¹ पोलुस के जो नी माणहो की एवी से ओवी नी माणहो खेर ओवी मोसी ऐने बोगवान बाह खेर जिनाह चु तिनाह मोरला दोखु जिवाडीयू चेलु से।

² ओवी आंखा बायहोन हाते खेर दोखु गोलाति मों डलीन कोरता यी चिट्ठी लेखतलु। ³ बोगवान बाह एने आमरा पोरबु मोसी खेर दोखु तुमुह दोया एने सोति जुड़ती रोते।

⁴ च्यु आपणे आप आमरा पापोन कोरिन आप दैललु कहाके आमरा बोगवानोन एने बाहोन इच्छा खेर दोखु तेरे दोखु आमु ईना ईनेटेमे खोराब संसारोन मां दोखु सुडावयु।

⁵ तारी मोहीमा हमेसा हमेसा ओयती रोये आमीन। ⁶ मी खुब ख़ुश ओयते के जिनाह तुमुह मोसीन कृपा से हादलु।तिनाह तुमू अतरी जल्दी फीरीन ओलोग पोरकारोन वातोपोर बोंगलाय गोयला से।

⁷ यीसु मसीह हाजी खोबोर सुडीन दिहरी हाजी खोबोर नींबै।पुण थुडाक माणहे तुमुह बोगलाड देल्ला एने च्या यीशु मोसीन हाजी खोबोरोह बोदलने विचार कोरतला। ⁸ पुण आमु नी ते सोरगोम दोखु सोरगदुत तुमुपाह आवीन आमु तुमुह हिकाडला च्यी हाजी खोबोर सुडीन दिहरी हाजी खोबर हिकाडे ते बोगवान तिनाह खोराखोर जोलमकीज सोराप आपहे।

⁹ आमु यो पेलेन कोयला ओता, एने फोसु एवी बी मी कोयतलु यीशु मोसीन हाजी खोनरोह पेलेन तुमु मान लेदया, एने जोर कुण यो सुडीन दिहरो काय बी तुमु हिकाडे ते बोगवानोन सोराप तीनापोर पोडहे।

¹⁰ ऐवी काय नी माणहो मानतलु पुण बोगवानोह पोरडन कुसीस करतलु ओवी मी एवी माणहो ख़ुस कोरतु रोयतलु , ते मोसीन चेलु नी ओतु। ¹¹ ए बायहो मी तुमुह खोराखोर कोयतलु के मी तुमुह हिकाडलु , च्यी हाजी खोबर काल्ला बी माणहे बोणावली वात नीम्बे।

¹² काहाके च्यु माणहो खेर दोखु नी आव्यो ऐने नी मेहे हिकाडीन गोया पुण यीशु मोसीन खेर दोखो जुडयो। ¹³ तुमु यो जाणतला के जेतार मी येहुदी दोरमोह मानतोतु तेतार मी बोगवानोन मोंडली मायलाहा खुब वेला पाडतोतु एने खुब नास कोरने कुसीस कोरतोतलु।

¹⁴ ओवी मी येहुदी माणहोन दोखा येहुदी दोरमोन नेम पावणेम खुब वोडीन ओतु एने मी मारा आखान रीत पावणेन जोतरो बोणे तोतरो कुसीस कोरलु। ¹⁵ पुण बोगवानोन के जेत्यार इख्ठा ओयी च्यु मारी आईन पेट दोखुच मेहे बणव्यु एने मेहे पर कुरपा देखाडयु एने तेर सेवान कोरता मेहे बुलाडयु।

¹⁶ बोगवान तेरे पुरया यीसुह मेहे देखाडयु तेतार माह एने लुयोन बोणावला माणहोपोह जायीनि मी नी फुस्यु।

¹⁷ मेहे दोखा पेलेन , ज्या नेवतो पुयाडनारा चेला ओता , तीनुपाह दोखु राय लेणे मी येरूशलेम नी गोयु , बाकिन एकवार मी ओरब देस गोयु एने फिरीन दोमास्कुस सेहर आव लागलु। ¹⁸ तीन सालोन ओवतु , मी पोतरसोह मीवायणे येरूशलेम गोयु , एने तीनाहाते पोंदरा दीही रोयलु।

¹⁹ मी च्याहरी पोरबु यीशुन बायहो याकुबोह ओतरूज मीवायु पुण चेला मा दोखा ओवी कुणीय नी मीवाया।

²⁰ बोगवान जाणतलु के ज्यो काय मी तुमुह लेखतलु च्यो आखो खोरो से। ²¹ च्याहरी दोखु मी सीरीया एने मोंडली जिलामा गोयू।

²² पुण येहुदीया मोंडलीन मोसीन मा ओता मारो मुय ते कोदी नी देख्या ओता।

²³ पुण याहरी होमवता ओता ज्यु आमु पेल सोतावतलु ओतु च्यु एवी तिनाहा वुरहान हाजली खोबर होकाडतलु , से जिनाहा पेल नास कोरततु।

²⁴ ऐने मारा बारामा बोगवानोन बोडायी कोरला ।