¹ तेतार यीसु बोयडा पोर दोखु नेसु उतरयु ते खुब माणहोन गोरदी यीसुन फोसव वाटे लाग गोया ।

² एने एक कुडयाव बेमारवावु आव्यु यीसुन ओगोव माडया पोडीन वोदिन कोयु ए प्रभु जोर तारी इक्शा ओहे ते तु मेहे हाजु कोर सेकतलु ।

³ यीसु तेर आथ ओगोव कोरीन तिनाहा सीबीन कोयु मी तोहो हाजु ओय जा लोगेज चु माणुह कोडी बीमार दोखु हाजु ओय गोयु । ⁴ यीसु तीनाह कोयु तु कुणीही जुण कोयतु बाकीन तु पुजाराहा पाहा एने तारा डील देखदजी एने ज्यो मुसान नियम रीती तु बादा छोडवजी तेतार तु हाजु ओय गोयु कोरीन माणहोन ओगोव बी पुरावु ओय जाहे । ⁵ ओवतु यीसु कोपरनाहुमा आव्यु ते एक सोयनी कोन पुडारी यीसु मिवाय एने हे रावण्या कोरयु । ⁶ ए प्रभु गोरो मारा पावरोह लोखवु ओय रोयुह चु खाटलामाज पोडीन खुब वेला कोरतलु ।

⁷ चु तीनाहा कोयु मी आविन तीनाहा हाजु कोर दीह । ⁸ पुडारी यीसुह कोयु ए प्रभु मी लायक निमबे की तु मार गोर आवे तु तार मुयो कोरीन एकुज बुल कोयदे चालुज चु मार पावोर हाजु ओय जाहे ।

⁹ काहाके मी बी पापी माणुह से एने सेनिकमारा आथ मा से एने जेतार अकाह कोयतलु से जा चु जातलु से एने दिहराह आऊ कोयो ते आवतलु से एने मारा पावरोह चो कर कोए ते चु कोरतलु । ¹⁰ यो होमबिन यीसु बोगलाय गोयु एने ज्या माणहे तेर फोसोव आवतोता तिनुह चु कोयु मी खोराखोर कोयतलु के एजराईल मा भी ओहलो पुक्कु बुरहु कोरनारु मी नी देखयु । ¹¹ 11) एने मी तुमुह कोयतलु से के खुब होंटा माणहे उगोवणी खेर एने बुडवनी खेर दोखा आवहोत चा अब्राहम एने इसाक एने याकुबो हाते सोरग ने राज मा बोठहे । ¹² 12) पुण सोरग ने राजोन होकदार से तिनुह बारथे कडीन नोरकोमा नाखहे चाहरी रोडोणु एने तिनदरा दाते कीकवता रोयहे ।

¹³ 13) एने यीसु पुडारी ही कोयु जा जेहे तु बुरहु कोरलु तेहेज ओय गोयलो से एने तेरु पावर तिने टाईम हाजु ओय गोयलु । ¹⁴ 1 एने यीसु पोतरसोन गोरमा पुचु ते चु पोतरसोन हावहु होरी हाते पोड रोयली देखयु ।

¹⁵ यीसु तेरु आथ दोरयु एने सालुज तेरो हरी उतरी गोयो ओवती ची उठीन तिदरी सेवा कोरने बाज गोयी । ¹⁶ 16) जेतार हांजपोर ओयो तेतार च्या तेरे हाते खुब माणहोन लिन आख्या तिनदरे मा बुतडा बोरायला ओता एने चु तीनुमा दोखा बुतडान आत्माहा तेर एकुज बुलमा काडयु एने आखा बीमार वालाह हाजु कोरयु ।

