¹ Theofile,nadesire,omucitabu cani cirhanzi,byoshi Yesu arhonderaga ajira n'okw'igiriza kurhenga emurhondero, ² kuhik'olusiku lulya alengezibagwa empingu,kuyusihana amarhegeko, na Muka Mwimana,emw'etumwa balya alicishozire. ³ Enyuma lyokulibuka kwage,ababonekera azine,abaha ebipimo binji n'okucibonesa n'abo kashanzi ka nsiku makumi ani,n'okuderha ebintu biyerekire obwami bwa Nnamahanga. ⁴ N'erhi aligihaguma nabo abahanula barhaciri renga Eyerusalemu,ci balindirire eciragane Larha alaganyaga,ebinamubwiraga,mwayunvire enyanya zani ⁵ bulya Yohana abatizize oku mishi,cimwe umuhishanzi hitya mwa batizibwa oku muka mwimana. ⁶ N'erhi Etumwa zija haguma bamudosa:Nnahano komwaka kashanzi kowagalulira Israeli obwami? ⁷ Abashuza: " Birhamuyerekiri okumanya akashanzi n'olusiku Larha arheganyize oku buhashe bwage yene. ⁸ Ci mwaya nkirira emisi,Muka Mwimana aja enyanya zinyu,namwaishiba badima bani Eyerusalemu,omu Buyahudi boshi,omu Samaria,na kuhika ebuzinda bw'igulu." ⁹ Erhi ayusa aderha ebyo,anacilengezibwa omumango bakagimusinza,n'ecitu canamulengeza omumasu gabo. ¹⁰ N'okoku n'okuyerekera empingu,omumango acigederega,sinza,balume babiri bayabirhe ebyeru babonekera, ¹¹ banababwira,"mwe balume ba Galilaya,bici birhumire muimazire n'okulola empingu?oyu Yesu,walengezibwa omukarhi kinyu,agaluka konoku mumubwine agenda empingu." ¹² Honaho banashubira Eyerusalemu,oku ntondo y'Emizetuni,ebahofi n'eyerusalemu,nkano n'enjira y'oluzira. ¹³ N'erhi bacihika,banacishonera omucumpa c'enyanya mulya banakagibera nkaborhere,bali:Petro,Yohana,Yakobo,Adrea,Filipo,Tomaso,Bartolomayo,Matayo,Yakobo mwene Alfayo,Simoni le Zelote,na Yuda mwene Yakobo. ¹⁴ Bosshi n'ecinabuguma balama omu mahuno,haguma n'Abakazi,na Maria nnina wa Yesu,na haguma na benewabo Yesu. ¹⁵ Omwezo nsiku,Petro anaimuka omukarhi kabene wabo,n'omuganjo gw'abantu balirhiganine gwali nka igana na makumyabirhi,ana derha, ¹⁶ Bene wirhu,byali shinganine bihike ebi Muka Mwimana,omu mandiko,ahamirizagya,embere oku kanwa ka Daudi,oku biyerekire Yuda olya wali nshokolezi yabalya baligwarha Yesu. ¹⁷ Aliganjirwe mulirhwe,n'aligwerhe n'obukozi bwa mwen'obwo. ¹⁸ (Oyo mulume,ahabirwe ishw haguma n'oluhembo lw'obulyalya,airima,anabereka uku ndalala z'omubiri,na byoshi byobula bwage bwanashambuka. ¹⁹ N'ebintu bimanyikine n'abantu boshi b'Eyerusalemu oku enyanya lishwa lyahamagirwe omuludero lwabo"Akeldama"kwokuderha oku,"Ishwa lya muko.") ²⁰ Nabiyandisirwe omucitabu c'enanga,"Ahamwage lib'irungu,na nta muntu wanahayubake";na n'owundi arhole omukolo gwage. ²¹ Ntya bishinganine mwabalya bali rhulusize akashanzi kwoshi Nnahano Yesu alamire haguma nirhu, ²² Kurhenga obubatizo bwa Yohana kuhika olusiku alengezibagwa omukarhi kirhu,habaga haguma nirhu nka mudima w'obufuka kwage. ²³ Banacilera balume babirhi,Yusufu ohamagirwe Barsaba,ayirisirwe Yusto,na Matiasi. ²⁴ Nabajira er'ihuno,"we,Nnahano,we ishi emirhima ya boshi,manyisa ndi mwaba babirhi oyu walondwire ²⁵ lyaba n'olushangi logu mukolo n'okwaka kasi,kalya Yuda alekaga acigedera handi." ²⁶ Nabanaciyesha ecigole,cahirimira Matiasi anahebwa okwi kumi na muguma etumwa.