¹ Meno nee Paulo motome. Meno shiishi motome koola kwe bando kalonga naane kohetela kwe bando kalongo, ite kohetela kwe Yesu Kristo nee Firinyambe isake obehele komofofola kohola kwe baku. ² Amoosa nee babotwa baase nee meno, nabe koyandeka makanisa ye Galatiya: ³ Maachi yaabe kwino nee amani ebe kohola kwe Firinyambe ishito ne Bwana Yesu Kristo, ⁴ obe kojihola awe mwene kwe ajiliyee dhambi yiito Kristo ite bodya otokombole nee kokonda yee Firinyambe wiito nee isake. ⁵ Kwaake obe utukufu milele nee milele. ⁶ Nashi kohanoka ite mwashi kofululuka kolehe kohola kwaake awee obe injili ikine. Nashi kohanoka ite mwashi kofululuka koloha kwaake awe obe kobaitana kwe maachi ye Kristo. ⁷ Kuushi injili ikinne, bobo kole baachi yee bando bale koba sababisha baanu matatizo nee kohoba kobadirisha injili yee Kristo. ⁸ Bobo naane ite nee baatu naane malaika kohola mbengo oka tangaza kwiino injili tofauti nee edya tobe kotangaza kwino, nee alainiwee. ⁹ Bodya tobe kohocha kombala naa bobo nashi kohocha lukine, "ite kole mondo oka batangazie kwino injili tofauti nee edya mobe kopokela, nee alaaniwe." ¹⁰ Kwe bobo nele mokolenga uthibitisho wee bando naane Firinyambe? Nale mokolenga koba furahisha bando kolonga ite nashi koendela kojaribu kobaecha kyanya bando kolonga, meno shiishi motomishi wee Kristo ¹¹ Babotwa, nale mokolenga baanu mochebe ite injili nabe koyatangaza etashi koholela nee bando kalonga. ¹² Shashi koipokela kohola kwe mondo, naane shabe kufundishwa. Badala yaake, ebehele nee kwe ufunuo wee Yesu Kristo kwaane. ¹³ Mwaashi kuungunwa iyolo yee maisha yaane yee komongo ko dini yee kiyaudi, jinsi nabe kohoba koletesa kwe kochowa kanisa dye Firinyambe koeta kwe kipimo nee kuunguchwa. ¹⁴ Nabe koendelea kole dini yee kiyaudi koeta yee babotwa naane bawelele wayaudi. Nabe nee bidii saana kole tamaduni yee isane waane. ¹⁵ Bobo Firinyambe obe kopendezwa kone sobololwa meno kohola mu ikundu dye inane. Obe kotenecha meno kohetela maachi yaake. ¹⁶ Obe kumudhikisha mwaana wake monda mwaane, ite bodya nee motaangaze awe komongo mwee bando be mataifa. Nane shabe kolenga ushauri wee lokoba nee mashi. ¹⁷ Nee shabe kobanda kyaka Yerusalemu kwwe badya babe koba mitume kobala kwane kushila adya nabe koyaka Uarabuni nee kushila kohotoka Daneshiki. ¹⁸ Adya kushila yee miaka chisaato nabe kobanda Yerusalemu komoendela Kefa, nabekochikana nake masu ikine nee chitano. ¹⁹ Nane shabe komona mitume bakine etashi koba Yakobo, mobotwa nake nee Bwaana. ²⁰ Lola, kombala kwe Firinyambe, shiishi kodanganya kwe kedya kebe koandeka meno kwino. ²¹ Adya nabe koyaka mbanga yee Shamu nee kilikia. ²² Shabe kochebekana kwe miiso kwe makanisa yee Uyahudi edya ebehele kole Kristo, ²³ bobo bale kuungunwa tu, "Awe obehele kototesa naawe washi kotangaza imani obehele kohoneka." ²⁴ Babehele komutukuza Firinyambe kwe ajili yaane.