¹⁷ 17) यीसु हाजा कोरलु कोरीन बोविस्य कोयणारु येसियाह पेलेन कोयलु ओतु च्यो पुरो ओये छु आपणी कोमजोरी तिना पोर ली लेदयु अने आपणी आखी मंदवाढह सोतापोर जेल लेदयु से। ¹⁸ यीसु तेरे सोमखेर देख्यु खुब गोरदी देख्यु ते चु तेरा चेलानुह कोयु आऊ आपु दोरणोन पोलली दोडी जाता ।

¹⁹ एने एक येहुदीन नेम हिकाडनारु तीनाह आविन कोयु ए मास्टोर तु काहरी बी जाहे चाहरी मी तार फोसोव फोसोव आविह ।

²⁰ यीसु तिनुह कोयु कुल्यान रोयनेन कोरता दोरे एने वादवामा उडनारा चीडान कोरता पिजरा से पुण माणहोन पुरया मुड मेकडे लोगोण जागु निमबे । ²¹ २१ ) एक उंजु चेलु तीनाह कोयु प्रभु मेहे पेल जाने दे की मी मारा बाबा डाक देव । ²² २२ ) यीसु तिनहु कोयु तु मार फोसोव आव एने मोरतला तिनुह मोरला नुह मोरलाह वोगे कोरने दे । ²³ २३ ) जेतार चु डुंडयामा चोडयु ते तेर चेला तेर हाते गोया ।

²⁴ २४ ) एने दोरीयमा उसकहला खुब मोटु वादुन पाणी आव्यु ते दुडयाह आफठाइनदु डुडयो बुडने बाज गोयु एने यीसु हुवतोतु ।

²⁵ २५ ) जेतार चेला तीनाहाते तिनहा उठाडया एने चा कोया ए प्रभु आमुह वाचाड आमु बुडने बाज रोयाह । ²⁶ २६ ) चु तीनाह कोयु ए कोम बुरहु कोरनारा तुमु बीहु मा तेतार चु उडीन वादुन एने डोरियाह जुलीन कोय एने आखो ठावखो ओय गोयु ।

²⁷ २७ ) एने माणहे बोगलाईन कोयणे बाज गोयु चु कोहलो माणुह से वादुण एने डोरियान जेलखा बी एरु हुकुम मांतला से। ²⁸ २८ ) जेतार चु दोडे गोदरेनिया देसोना पुचा तेतार तीनहा बुतडा बोरायला दुय माणहेमिवाया चा मोटयान जाये रोयतोता च्या खुब खोतरनाक ओता कोरीन माणहे तीन वाटे ओयता जाणे लोगोण बिही तोता ।

²⁹ २९ ) एने चा आयडीन कोया ए बोगवानोन पुरया आमु हाते तारो काय काम से बोगवान आमुह डोंड आवणेन टेमोन पेल तु आमुह वेला पदावने आवलु के । ³⁰ ३० ) तीनाह ते दोखु थुडुक सेटु हुवरयान खुब मोटलु गोवरु चोरने बाज रोयु ओतु। ³¹ ३१ ) बुतडान आत्मा यीसुह रावण्या कोरया जोर तु आमुह इन माणहोन दोखु काडने ओहे ते हुवरयान गोवारामा मुकली दे । ³² ३२ ) चु तिनुह कोय हुवरयान गोवारामा जावु लोगेज चा तीन दुय मांणहोम दोखा निकवीन हुवरयान गोवारामा बोराय गोया एने बोठ हुव्रयान गोवारु टेकडापोर दोखा दोवडीन दोरीयान पाणिमा कुद पोदया एने बुडीन मोर गोया । ³³ ३३ ) तेतार हुव्रयान चारनारा यो देखीन सहरोमा दोवडीन गोया एने माणहोह जायीन काय ओयलो यी बोठी वात कोयाण्या एने बुतडु बोरायला दुय माणहो हाते काय काय। ओयलो चो आखो कोयण्या ।

³⁴ ३४ ) एने आखा सेहरोम दोखा मानहे यीसुह मिवने गोया एने तीनाह देखीन रावण्या कोरया तु इना इलाकामा दोखु जात रोय ।