Marvin_Rodriguez-mch_gen_text

2 ¹ Yääjemma yaawä caaju nono tödödö cönääcai tameedä nono dewä natodö. ² Aacä amoojato anoototo ai wanaadi cönäcai yaawä tameedä tönnödö amoode'nädö jäcä towö cönädetai yaawä. ³ Yää aacä amoojadoto anooto aashichatoje cönnöi ,aashichatoje tödötojoje mmaja yää anooto töwodetajödö weijöcä tameedä tönamodenöjödöcä jäcä. ⁴ Mädääje na mädä yää wätunnä caju amode'nä'jödä jäcä yeichö,nono amoode'näjödö jäcä yeichö mmaja mädääje cönnöi yaawä wanaadi caju amoode'nädawa nono amooode'nädaawä mmaja. ⁵ Chuuta'je'da cönä'jacä chuu wejantijojeda mmaja cajichaana wanaadi nono de'wa conoojo äninñanöjoda dea cönöjacä sotojedä dea töwetadacwajomö yeijäcä mmaja. ⁶ Yaawäne nono acanno,tuna töweeja'ca cönä'jaacä tameedä ennäichaneije. ⁷ yääjemma yaawä cajiichaana wanaadi dhanwa cönamodenäi nonoque cönajimmai yaawä chäännadö'ai nuudä yeichojoje määdäje dhanwa nudotoje cönädöi. ⁸ Cajiichaana wanaadi audaajä cönnöi eden ña shii weja'catoojo do'se yää audaajä awä ñäädä dhanwa, tönaamode'nädö cönnäi. ⁹ Yaaawä cajiichaana wanaadi ännenejödöödä chuuta cönataanöjojotöi iinñataja'como wönedö aashicha tamemöje mmaja yää audaajä annawääne wanaadi cönnöichea wechojo ejeedödö ejö anejja chuuta mmaja cönnöi chea yää ashichato conemjönö chöötametojo mmaja. ¹⁰ Tuna tööwejaca cönääjacä edeenñanno iiyä natö ñaatötajä töjötojoje iiyä töwäämencantä cöönäjacä acai'cheeato tunaa'cä'wacä. ¹¹ Yää awadeto tuna etäna pisonje määdä tuna neja'doa tameedä javilanñano nonodöichöcä yää oro jano. ¹² Ashichato oro weichö inñana yätä tööweiye naadea debelio tooju onise weicho mmaja. ¹³ Acäto tuna eetö mane Guijonje , määdä tuna nejadöa cuss ñanno nonodöichacä. ¹⁴ Aduwawoto tuuna etöömane'na tigris je määdä neja'döa Asiriñano shii wejacatojo suudawawö acäicheato tuna etöömanena yaawä Eufrateje. ¹⁵ yawää töwö cajichaana wanaadi cönädöi ñäädä dhanwa ädhajä aacä täwetadawacajomöje edachöneije mmaja. ¹⁶ Edääje wanaadi cönaanontäi yaawä dhanwa tameedädä audajö awä naadö amejaima töncanodeda. ¹⁷ yaawone conemjonö ashichato chötametojommane manameiche .awä ameea'jöcä yää anootoi'chädö jonno aneemai'chada määma'de que cönädöacä wanaadi dhanwa wwä. ¹⁸ yaawä cajichana wanaadi cönädöaca chäänönge'dana määdä dhanwa töjääcäjeene yeicho yääcä yeichacoono wanaamode'näiye iwatäneije que cönädöacä. ¹⁹ Madääje cajichaana wannadi tameedä odocaja'como cönaamode'noicho edää nono dewä natodö tameedä tadiinñamo mmaja dhamwa döiña cönadoicho chuutacomo etäädäcomo wetä mädäje chutacomo na eduuwa Adan cönatoichodöje. ²⁰ Ñäädä dhanwa chääwadäiñe chätöcoomo cönetöi yaawä ñanno acöönöje töweiyaamo eetöcoomo chuutacomo eetöcomo mmaja tameedä tadiinñamo mmaja cönetocho dea yaawonw dhanwa wechaconoje töweyemö mmane anedantäda cöneiyacä. ²¹ yääje'mma yaawä cajichana wanaadi dhanwa söje cönnö'näjöi yaawä innñotame toni shuudadö cunucai yawädeamma cönejiinñäcai. ²² Yaa dhanwa sudadö tunucadäque töwö cajiichana wanaadi wodii cönamode'nöi cönnejö yaawä dhanwa wadädä. ²³ Dhanwa cönädöaca mädöne ñäädä juunu aeejäde'amma mmaja wodiije chöötö neñojo dhanwa jonno weajä yeijäcä. ²⁴ Yääje yeijäcä dhanwa tumä nishancwade senö mmaja töjiinñamo jadä töwä'dödö wettä yaawä aacä töweichaamenñe tooniño nönge natode. ²⁵ Tönwanno anöödä töwonquenñeda töweiye cönäjato dhanwa ijiinñamo mmaja töjiiyeda cönäjato.