¹ Nnamahanga,waderhaga na balarha wirhu mira omukarhi ka balebi oku ngera nyinji n'oku njira nyinji. ² Ci omwezino nsiku za buzinda aliaderha na nirhu kugerera Omwana,oyu ajijire kuba nfula y'ebintu byoshi,omuye ajiraga igulu. ³ Ye yebumoleke bwo bukuze bwage,na nshusho y'obukuze bwage yenene,ye kabarhula ebintu byoshi oku kanwa k'obuhashe bwage ajirwa bucese bwe byaha birhu,anatamire ekulyo kolyaw'Obuhashe bukulu. ⁴ Akulira bamalaika boshi,bulya izino lyage lirhankagererwa oku lyabo. ⁵ Ka hali malaika Nnamahanga akola bwizire erhi: "Wemugala wani nie nakuburha niene? Kandi erhi. Naba nie Ishe,naye abe Mugala wani?" ⁶ Kandi erhi arhuma enfula yage enigulu aderha erhi: "Bamalaika ba Nnamahanga bamuharamye." ⁷ Ci bamalaika bohe kwo ababwizire ntya: "Bamalaika bage abajizire mpusi n'abarhumisi bage abajira ngulumiro ya muliro." ⁸ Abwira Omugala erhi, "Entebe yawe y'obwami,Nnamahanga eri y'emyaka n'emyaka.Nakarhi kawe k'obwami kali ka bushinganyanya. ⁹ Wasimire obushinganyanya na wagaya obubi.Co carhumire Nnamahanga akushiga amavurha g'obwami omu bushagaluke,anakusima omu binyu boshi ewe Nnamahanga." ¹⁰ "Aha murhondero,Nnahano,we wabubaga igulu.N'amalunga byoshi eri mikolo ya maboko gawe. ¹¹ Ebyo byoshi byahirigirhe,ci wehe kugendekera wagendekere.Byoshi byatwike nka nnyabalo. ¹² Wabibungebunge nka kulya abungabunga ecirondo.Ci wehe oku oli kwo wanaciyorhera,n'emyaka yawe erhaka heka." ¹³ Ndigi okola abwizire muli bamalaika,erhi: "Bwarhala ebwa kulyo kwani ninde mpira abashombanyi bawe nka citumbi aha magulu gawe? ¹⁴ Ka boshi barhali myuka erhagesirwe okujira oburhumisi,erhumirwe burhumisi mpu erhabale abyishiyima omu bucire?