¹ Kwe wakati odia,maelefu mawelele me bando babekukumbakana,amosaa,kowelala kwe koanjaa kuinyana,nakoanjaa koocha ne banafunzi baake bango,"molole bwachi ne mianda ye baafarisayo nabo ne banafiki." ² Ne ndakwebe ne sirii yabe kuisekebwa nayo ekabololebwa,nane mwanda obekuisama nadio diekachekane. ³ Ne lesee mwabe koocha kole ikunye,leta ungunikwe kole mwangaza ne lesee mwabee kotenda kole ikotwe monda mwe biomba bino bye monda biabe kuchiba bitatangazwa iyoloye motondolo we ndabo. ⁴ Nashikomochongolela rafikibanee,ndekobatena badia babe kuchiya lokoba ne kushila bashii nekyendo kikine kyekoketa. ⁵ Bobo ndamochongolela odia motamotene.Momotene odia obe kushila kwe koba washikuchiya,ole ne mamulaka ye kosombolwa jaanama,bobo,nashikomochongolela banuu,momotene odya. ⁶ Buni mashomorochitano bakaobe kwe elufu chibele?nane bodia kushii nane omosa waboo ndakalobeleke kombala kwe Firinyambi. ⁷ Bobo mochebe koba,sokee ye metwe yinoo ele mokobalebwa.Ndekotena banuu ne be lashima chikata koeta shomorochiwelele. ⁸ Nashikomochongolela hosee otaniunguchwe meno kombala kwe bando,meno kombala kwe bando,mwaana we adamu otamuungunwa kombala ye malaika we Firinyambi. ⁹ Bobo hosee otanetone kombala kwe bando na otanetone kombala kwe bando na otanetone kombala ye malaika we Firinyambi. ¹⁰ Hosee otaochee mwanda mobee iyolo ye mwaana we Adamu,otasamebwa,bobo hosee otamokone motema mwachii,ndakasamebwe. ¹¹ Batabachale kombala ye bakolobe masinagogi batawala,ne bale mamulaka,ndekotena iyolo ye namona ye koongela kole kwiitetela nane bikyemotaochee, ¹² Kwe koba motema mwachii otabafudishe namona motaochee kwe wakati odia. ¹³ Mondo omosa kolee mukumbakono obekomochongolela"mwadimu,mochongolele mobotwa nane one abee mbangaye wene" ¹⁴ Yesu na komolongola ,na nani obe kombeka koba wekoamoa ne wekukumbakanisha mungia mwino? ¹⁵ Bobo nakomochongolela,molole bwachi ne kela namona ye luumo kwe sababu mwecho we mondo ushii kole kowelela kwe biendo oleee nabyo. ¹⁶ Yesu nakomochongelela kwe mofano,nakoocha ishiyo dye mondo omosa tajirii dyabekobota saana. ¹⁷ Nakuibocha monda mwake,obekocha,ndakete boni?bobo shishi kwe kobekela akiba mafuno chane? ¹⁸ Obe koocha,naketebono ndabele motala wanee monana na nayenge ole mokata,nanabeke mafuno mane masee ne byendo bikine. ¹⁹ Ndachongolela motema wane,"motema,washi kuibekela akiba ye bilemo biwelele kwe miaka chiwelele yoshaa,udiche,osole ne obenekyanya" ²⁰ Nawe Firinyambi nakomochongolela,awe mondo moyenga,butubwe nani batakonde motema kooola kwao,ne byendo bisee obe kuibekela bitabe bye bikye? ²¹ Bobo naetabe kwe kela mondo ole kwibekela byendo ne nde kuitajirisha kwe ajili ye Firinyambi. ²² Yesu nakobachongolela banafuzi ngolela ndekoou iyolo ye maisha yino kwe koba motadichee bikye nane iyolo ye lokoba lwino,kwe koba motabwale bikye. ²³ Kwe koba maisha ne koeta kwe bilebwa,ne lokoba ne koeta kwe mangubo. ²⁴ Molole tonyitwe iyoloo,tushii nebyomba nane motala we kobekela,awe ishito wito olo mokobalesa banuu nde bachii koeta kotashii tonyi. ²⁵ Na unii mungia mwino ole mukuisombola otaobee koongeza kyema kyake nane koboko komosa kole maisha make? ²⁶ Ite bobo mokaobe koketa kedia kyendo kenana kwe bikye kwisombola kwe ajilii ye bedya bikine? ²⁷ Molole maowa yashii kopamba ishii koketa molemo naniishii kovonebwa.Bobo nashikomochongolela,nani Sulemani kole butukufu bwake bose ndabwadisebwa bole omosa wabo weedia. ²⁸ Ite Firinyambi washikobweka bwachii bisashi bye kondeni,abyo nani byeleko,ne ngecha kosombolwa kole toya,buninde koeta ota mobwake banuu?banuu be imani baba. ²⁹ Nde kosombokela iyoloo kwe koba motadiche bikie nane motasole bikie,nanindekoba ne ofuu. ³⁰ Kwe koba edia hesee ne balemokolenga mataifa ye mosenge awe ishino winoo omokocheba kwekoba mole ne lashima ne edia. ³¹ Bobo molenge bokolo bwake bango,ne bedia bikine motaongezebwe. ³² Nde