो नाहा; आने आय पौल तियु सेवक वेअलो हाय.
ख्रिस्ती मोंडलीही वादाजोजे तिया खातोर पौल ख्रिस्ताआ आऱ्यो
24
तुमा केअता इ मा दुखाम आनंद की रियोहो आने आमी, ख्रिसता दुखाम तिया शरीला केअता जे कोमी हाय ते मा शरीलाम आय पुरो कि रियोहो आने तिया शरीर मंडळी हाय.
25
आने देवा वचन पुरो केअरा तुमा केअताह देवा कारभार मान देदलो हाय तियाम आय मंडळी सेवक वेअलो हाय.
26
इ दोबली गोठी युगानु युगा आने पिढ्यान पिढ्या दोबावी थेावली आथी पेन आमी, तिया पवित्र जावाहाल उगडो वेअलो हाय तो इ वचन हाय.
27
ती दोबली गोठी गौरवा धोन बिहीरा लोकाहाम काय हाय, इ आपु पवित्र जावाहाल आखुलो देवाल हारो लाग्यो; गौरवा आशा एहेंडो जो ख्रिस्त तुमाम हाय तो ती दोबला गोठ हाय.
28
आमा तिया गोठ्या केअताहा, होग्गायाज महान हमजवुतो आने होग्गा ज्ञानवाई प्रत्येक महाल आमु हिखवुतो, तिया खातोर की, एक एक माआहाल ख्रिस्ता जागापे पाक्को किईन हुंबुर केअताहा.
29
इया केअता तिया जो ताकोत हाय, मा इहिमे सामर्थ्याम तिया कार्य चालवी रेहेले हाय तिया मोनाहाकी आय कष्ट उठावी रेहेलो हाय.