¹ १) तीने टेमो गोलील जिलान राज कोरनारु हेरोदेस राजा यीसुन बारामा होंब्यु ² २) तेतार च्यु पावरोनुह कोयु यु माणुह योहोन्ना बपतिस्मा आपनरु से च्यु मोरलाम दोखु जीवतु ओय गोयु से कोरीन च्यु या आखा चोमत्कार कोरतलु। ³ ३) हेरोदेस राजा एहे विचार कोरयु काहाके च्यु पेल तेर बायह फिलिप्पुनसोन लाडी हेरोदियासोह राख लेदलु एने च्यु हेरोदियासोह पोटाडनेन कोरता यहोन्ना दोरीन जेलोमा कुंड डेलयु । ⁴ ४) खुब वार यहोन्ना तीनाहा कोयलु तारा बायहोन लाडीह तु राखलु बोगवानोन नेमोन विरुद्ध मा से । ⁵ ५) कोरीन हेरोदेस राजा यहुन्नाह मारने हुलोतु पुण च्या माणहो देखीन बीही गोयु काहाके युहन्ना बोविस्य कोयणारु से कोरीन आखा माणहे मानतोता । ⁶ ६) पुण एक दिही हेरोदेस तेर जोनम दिहोन पवणाय कोरलु एने हेरोदीयसोन सुरी पावणान ओगोव नाचली च्यो हेरोदेसोह खुब पोट गोया ।

⁷ ७) तीनमा हेरोदेस सोप्प्त खाईन कोयु ज्यो काय तोहो जुवे मेहे पोर मांग च्यो मी ताहो आपीह । ⁸ ८) ओवती ची तेर आयीह फुसली मी काय मांगो तेतार तेर आयी कोयी के युहन्ना बापतीस्मा अपणारन मुडको थावीमा आपणे यो मेहे मागाप दे ।

⁹ ९) यो होंबीन हेरोदेस राजा नाराज ओय गोयु पुण सोप्पत खाय लेदलु एने तेरे हाते ज्या पावना बोठ रोया ओता तिदरे कोरता ची काय मागली च्यो लावने हुकुम आप देण्यु । ¹⁰ १०) कोरीन च्यु सिपायडा जेलोमा मुकलिन योहन्न मुडको तुडाव डेन्यु । ¹¹ ११) च्या तेरे मुडको एक थाविमा मेकीन हेरोदेससोन सुरीही आण्या या ओवती ची तेरे मुडको तेर आयी हेरोदीयसोह आपी ।

¹² १२) एने तेरा चेला आविन तेर दोड लिजायीन डाक देल्ला एने च्या यीसु खोबर कोयाण्या । ¹³ १३) तेतार यीसु यो होबीन यीसु डुडयापोर बोठीन एखलु हुनासान जागामा जात रोयु माणहोह यीसु जातलु मामुल पोडताज तिंदरा तिंदरा सेहर दोखा पाय पायेज तेर फोसोव जाणे बाज गोया ।

¹⁴ १४) जेतार च्यु डुडयामा दोखु उतरयु माणहोन खुब गोरदी देखीन तिनहा माणहोपोर कीव आवी एने च्या मांदला ओता तिनुह हाजा कोरयु । ¹⁵ १५) हाजपोरली टेमे यीशुन चेला तेर हाते आविन कोया युते उजाडी जागु से जुसखोरलो बी पोड गोयो कोरीन गोरदिही मुकली दे तेतार या गावमा जायीन इदरे कोरता खाणो वेचातो ली लेहे । ¹⁶ १६) पुण यीसु तिनुह कोयु याहरी दोखो जाणेन गोरज निबे पुण तुमुज इनुह खाणो खाणे आपु ¹⁷ ।१७) तेतार चेला तिनाहा कोया आमु पोर ते पाच रुटा एने दुय मासा ओतरोज से ¹⁸ ।१८) यीसु तिनुह कोयु रुटा एने मासा मार हाते लावु । ¹⁹ १९) ओवतु माणहोनुह खोडापोर बोठणे कोयीन यीसु पाच रुटा एने दुय मासा लीन सोरगोखेर बावीन बोगवानोह दोन्यावाद कोरलु एने रुटु मुडीन तेर चेलानुह आप्यु ओवता चेला तीनु माणाहोनुह वाटया ।

