अध्याय १
1
आपु देव आने तारणकेअनारा येशु ख्रिस्ताआ या नितीमत्वाकी आपु सारखा, मोलवान विश्वास मिल्लो हाय लोकाहाल, 'येशु ख्रिस्ता दास आने प्रषित शिमोन पेत्र याहोवेने पत्र;
2
देव आने आपु प्रभु येशु याहा वोहखाता की तुम्हाल कृपा आने शांती खुब मिलती रेअय.
3
देवाय तुम्हाल आने आम्हाल आपु गौरवाकेअता आने शांती केअता हादले हाय, तिया वोहखाता द्वारे, तिया दैवी सामर्थ्याकी जिवनाल आने हारी भक्तीकेअता लागनाऱ्या होग्गा गोठ्या देदल्या हाय
4
तियापने मोलवान आने अती महान वचने देवाम आल्ले हाय; याकेअता की, तियापने तुम्हा वासनापने उत्पन्न वेअनारी जगामने भ्रष्टता चुकविन दैवी स्वभावाकी आपु भागीदार वेअरा जोजे.
5
ईया कारणाकी तुमा वेअरी तो तोअतोह प्रयत्न किइन आपुल विश्वासम सात्विकतेकी सात्विकतेत ज्ञानाकी
6
ज्ञानाम इंद्रियदमनाआ, इंद्रियदमनाम सहन केनु सक्ती आने सहनकेनु हारी भक्ती
7
आणे हारी भक्ती पाऊमोया दोया आने पाऊ मोयामे मोयाम आजी वादार भर जोडा.
8
काहाका ई गुण तुम्हाल हाय आने तो वादतो जाय तर आपु प्रभु ख्रिस्ता याआ वोहखाला की तुम्हाल उपयोगा नैय आवनारे आने फोल नैय देआनेरे ऐहकी ठरनारो नाहा, ऐहकी तो तुम्हाल केअरी
9
जियापे या गोठ्या नाहा तो आंधलो हाय; आदुरो नोजरी की हाय, तियाल आपु पेअेलो पापामने शुध्द वेअलो हाय ई तो विहीराय गिअलो हाय;
10
काहाका पाऊ, तुमा पाचारण आने तुमा निवड वेअराकेअता पाक्को विशेष प्रयत्न केअरा. या गोठ्या तुम्हा केअरहा तर तुम्हाल कीदीहज अडथोळे आवनारो नाहा.
11
आने तेहकीज या प्रकाराआ प्रभु आने तारणारो येशु ख्रिस्ता तिया कायमुज राज्याम जयगोसाकी तुमाआ प्रवेश वेअरी.
12
या कारणाकी, जर तुम्हाल या गोठ्या मालुम हाय आने प्राप्त वेल्या सत्याम तुमा स्थिर वेअले हाय, तेबि तुम्हाल तियाआ कायमचे ईत दाकेअता कालजी लीइ
13
आय या माडवाम हाय तावलागु तुम्हाल ईतवीदा खातोर जागृत थोवाकेअता ई माल योग्य वाटेहे.
14
काहाका माल मालुम हाय का, आपु प्रभु येशु ख्रिस्तायाय माल आखल्या प्रमाणे माल माअ मांडव माहरीज काडा पोडी.
15
आने आय तिंगीन जाकेअता विगीयो तर गोठ्या कायम तुमा मोनाम राअ जोजे काहाका जोतो बोनेहे तोतहो केअहे.
16
काहाका चातुर्याकी कल्पिलेल्या कथा आनुसार आम्हा आपु प्रभु येशु ख्रिस्ताआ सामर्थ्य आने आवनारो हाय या विषयी जे तुम्हाल आखलो हाय ऐहकी नाहा तर आमा तिया ऐश्वर्य प्रत्यक्ष वेअनारे आथे.
17
काहाका तियान देवबापापने मानपान मिल्यो ताहा ऐश्वर्ययुक्त गौरवाआकेता ऐहकी वाणी वेअयी का, "ओमा प्रिय पुत्र" माल खुब मोयालो हाय, याकेअता आय समादान हाय."
18
१८ तियाआरी पवित्र डोगाप आथो ताहा वादलामने आल्ली ई वाणी आम्हांय सोते उनाया हा .
19
शिवाय जाअखे नीचिथ ऐंहकी संदेष्ट्या वचन आमा पईही आल्लो हाय; तो आधारा जागे उजवाडो देनारो दिवाहोस हाय काहाका, तुमा मानाम अंत:करणाम दिही निगेतावलुगु आने वेअगरीयो तारो उगेतावलुगु तुमा तिया तिया होवे लक्ष द्या तर हारो केअरा हा.
20
तुमा पेहलोज ई जायल्या की शास्त्रलेखामने केअलोबी संदेश सोते अर्थ लागवाकेअता वेअयो नाहा
21
काहाका केल्लाज कालाम माहा इच्छाकी संदेश वेअलो नाहा हाय, तर पवित्र आत्म्याकी प्रेरित वेअेलो माहा की देवापने आल्लो संदेश देदलो हाय.