¹ पोलुस के जो नी माणहो की एवी से ओवी नी माणहो खेर ओवी मोसी ऐने बोगवान बाह खेर जिनाह चु तिनाह मोरला दोखु जिवाडीयू चेलु से।

² ओवी आंखा बायहोन हाते गोलाती खेर दोखु गोलाति मोडलीन कोरता यी चिट्ठी लेखतलु। ³ बोगवान बाह एने आमरा पोरबु मोसी खेर दोखु तुमुह अनुगृह एने शांति जुड़ती रोते।

⁴ चयु आपणे आप आमरा पापोन कोरिन आप दैललु कहाके आमरा बोगवानोन एने बाहोन इच्छा खेर दोखु तेरे दोखु आमु ईना ईनेटेमे खोराब संसारोन मां दोखु सुडावयु।

⁵ तारी मोहीमा हमेसा हमेसा ओयती रोये आमीन। ⁶ मी खुब ख़ुश ओयते के जिनाह तुमुह मोसीन कृपा से हादलु।तिनाह तुमू उतरी जल्दी फीरीन ओलोग पोरकारोन वातोपोर झुक गोयला से।

⁷ यीशु मसीह हाजी खोबोर सुडीन दिहरी हाजी खोबोर नींबै।पुण थुडाक माणहे तुमुह बोगलाड देल्ला एने च्या यीशु मोसीन हाजी खोबोरोह बोदलने विचार कोरतला। ⁸ पुण आमु नी ते सोरगोम दोखु सोरगदुत तुमुपाह आवीन आमु तुमुह हिकाडला चया हाजी खोबोर सुडीन दिहरी हाजी खोबोर हिकाडे ते बोगवान तिनाह खोराखोर जोलमकीज सोराप आपहे।

⁹ आमु यो पेलेन कोयला ओता, एने फोसु एवी बी मी कोयतलु यीशु मोसीन हाजी खोबोरोह पेलेन तुमु मान लेता, एने जोर कुण यो सुडीन दिहरो काय बी तुमु हिकाडे ते बोगवानोन सोराप तीनापोर पोडहे।

¹⁰ ऐवी काय मी माणहो मानतलु या बोगवानोह काय मी माणहो ख़ुश कोरने चाहतलु ओवी मी एवी माणहो ख़ुश कोरतु रोयतलु , ते मोसीन चेलु नी ओतु। ¹¹ ए बायहो मी तुमुह खोराखोर कोयतलु के मी तुमुह हिकाडलु , यी हाजी खोबर काल्ला बी माणहे बोणावली वात नीम्बे।

¹² काहाके च्यु मेहे माणहो खेर दोखु नी आव्यो ऐने नी मेहे हिकाडीन गोया पुण यीशु मोसीन खेर दोखु जुडयो। ¹³ तुमु यो जाणतला के जेतार मी येहुदी दोरमोह मानतोलु तेतार मी बोगवानोन मोंडली मायलाहा खुब वेला पाडतोतु एने खुब नास कोरने कुसीस कोरतोतलु।

¹⁴ ओवी मी येहुदी माणहोन दोखा येहुदी दोरमोन नेम पावणेम खुब वोडीन ओतु एने मी मारा आखान रीत पावणेन जोतरो बोणे तोतरो कुसीस कोरलु। ¹⁵ पुण बोगवानोन के जेत्यार इख्ठा ओयी च्यु मारी आईन पेट दोखुच मेहे बनाव्यु एने मेहे पर कृपा देखाडयु एने तेर सेवान कोरता मेहे बुलाडयु।

¹⁶ बोगवान तेरे पुरया यीशुह मेहे देखाडयु तेतार माह एने लुयोन बोणावला माणहोपोह जायीनि मी नी फुस्यु।

¹⁷ मेहे दोखा पेलेन , ज्या नेवतो पुयाडनारा चेला ओता , तीनुपाह दोखु राय लेणे मी येरूशलेम नी गोयु , बाकिन एकवार मी ओरब देस गोयु एने फिरीन दोमास्कुस सेहर आव लागलु। ¹⁸ तीन सालोन ओवतु , मी पोतरसोह मीवायणे येरूशलेम गोयु , एने तीनाहाते पोंदरा दीही रोयलु।

¹⁹ मी च्याहरी पोरबु यीशुन बायहो याकुबोह ओतरूज मीवायलु पुण चेला मा दोखा ओवी कुणीय नी मीवाया।

²⁰ बोगवान जाणतलु के ज्यो काय मी तुमुह लेखतलु च्यो आखो खोरो से। ²¹ च्याहरी दोखु मी सीरीया एने कीलकिया जिलामा गोयू।

²² पुण येहुदीया मोंडलीन मोसीन मा ओता मारो मुय ते कोदी नी देख्या ओता।

²³ पुण याहरी होमवता ओता जु आमु पेल सोतावतलु ओतु च्यु एवी तिनाहा विश्वासोन हाजली खोबर होमबावतलु , से जिनाहा पेल नास कोरततु।

²⁴ ऐने मारा बारामा बोगवानोन मोहिमा करती ओती।