¹ Hatimiya, babotwa nane furahini katika Bwanaa, shishi komona koba sumbua koodeka mala ikine myanda edya. Ena myanda eko baecha usalama. ² Moteche angalisho nee kaabwa. Moteche angalisho nee bashikotecha kaashi ka bee. Moteche angalisho nee babya babe kajibemba bemba lokoba lwabo. ³ Ambadya baatu nde tohara. Baatu nde tole kumuabudu Fidinyambe kwe msaada we motema. Twashi kujivuna katika Kriso Yesu, ne myanda tuushi ne ujasiri kwe lokoba. ⁴ Hata badya, ite kobele nee mondo we kutumainia likoba lono, meno negaosona kotecha bwe bodya zaidi. ⁵ Kwani nabee kotahihira lusu lwe maanda, nabe koboteka katika kebalo ye Waisraeli nee we kabila ye Benjamin. Ne mwebrania we waebrania. Kwe kuitimiza haki yee sambo ye Musa, nabe Farisayo. ⁶ Kwe juhudi yane nbekotesaa kanisa; kwe kuhwahimu haki ye sambo. ⁷ Lakini kwe bobo myanda ise nabe komemona ele ne Faida kwaane meno, nabe kohesabiya ite biiko kwe sababu ye komocheba Kristo. ⁸ Kwe ukweli, nate mokohesabu myanda yiise kwe asara ye koola bwaachi kwe komocheba wee Kristo Yesu bwanaa wane. Kwe ajili yaake nashi koshia myanda yiise, nashi kobaleka ite bikoo bino ne mopata Kristo. ⁹ Nashi komoneka monda mwake. Shishi ne sambo yaane mwene koola katika Kristo, ebe koola kwe Firinyambe, ele ne mwingi katika imani. ¹⁰ Sasa nate komocheba awe ne bokome ye ufunuo wake ne ushirika we mateso yaake. Nataabe kobadilisha ne Kristo katika mfano we kokwa kwaake, ¹¹ Angalau naabe nee matumaini katika ufufuo we baaku. ¹² Kuushi ukweli bwe bobo tayari nashikushila kokonja myanda ena, au bwe bobo nate mukamilifu katika ena. Bali nashi kotecha bokome ite naobe kokonja kedya kebe kopatikana ne Kristo Yesu. 13 Babotwa nane, shicheba kwe ite nashi kushila kokonja myanda ena. Bali nashi koketa mwanda omoosa: Nashi koobelela ye komongo nashi kokola ye kombala. ¹⁴ Nabe kuji thaidi kuikela longo kwe makusudio ili ne koonje faida ye yoola we wito we Firinyambe katika Kristo Yesu. ¹⁵ Base tole ne utakaso mu wokovu, twashi kowaza namuna ena. Ne ite mwiikine oka fikiri kwe namuna ebe tofauti kole mwanda, Firinyambe pia oka bolola edya kuuno. ¹⁶ Bwe bobo, hatuwa ebe koeka n toyake katika mtindo oona. ¹⁷ Babotwa nane, monelande menoo. Molele kwe makini badya bashi koyaka kwe mfano ole we jinsi yeetu. ¹⁸ Bawelele bashi kuishi nee badya kwe bobo mara chibele nabe kobachongolela, na bobo nashi kobachongolela kwe miholo chibele bale mukuishi bole maadui we musalaba we kristo. ¹⁹ Mwisho waabo ne uharibifu. Kwe bodya Firinyambe waabo ole ikundu, ne kiburi kyaboo kele katika masonyi maabo. Bashi kufikiria myanda ye kibalu. ²⁰ Bali waia wiito ole mbinguni, kodya tobe kumtarajia mwikozi wiito Yesu Kristo. ²¹ Oka badirisha likoba luito dhaifu kwe bobo bole lokoba lwake lwe utukufu; kwe bokome odya odya washi komowezesha kubizibiti byendo bise.