¹ Yesu obekwingela ne koeta mungia ye Yeriko. ² Na adya kobele ne mondo omosaa babe kumwitana Zakayo.Awe obele mokolo we bando bezambi lukine mondo tajirii. ³ Obe mokokonda komomona Yesu ne mondo we namona inii bobo ndalekooba komona kwe sababu ye kowelela kwe bando,kwe koba obele mwiyeye we ketemba. ⁴ Bobo,obekoyaka kombala lobelo kombala ye bando,nakobanda iyoloo ye motee ite woobe komomona kwe sababu Yesu obekuikela koetelanjela hedya. ⁵ Adya Yesu obekuika bowa ledya,obee kolola iyolo nakomochongolela,Zakayo,ikya lobelo,bobo nani ne bwachii ni chikanee kondabo yaho. ⁶ Obekoketa lobelo,nakuikya na komosenenela kwe kyanya. ⁷ Bando basee babekomona hedya,babe konongoneka,babekoochaa,washikoya komwendela mondo olee ne zambi. ⁸ ZAkayo nakuimana nakochongolela bwana,lola bwana nosoo ye byendo byanee nashikobabela bamasikini ne engabaa nabe komonyaa mondo hosee kyendo,ndamotoselee maraa chinachii. ⁹ Yesu obekomochongolela,nani wokovuu washikuika kolee ndabo hena,kwe bodya awee nawe ne mwanaa we Ibrahimu. ¹⁰ Kwe bobo mwaana we mondo washikobaka kolenga ne kohokola bando babe kuchimbela. ¹¹ Babekuungunwa hedya,obekoetelela koongela ne obekolaa mofano,kwe sababu obee kadibu ne Yesusalemu,na abo babekocheba kwe kobaaa utukufu we Firinyambiobele kadibu komoneka maraa emosaa. ¹² Bobo obekobachongolela mondo omosaa obekoyaka kebalu kye kolehe ite opokele utukufu ne kushula ndale kootoka. ¹³ Obe kubaitana bachaa bakee ikumii nakobabeta mafungoo ikumii,obekobachongolela,mokete byasharaa mopaka adyanda otoke. ¹⁴ Bobo bando be kadya kake babe komochokela,na bodya babekotoma bajumbee bayakee komolonda na koocha,twechee mondo honaa ototawale. ¹⁵ Adya obekotokaa kondabo kushila kwe komoketa mofalme,nakoocha badya bachaa obelekoba washikobashiyela falangaa baitanwe kwakee,okonje kocheba faida inii babe kokonja kwe koketa byasharaa. ¹⁶ We kombala nakobaka,nakochaa,bwana,fungoo dyaho dyashikoketa mafungoo ikumii koeta, ¹⁷ Hodya ofisii obekomochongolela,bwachii mochaa mwachii kwe sababu obelee obekuitaboka kolee mwanda monana,otabee ne bokoloo iyoloo ye todya ikumii. ¹⁸ We kabele nakobaka,nakochaa,bwana,fungoo dyaho dyashikoketa mafungoo matanoo. ¹⁹ Hodya ofisa obekomochongolela,tomba bokolo iyoloo ye todya totano. ²⁰ Na ukine nakobaka,nakocha bwana henaeno falanga yaho nalee kuibeka bwachii kolee ketambala, ²¹ Kwe bobo nabekotena kwe sababu awee ne mondo mochowe olee mokocha kedya ndolekobeka ne kokala ndebyalekobyala awee. ²² Hodya afisa obekomochongolela,kwe myanda yaho mwene,ndakukumuu,awee mochaa mobehe.Obekocheba bodya meno ne mondo mochowe nalemokotomba kishiimeno kobeka ne kokala kedya shabyala. ²³ Bobo,mbunii ndwabeka falangaa chanee kolee bankii,adya ndaotokee naitombe amosaa ne faida? ²⁴ Ofisi obekobachongolela bando babe mukiimana hadya,momonyahe ledya fungo na momoabele odya olee ne mafungoo ikumii. ²⁵ Babekomochongolela,bwana,awee olee ne mafungoo ikumii, ²⁶ Nashiikomochongolela,kela mondo oleenakyo otaabelebwa saana,awee olee ndashi,nane kedya olee nakyo ketatobebwe. ²⁷ Aboo baba badui banee,aboo ndebakonda nabe mokolo waboo mobabese anoo na kubachiya kombala yanee. ²⁸ Kushila kwe kochaa edya,obekoyaka kombala mokobanda koyaa Yerusalemu. ²⁹ Adya ongaika bethfage,kadibuu ne kelema ke mizeituni,obekobatoma banafinzi bakee babele. ³⁰ Obekocha,moyake kolee kadya ke jeranii muingele,motamobange mwanaa ponda ndanabandwa na mondo.Mumusolole,momobese kwane. ³¹ Ite mondo otamoboche,kwaekee mwashikomosolola?mooche bwana washii komoengela. ³² Badya babe kotomwa balekoyaka babo kokomona mwanaa we ponda bodya Yesu obelekoba mokobachongolela. ³³ Babekoba mokomosolola mwana we ponda mwenee babekobachongolela,kwe bikye mwashikomosolola mwana we ponda honaa? ³⁴ Babekocha,bwana washikomwengela. ³⁵ Kushila,babekomochalela Yesu babekomobasela ngubo chobo iyoloo ye mwanaa we ponda na komobandesa Yesu iyoloo yakee. ³⁶ Obelekoba mokoyaka bando babekobasa mangubo yaboomobalabala. ³⁷ Obelekoba mukuikya molema we mizeitumi kondee lesee le banafunzi bakee babe kwanja koselela ne komoseka Firinyambi kwe chukii leketa kwe sababu ye myanda chikata babekomona. ³⁸ Babekochaa,naona mobarikiwa mofalme obekoba kwe china le bwana.Amani mbengone,ne utukufu iyoloo. ³⁹ Bowelele bwe mafarisayo kole makumbakano babekomochongolela mwalimu obakandelebachi kanenya banafunzi baho. ⁴⁰ Yesu nakujibu,nakocha,nashikomochongolela,ite baba batachi kanenyaa,mabwe itabandese chukii. ⁴¹ Yesu obekuika karibu ye kadya obekoolelaa, ⁴² Obekochaa lokwa ongacheba nane awee,kolee lusuu lolo myanda edya babekokochalela amani bobo bango yashikuisekebwa mumisoo yaho. ⁴³ Kwe koba lusuu lotabakee odya adui waho batayengee bomaa kadibuu ne awee ne kukunyunga ne kokokandameza kolaa kela mbangaa. ⁴⁴ Batakokeche asee awee ne banaa boho.Batakushiyele nane ibwe lemosaa iyoloo ye dikine kwe sababu ndewacheba wakati Firinyambi obelekoba mokokonda kokohokola. ⁴⁵ Yesu obekuingela mondabo ye isakee obekwanja kobabenga badya babekoba mokoolaa, ⁴⁶ Obekobachongolela yashikoandekebwa ndabo yenee etabee ndabo ye kosalela bobo banuu mwashikuiketa koba ebowa ye bekonyanaa. ⁴⁷ Kwe bodya,Yesu obelee mokofondesha kela lusuu kondabo ye Firinyambi makuhanii makataa ne badimu be sambo ne byongozi be bando babekokonda kumuchiya, ⁴⁸ Bobo ndebahoba komonanjela ye koketa bodya,kwe sababu bando basee babele mukumunguchwa kwe makinii.