3 ३) किसमतवाला से च्यो मोनोमा निचोव्वा रोयहे काहाके सोरगोन राज तिदरोज से। 4 ४) किस्मतवाला से च्या माणहे दुखोमा रोयतला काहा के तीनुह शांति आपहे । 5 ५) किस्मतवाला से च्या माणहे हुव्वावु वेवार कोरतला काहाके तीनुह आखी दोरतीपोर होक आपहे ।
6 ६) से च्या दोरमोन काम कोरता बुखला एने तिहला से काहाके आफरी जायहे । 7 ७) किस्मतवाला से खुब किवातासे काहाके तीनु पर कीव कारहे ।
8 ८) किस्मतवाला से जिदरो मोन चुखलो से काहाके च्या बोगवान देख होत । 9 ९) किस्मतवाला से च्या माणहे दोहराह मोवाप कोरावतला काहाके च्या बोगवान पुरया कोवायहे । 10 १०) किस्मतवाला से च्या माणहे दोरमी काम कोरतला कोरीन दिहरा दिहरा तीनुह सोताडतला काहाके सोरगोन राज तिंदरोज से। 11 ११) किस्मतवाला से तेतार माणहे मारा चेला से कोरीन तुमरी नाव बोदी कोरे एने तुमुह सोतोड एने तुमरा बारामा आखी बातीन ठोगीन गुनु लागाडहे ।
12 १२) तुमु खुस ओयणु जुवे काहाके तुमरे कोरता सोरगोमा मोटो आसिरवाद आपहे कोरीन च्या तीनु बोविस्य कोयणारा वारु सालोन पेल इनी रीती सोताडनारा ओता । 13 १३) तुमु खारान होस से पुण खारान होवाद बिगडी जाये ते काल्ला चीजो कोरीन फोसो खारोचो कोर सोकतला एने कायिज फायदाना नी रोये कोरीन तीनाहा बारथे नाख देहे एने च्यो माणहोन पायोमा सेदाय जाहे ।
14 १४) तुमु कोविन उज्यावो से बोयडा पोर वोहलो सेहर लिकाये नि। 15 १५) एने माणहे दिवु लागाडीन तीनाहा पाली बुंदे दे नि मेकतला बाकीन तिनहा खुलाम मेक होत तेतारुज गोरमायला आखनुह उज्यावो पुचहे ।
16 १६) तेहेज तुमु उज्यावो माणहोन अगोव उज्यावा चोंमकोणु जुवे च्या तेतार तुमोरो हाजो काम देखीन तुमरु बोगवान च्यु सोरगोमा से तेरी बोडायी कोरहोत । 17 १७) एहे मा सोमजु मी मुसान नेमोन नि ते बोवीस्य कोयणारा हिकोह नास कोरने आवलु से नास कोरने नि पुण पुरो कोरने आवलु से।
18 १८) मी तुमुह खोराखोर कोयोह के सोरग एने दोरती नास ओये ती बी बोगवानोन नेमो मायलु एकेक मातरु एने टिंबु बी नासनी ओयु । 19 १९) कोरीन च्यु कुण बोगवानोन नेमो मायली आयती आयती वातोह बी नी माने एनी दिहरा माणहोह बी तोहलोज कोरीन हिकाडे ते बोगवान तिनाहा सोरग राजमा आखा दोखु आयतु गीणाहे पुण च्यु कुण इन नेमोह माने एने दिहराह बी ओहलो मानीन चालने हिकाडे च्यु सोरगोन रिजोमा मोटु कोवायहे ।
20 २०)काहाके मी तुमुह कोयतलु के फारीसी पोंथवाला एने यहुदी नेम हीकाडनार मानहो दोखा नि रोयहे ते तुमु सोरग राजा मार्ग कोदी नि जाय सोकतला । 21 २१) तुमु होमभी रोयाह के पेल्ला डाय डाया कोयला ओता के खुन जुण कोरता एने जु कुण खुन कोरतलु चु कूरटामा डोंड जुडनेन लायक रोयहे ।
22 २२) पुण मी तुमुह यो कोयतलु जोर तुमु सोतान बायहो पोर उदुडुज खोत कोरे ते तुमु कूरटामा डोंड जुडनेन लायक से एने जोर तुमु सोतन बायहो बिगुर कामोन से कोयहे ते तुमु पोंचुमा डोंड जुडनेन लायक से एने जोर तुमु सोतान बायहोह ए गांडा कोये ते तुमु नोरको मा आटठामा नाखनेण लायक रोयहे । 23 २३) कोरीन जोर बगवानोह बादा चोडावणोन उटला पोर तार बेट चोडावनेन आवे ते । 24 २४) तेत्यार तोहो मी मार बायहोह नाराज कोरडेलयु से कोरीन ओर आवे ते बादा चोडावनेन उटलान ओगोव तारो दान मेकीन पेल तार बायहो हाते हाजु ओय जाजी एने ओवतु फोसु आविन तार बेट सोडावजी । 25 २५) जहा लोगन तु तारा विरुदहोत वाटा मासे तिनाह हाते जोलदी मेवाप कोरले काहा की ओहला नि ओयजानु के विरुद्ध कोरनारु ओहलो नियम कोरता पाह होपहे एने नियाव कोरनारु तोहो सिपायडा पाह एने सिपायडा तोह कुंडवाडाम कुंड देहे । 26 २६) मी तोहो खोरो खोर कोयतलु जहा लोगोण तु कोवडी कोवडी रुपाय नि बोरे ताह लोगोण तु कुडवाडा मा दोखु कोदी नि सुट सोके। 27 २७) तुमु एहे कोयला होंबी रोयाह के सीनावो जुण कोरता।