²⁰ २०) एने आखा पेट बोरीन खायीन आफरी गोया आखा माणहे खाणेन बादमा चेला उगोरला रुटान बोटकाह टुवु कोरला ते बारा खिवडया बोराया गोया ।

²¹ २१) एने खाणारा बायरा एने आयतला पुरया नुह सुडीन कोमसी कोम पाच ओजार माणहे ज्या रुटा खादया ओता । ²² २२) यीसु माणहोह खवाडीन नोवरायु ते तेर चेलानुह बोवजोबरीन डुडयापोर बोठीन पोल्ली दोडी जाणे कोयु ओवता च्यु गोरदिह वाटे लागाडयु ।

²³ २३) जेतार माणहे जात रोयला ते यीसु पोरथना कोरनेन कोरता एखलुज बोयडापोर चोडयु तेतार हाजपोरली वेवे बी ओय रोयी ओती ते च्यु च्यांहरी एखलुज ओतु । ²⁴ २४) तिने टेमे मा डुडयो दोरियामे पाणीन लाट दोखा डुलकायणे बाज गोयो काहाके वाहवु होबु दोखु ओतु । ²⁵ २५) एने यीसु राती चार के वाचाता पाणी पोर चालीन तिनुह हाते आव्यु । ²⁶ २६) चेला यीसुह पाणीपोर चालतलु देखा ते खुब गाबरी गोयला एने कोयणे बाज गोया तु ते बुतडु से एने बिहीता जायीन आयोडने बाज गोयला ।

²⁷ २७) पुण यीसु तिनुह लोगेज कोयु हिंम्मोत राखु मी से बीवु मा । ²⁸ २८) पोतरस यीसुह कोयु पोरबु ओहे ते मोग मेहे बी तार हाते पाणीपोर चालीन आवणे हुकुम आप । ²⁹ २९) मोग यीसु कोयु होव आव ने तेतार पोतरस डुडयापोर दोखु उतरीन यीसु हाते जाणेह कोरता पाणी पोर चालने बाज गोयु ।

³⁰ ३०) पुण पोतरस वाहवु देखीन बिही गोया एने पाणी मा बुडतु जायीन आयोडने बाज गोयु एने कोयु ए प्रभु मेहे वाचाड । ³¹ ३१) यीसु लोगेज तेर आथ ओगु कोरीन पोतरोस दोरीन कोयु ए कोम बुरहु कोरनारा तु मेहे पोर सोक काहा कोरयु ।

³² ३२) यीसु एने पोतरस डुडयापोर चोडताज वाहवु थाब गोयु ।

³³ ३३) तेतार दिहरा चेला च्या डुडयामा बोठ रोयला ओता च्या आखा यीसुन पाये पोडीन कोया की तु खोराखोर बोगवानोन पुरयु से। ³⁴ ३४) ओवता च्या डुडयामा बोठीन पोल्ली दोडी उनकीन गोन्नसरत सेहर पुच गोया । ³⁵ ३५) एने च्याहरिन माणहे यीसुह उवखी लेदला एने आहने पाहनेन आखा माणहोनून खोबोर कोय मुकल्या एने आखा मांदला माणहोनु च्या च्यांहरी लाव्या से । ³⁶ ३६) एने च्या रावणया कोरने बाज गोया च्या मादला ओता च्या आमुह तार लुगडान कुर तारी सीबणे दे जोतरा तेरा लुगडा सीबला च्या आखा हाजा ओय गोया से ।