kotena,banu ikonde dinana,kwe sababu ishino wino washi koselela komwabela banuu bodia bokolo. ³³ Moolo byendo bino ne mobabele bamasikini muiketele mifukoo etashikushila ishina ye mbengoo itashii ne mwisho,mbanga elengibandakatikye nane nondoo ndakaobekuiona. ³⁴ Kwe koba kolee ne ishina yao,bobo ne motema wao otabeadya. ³⁵ Ngubo chino chilehe ibee yashi kubungwa kwe mukulu,ne itala dinoo dichebwa koba diashi kowesa kotemaa, ³⁶ Ne mobe bole bando bale komololela bwana wabo kolaa kole kyenya kye harusi,ite bobo okabaka ne kopeka hodii,bataobe komobololela mujkinda kwe lobelo. ³⁷ Bashikobalekebwa badia batumishi,bale bwana otababange bale misoo kwedii otofonge ngubo chake chilehe kwe mukulu,kushila otyabachikanese asee kwe bilebwa,ne kushila otabatomekele. ³⁸ Ite bwana otabekee kwe zaamu ye kabele ye udinzii we butuu,bobo nane zaamu ye kasato ye udizii na kobabanga bale tayadii etabee ne bwachii kwe badia batumishi. ³⁹ Koetela kwe madia,mochebelele,ite bwana mwenee ndaboongabaka saa eleengiba washikobaka,ndangakonda ndabo yaake ebelebwa. ⁴⁰ Mobe tayadii bobo bango mochebe ne wakati unii mwanaa we adamu otaotokee. ⁴¹ Petro nakoocha"bwanaa,washi kotochongolela batu benee enaa mefanoo,bobo washikomochongolela kela mondo? ⁴² Bwana nakobachongolela"ne nani mweka wekwitaboka nane olee ne hekima obe bwana wakee otamobeke iyolo ye botomeshe bakine,bobo ndebalowa bilebwa byabo kwe wakati wakee? ⁴³ Washikobalekebwa motomeshe odia,ole bwana wakee wabaka otamobange mokoketa edia obekobalaa. ⁴⁴ Kwedii nashi komochongolela banuu kwe koba otamobeke iyoloo ye byendo byake basee. ⁴⁵ Bobo motomeshe odia nakoocha momotema mwakee"bwana wanee washikolowa kootoka,bobo nakoanja kobatuta badia batomashi be kelome ne be kekachii,kushila nakoanza kodia,kosola ne kolewa. ⁴⁶ Bwana wakee odia mochaotabekee kole lusuu lotashikotomaenela ne saa etashikochebekana,nawe otamobembe biunda biunda na komobeka kole mbanga amosaa ne batashikuitaboka. ⁴⁷ Motomeshi,washikocheba kokondana kwe bwana wakee,nawe ndale kuiandaa nane ndaleekoketa sawaa sawaa ne kokonda kwake,otatutwe biboko biwelele. ⁴⁸ Nawe motomeshee ushiikocheba kokonda kwe bwana wakee,nawe nakoketa yabebwachii kelele,otatutwe biboko binana.Kwe koba awee olekwabelebwa biwelele,bilele kodaebwa koola kwakee,ne awe obekokondebwa kwe biwelele betadaebwa biwelele koeta. ⁴⁹ Nale mokobaka kotema toyaa momosengee,ne nashikokonda obee washikushila kotema. ⁵⁰ Bobo nale ne ubatizo ole ndabatize,ne nale neuzuni mopakaa otakamelekee. ⁵¹ Buni molee mokozanela koba nale mokobaka kobesa amani momosenge?kushii,nashikomochongolela,komongo kwakee nashikoba moabanoo. ⁵² Tangie nani ne koyelelela kotabe ne bando batanoo kolee ndabo emosaa bashi kwabana,ne babele,ne babele batabe kokonana ne basato. ⁵³ Bataabanwe isabo otabe kokonana ne mwana wakee,ne mwanaa wakee otabee kokonana ne isakee,inake otabee kokonana ne katombe kakee,ne katombe otabee kokonana ne inakee wakee,inakee mweno otabee kokonana ne mukilo otabee kokonana ne inake mweno waake. ⁵⁴ Yesu nakoba mokobachongolela makumbakana nayo,"ite mwamona matemba yashiikoolela kokyolwa mwashikoocha saa ye mbulaa yashii kuikya,na bobo etabekoba. ⁵⁵ Ne lobee lwe mambombe lwashikovomaa,mwashikoocha kotabe ne ketokotoko keomee,na bobo etabeakoo. ⁵⁶ Banuu banafikii motaobe kowoocha mololelo we kebalu ne iyoloo,bobo yashikoba bunii ndokaobe kuyatenda wakatti oleakoo? ⁵⁷ Ne kwe ekee kela omosaa winoo ndashikocheba lebekoba enosaa kwakee koleketa wakati awe okeleakone ibowa ye koketa bodia? ⁵⁸ Bobo itemwayaka ne mushitakii wao kombala ye koyaka kwe wamuzii,adia monjela ketangufu muungwanane nawee,ndaikya kokobolota mopaka kombala ye shetani,odia shetani otakoteche momaboko makee ole kolepesa,ne odia ole kolepesa ndaikyanga kokosombola momoyololo. ⁵⁹ Nashikokochongolela,ndokaolee kodia mopaka washikolepa sentii ye mwishoo.