28 २८) पुण एवी मी तुमु कोयु के ज्यु कुण काल्ली बी बायीह खोराब नोजर दोखु बावे ते तेर मोनमा तिनिहाते सीनाओ कोर लेदयु कोवाय। 29 २९) कोरीन जोर तारु जेवडु डुवु पाप कोरावतलु ते काडीन नाख देजी काहाके तार कोरता हाजो से की तार ओगो मायलु एक डुव नास ओय जायहे एने तार आखो डिल नोरकोमा नाखायणे जायहे । 30 ३०) जोर तारु जेवडु आथ तोहो पाप कोरावतलु ते तुडीन नाख दे काहाके तार कोरता हाजो से की तार ओगो मायलु एक आथ नास ओय जायहे एने तार आखो डील नोरकोमा नाखाय जायहे । 31 ३१) यो बी कोयलो ओतो च्यु कुण तेर लाडीह सुड देतलु ते च्यु तिनीही मुडनेन चिटठी आपणुज पोडहे 32 ।३२) पुण मी एवी तुमुह कोयतलु च्यु कुण तेर लाडीह च्यी सिनावो कोरली कोरनी सुडीन दीहरी काय बी वात देखाडीन वियाव मुडे ते च्यु तिनिही सिनावो कोरावणारु गुनावालु गीणायहे एने ज्यु कुण तीन नीकवली बायीहाते वीयाव कोरे ते च्यु बी सिनावो कोर लेदलु ऐह मोतलोब आवहे । 33 ३३) पुण तुमु होबी रोयाहा के पेल्ला माणहे कोयला ओता यो ठोग सोप्पत जुण खाता पुण बोगवान कोरता तारी सोप्पत पुरी कोरजी ।
34 ३४) पुण तुमुह यो कोयतलु से कोदी बी सोप्पत जुण खाता नि ते सोरगोन काहाके च्यो बोगवानोन राजगादी से।
35 ३५) दोरतीन नवोमा सोप्पत जुण खात,काहाके च्यी तेर पाय मेकणेन जागु से नीते येरुसलेमोन काहाके च्यो मोटलो राजान सेहर से । 36 ३६) तारा मुडोकोन बी सोप्पत जुण खातु काहाके तु एक जुटा बी बल्लु नी ते काव्वु नी कोर सोकतलु ।
37 ३७) पुण तुमोरी वात होव ते होव नी ते नी कोयणु काहाके इना दोखो वोडीन ओयतलो से च्यो बुराई दोखो ओयतलो से। 38 ३८) तुमु होंबी रोयोहा के डुवान बोदले डुवु एने दातोन बोदले दात ।
39 ३९) पुण मी तुमु यो कोयतलु से कुण बी तार विरुद्ध कोरे तेर विरुद्ध तु जुण उबरोयतु तोर कुण तार जेवडा गालोपोर थापुड देये ते तिनाखेर दिहरु गाल बी होबु कोर देजी । 40 ४०) एने कुणु बी तारो पोर कुरटामा लिजायीन गुनु लागाडीन तारो डोगलो साडाडने हुदे ते तिनाहा तार कुट बी लीलेणे देजी ।
41 ४१) एने तोर कुण बी तोहो एक किलुमीटर सेटु उचलीन तेर सोमान ली जाणे लागाडे ते तु दोयु किलोमीटर ली जाजी । 42 ४२) ज्यो कुण बी तोहो पोर मोंग तीनाहा आपजी एने कुण बी तोहो पोर उसनों मागे तिनाहा मी नि आपतु एहे मा कोये । 43 ४३) तुमु होबी रोयाहा के से तुमय दुस्तीहाते मोंग कोरु एने तुमरा दुस्मोनोह विरुद्ध कोरु । 44 ४४) मी तुमुह यो कोयतलु से तुमरा दुस्मोनोह मोग कोरु एने ज्या तुमुह सोताडतला तिदरे कोरता पोरथना कोरु ।
45 ४५) कोरनेमा तुमु सोरग मायला बाबान पुरया बोण जाहोत काहाके च्यु हाजा एने खोराब दुयोपोर तेरु दिहीन उज्योड उगाडतलु ,एने दोरमी काम कोरनारा एने पापोन काम कोरनारा दुयो पोर बी पाणी पाडतलु । 46 ४६) काहाके तुम तुमरा पोर मोंग कोरनेवालाह तीनुहुज तुमु मोंग कोरे ते तुमरे कोरता कायबी फायदु नि बे फावु दुवु कोरनारा माणहे बी ओहलोज कोरतला ने । 47 ४७) एने तुमु तुमरा बायहे नमोसकार कोरहे ते काल्ला मोटो काम कोरतलु से बिगुर यहुदीवावा बी ते एहे कोरतला ने। 48 ४८) तुमु पुरान पुरा राजा सोबावोन बोण जेहे तुमरु सोरग मायलु बाबु बी पुरुन पुरु हाजु सोबावोन से।