¹ CAJIICHAANA WANAADI cönade’wöi Moisés wwä cönädöa’cä: ² " Ijunmacä isadaeditacomo edäje ä’döcä änwanno ashichato sacrificio u’jai maato yää yätäcanmajödö dö’tä , yää töjemjönöcomo äwanshi tödöjäa’jä waato’que yejamjödö wetä caado aashicha tödödö wetä äwäno’je. ³ Edäje mmaja ädöjai maadea: 'Edä’yä töjenjönö , waato’que tödöajä CAJIICHAANA wwä tuemö - oveja nedöcä inñatajato tooni wedu’to imenudujemjönö Aacä anooto wa’däi täjenjönö ya’cwajä tödöajä. ⁴ Jenanne’to wadöi ujai maato oveja nedö’cä chomomödawä ujai matodea tooni oveja. ⁵ ujai matodea shecäcä Harina inñatajato, täjenjönö grano’que Aacächea adhamädö dhadadö amodajä’cwacä yää shimijotojo acumea’jä. ⁶ Edä’yä täjenjönö ya’cwuajä, yää ecamma’jä cönäjadö Sinai jödö Jöö dewä tamedä adaijä caado shojoodö wetä tooni täjenjönö waato’que tödöajä CAJIICHAANA WANAADI wonoo’je. ⁷ Täjenjönö tängemö acä eijaiña anaicho yatocajä Cordero wa’däiñe aashichato weichojo ye’cäcä a’cadö wetä täjenjönö tängemö chasantajä CAJIICHAANA WANAADI wonoje. ⁸ Ñädä tooni oveja, ujai naato chomomödö awä andäcädä töjenjönö grano mmaja jenanne utujudu nönge mmaja aneja täjenjönö tängemö ujai natodea chäjadä täjenjönö tödöajä waato’que tamedä adaijä caado shootadö wetä CAJIICHAANA wonoje. ⁹ Wädetato’jo anotoichädawä ujai maato Aacä oveja dhanwacomo tooni weedu natodödea’mma chonenadiyö jenjönö mmaja Aacä décimo to cwuacä trigo inñatajato töjenjönö grano mmaja shiimijotojo jadä amoda’jä mmaja täjenjönö tängemö acä mmaja. ¹⁰ Edä täjenjönö ya’cwuajä eijaiña wädetatojo anootoichädö wadäi, yää täjenjönö ya’cwuajä yeichödoto yää täjenjönö tängemö ja’dä mmaja. ¹¹ Nuunä wajäntädö wadöi täjenjönö ya’cwuajä ujai maato CAJIICHAANA WANAADI wwä utudu wetä a’cä Jaaca nedö’cä mmaja tooni carnero mmaja Aacä amoojato cwuacä oveja nacomocä dhanwacomo tooni wedu’como chonenadiyö’ jemjönöcomo. ¹² Ujai mmaja matodea aaduwawä décima tooni kilo harina inñatajato täjenjönö grano nönge shimijotojo’que amuudajä carnero jadonoje. ¹³ Ujai mmaja matodea tooni décimo tooni kilo to cwuacä harina inñatajato amudajä shimijotojo’que täjenjönö grano nönge cordero wadäiñe. Edä nade täjenjönö ya’cwuajä’je adaijä caado shoojodö wetä täjenjönö waato’que tödöajö’que CAJIICHANA WANAADI wonoje. ¹⁴ Täjenjönöcomo sooto wocödöcomo eijaiña anaicho’cwuacä tooni litro vino Jaaca nedöcä wonoje mmaja Aaduwawä litro’to cwuacä carnero wono’je mmaja acächiato’cwuacä Litro oveja wono’je mmaja edä täjenjönö naade nuunä wadäi tooni weduto’cwuacä. ¹⁵ Tooni cabrio dhanwa’cä mmaja mmaja conenjönö tödöjödö wää utojoje CAJIICHANA wonoje otujaiña. Edä naade täjenjönö ya’cwuajä weichö jonno täjenjönö tängemö mmaja chäjadäiñe. ¹⁶ Juujatonno anotächädö nunä wadöi mmaja ädöjai nadea. ¹⁷ Aacä Aamoojato anooto ai Pan ummanäcato’jo jemjönö totojo. ¹⁸ Awadenato anoto wajäntädö ashicha aweichocomo jäcä ejumajai maato CAJIICHANA wonoje tödödö wetä. Äwanno yä anoto etadacojoda aweichöcomo wetä yää anoto. ¹⁹ Yaawäne täjenjönö ujai maato sacrificio’je waato que tödöajä mmaja täjenjönö ya’cwuajä CAJIICHANA WANAADI wonoje. Aacä Jaaca nedöcä, ujai maato tooni carnero mmaja Aacä amoojato oveja nacomocä tooni wedu’como chonenadi’yö jenjö’como. ²⁰ Jaaca nacomo jadöiñe mmaja täjenjönö grano ujai maatodea Aaduwawä decímo’to cwuacä harina inñatajato shimijotojo’que amodajä Carnero jadonoje mmaja Aacä decímo’cwuacä mmaja. ²¹ Aacä amoojato oveja wadäiñe mmaja tooni decímo’to cwuacä harina inñatajato shimijotojo’que amoodajä mmaja. ²² Tooni cabrio dhanwa’cä mmaja conenjönö tödöjödö wwä u’tojoje ococatocomoje. ²³ Ujai maato yää täjenjönö tunue mänetänedö jonno mmaja yeichö tujunne’na jenanneto wadäi. ²⁴ E’tä imennajä nädöadö’je edä täjenjönö sacrificio u’jai maato anooto wadäi Aacä Aamojato anooto wadäi yää yejadätäjödö mmaja yää äwanshi waato’que tödöajä mmaja caado shotatojoje CAJIICHANA wono’je chääwä o’tujai nadea täjenjönö ujai naadea täjenjönö u’jai mmaja yää ya’cwuajä tunue mänetänedö jonno mmaja täjenjönö tängemö mmaja chäjadäiñe. ²⁵ Aacä amoojato anooto ai ashichato’je äwejumadöcomo tujunne’na CAJIICHANA yademetojo’je yää anooto awä etadawacojo’da aweichö’como wetä. ²⁶ Yää’jedea yeichame awade’to anooto wejacadö chäjedödö’como mmaja yaawä awadenato täjenjönö grano utudawä CAJIICHANA wono’je yä anootodhe shaadojodö wadadädä, ejumajai maato ashicha aweichocomo’je CAJIICHANA wonoje tödödö wetä änwanno yä anooto etadawacojoda aweichocomo tujunne’na. ²⁷ Täjenjönö ya’cwuajä u’jai maato adaijä caado shootadö wetä CAJIICHANA wonoje Aacä Jaaca nedö’cä u’jai maato tooni Jaaca mmaja Aacä amoojato’cwuacö dhanwacomo tooni wedu’como. ²⁸ U’jai mmaja matodea täjenjönö grano shimotojo’je: trigo inñatajato amodajä shimijotojo’que mmaja Aacä decímo carnero wono. ²⁹ U’täcä tooni decímo trigo inñatajato shimijotojo’que amodajä Aacä amoojato cwuacä cordero wadäiñe. ³⁰ Tooni cabrio’cä dhanwa owoncomoje enmecadö wetä. ³¹ Yaawä äwäiñe odocajacomo chonenadi’yö jenjöncomo täjenjönö tängemö jaadä e’dä täjenjönö ya’cwuajä jonno eijaiña täjenjönö grano chäjadäiñe mmaja.