¹ na tuiyaya koo banunu bae mwinjya mwinu, ne mununu munjininu ne waemanea manene ma KRISTO mondo otokonda muingya nobaa bata booliwe. ² muimanee kotongo kya KAKUA kya echiwa baanu ndeko kwe mwecho inde nde kwe ibae kokonda atasi kwe kokonda tombamba inde ibae linu lese. ³ nde kuiketa bakoo kobaa bato sanga baanu koboa mobee batomoeka kobwachi moketongo kea ⁴ nawee mosangi mokoo atamoeke ewe motatombe ngata ye boombe etasi kuchima. ⁵ nabanu bitekoa motene banunu muibweke kokomoka mokokomoke, kobobo, KAKUA otokomoa baa bene muuma otaeche lokwa baa batuikokomoa. ⁶ kobobo muikokomoe mose mwe iboko lya KAKUA be ne bokete mokesqko kyake kya chacha otabanangamese. ⁷ momobeke awe bia bise btasi baanu motoosona awe utuiyocha byabua komakomo minu. ⁸ muchikae miiso, muiche kobobo mbenga ninu isombo otochombachomba otoona botona simba otoenga mondo wewe komena. ⁹ momoangeche, mobe babe buima muingya motocheba bobo babotwa ninu kose momosenge bapatekakana ne manene makoe mamo. ¹⁰ mwausia komamoa, kesako keke KAKUA we lokwe bise etobaitana awe muungya boombe bwake, bwe meombo monda mwa KRISTO awe mwene otabaemeke ne kobaosonekekya ne kobatecha mwecho. ¹¹ koosona ne kwake meombo ne meombo amen. ¹² na tobakunyia kwe kiunda ko byendo bya Silvano, mobotwa kobobo natomocheba wee mondo mwaminifu natobakanya ne kobaochea boo ne lokwa lwe kinekine lwa KAKUA motaoke bye sese muingya lokwa. ¹³ munjininu wasobolwa ana ababiloni oto babocha amosa ne mwa waane Marko. ¹⁴ mosekeaane kwe lokebo lwe kokondana nya ya kAkUA ebe ninu base inde.