¹ परमेश्वर आमा बाहाको आने प्रभु येशु ख्रिस्तामे हाय थेस्सलनीका शेहेरामेने मंडळील पौल, सिल्वान आने तीमथियुस इया होवेनु. ² परमेश्वर जो बाहाको आने प्रभु येशु ख्रिस्त इयाहाने तुमाहाने कृपा आने शांती मिले. ³ माअ पावुलाहां आमा कायमुंज तुमा बाबतीम परमेश्वरा आभार माना जोजे इ हाराम हारों हाय काहाका तुमाअ विश्वास खुबुज वादी रीयेहे आने तुमा होग्गे एक बिहीरापे खुबुज प्रीती केअतेहे ; ⁴ इयापने तुमाहा होग्गा तकलीत तुमा सहन केअतेहे आने जो विश्वासाम टिकी रीयेहे, ए गोठ्या आमा परमेश्वरा मंडळीहीम अभिमाना की आखी देखावताहा. ⁵ तो परमेश्वरा खेरो न्यायीअ प्रमाण हाय; तो न्याय ओ हाय का जिया खातोर तुमाहा दुख ली रियाहा तिया परमेश्वरा राज्याम तुमा खेरा होमजाया जोजे. ⁶ तुमाहापे संकट लावनारा लोकाहांन संकट तियाहान बी फांसे आवी आने संकट लेनारा तुमाहान आमा आरी आराम दीअ, इ परमेश्वरा नजरीम खेरो हाय. ⁷ इया खातोर प्रभु येशु आवनु टेमाप ऐहेकी वेअरी तो तीया सोकतीशाली देवदुताहा आरी होरगामेनी आगी जालाकी प्रगट वेअरी. ⁸ ताहा जे लोक परमेश्वराल ओहखुता नाहा आने आपु प्रभु येशु सुवार्ता मानता नाहा तियाहान तो शिक्षा केअरी. ⁹ ताहा तियाहान प्रभु येशु हुबुरने आने तिया सामर्थ्या महिमा इहीने दुर केअराम आवी आने सदाकाल नाश वेनु इ शिक्षा तियाहांन मिली, ¹⁰ आपुहु पवित्र लोकाहा इहीने तियाल महिमा आने मानपान मिला जोजे इयाखातोर ताे दिही तियाहा होग्गा विश्वास केअनाराहाम तुमा बी रीहा काहाका आमाहांय जी साक्षी आखी ती तुमाहाय मानी लेदी, ¹¹ इया केअेता ताे आमा तुमा खातोर कायमुज एहेंडी प्रार्थना केअता का, आपु परमेश्वराय तुमाहान वेल्या इया हादलाहाने खेरो एहेंकी माना जोजे आने हारा कामा प्रत्येक माेनाकी आने विश्वासा कार्य सामर्थ्याकी पुरो केअरा जोजे, ¹² इया खातोर का,आपु परमेश्वर आने प्रभु येशु ख्रिस्त कृपाम आपु प्रभु येशुअ नाम तुमाहा द्वारे तिया नावाल महिमा मिलेहे आने तुमहा बी तियअ द्वारे .