¹ Babotwa nane, batashi bawelele kwe balimu, Nachibichi kopokea hukumu mekata mawelele. ² Kwe kuwa twashi kokosa kwe njela mawelele, kwe bise ndashi kokwaa kwe myanda yaake, odya ne mondo mtakatifu, wachikoweza kokwata lokoba lwake lose. ³ Ite twashi kobeka elya koole ya farasi kwe kanwa koba washi kototena, twashi kubalula loboko lwabo lose. ⁴ Kocheba meli, ye mekata kusukumwa ne lobe lokata, yashi koongoza na usukani monana saana koyaka kose washi kokonda na shofele. ⁵ Nde bobo, loleme ne kiungo kinana kye lokoba, alakini kujisifia makolo saana. Lola chaani likata yashi koweza kotomba kwe makeke monana we toya! ⁶ Loleme kwe toya, kwe ulimwengu we mabe. Mashi kobeka komongo ye lokoba wito, kwe hunajisi lokoba lose na kwitecha iyolo we toya njela ye maisha, na bene kotomba toya twe kuzimu. ⁷ Kila aina ye nyama ye chaani, kaonyi, kye kokalaba ne kiumbe kye lwalaba ne kiumbe kye lwalaba kochongola ne bando. ⁸ Kushi mondo nane omosa waweza kochebela loleme lwake; ne mabe katashi kuchikana, washi kochekya sumu ye kokwa. ⁹ Kwe loleme twashi kumutukuza FidiNyambe na eshito, ne kwe twashi ko balaani bando bashi kuumbikwa kwe mufano we FidiNyambe. ¹⁰ Kwe kanwa kwe bobo koocha myanda myachi ne mabe. Kobandoku bane myanda ena matashi oleeko. ¹¹ Buni looche lomosa lwaweza koocha maache maachi ne mabe? ¹² Bando bane, buni mote ye kola itashi koocha matunda me mzeituni, kwe mzabibu washi kobota matunda ye kkole? Ye chemchemu ye maache ye ye mushiki ishi koocha maache itashi mushiki. ¹³ Ni nani miongoni mino obe ne hekima ne ufahamu? Nde bobo washi komonesa maishe maachi kwe molemo wake unyenyekevu okoola ne hekima. ¹⁴ Lukine kwe wivu we bobango ne nia ye banu bene momotema mwino, mutashi kujivuna ne koocha manu mushi kupinga ukweli. ¹⁵ Itashi hekima yashi kuikya koola iyolo, lukine badala yake ye kebalo, itashi ye motema, ye lobe. ¹⁶ Kwe wivu ko binafsi eko , kwashi kosambakanya ne kila matendo mabe. ¹⁷ Lukine hekima yashi koola iyolo, kwe uswafi, kwe kokonda amani, ne upole ne ukarimu , yashi kochekya rehema ne matunda maachi, kuushi kupendelea bando bakine, ne kweli. ¹⁸ Ne tunda le haki kobyala kwe amani kwe ba mokotonda mwanda we amani.