¹ Ebisigire,benewirhu,mukarhuhunira,ly'omwanzi gwa Nnahamwirhu gulumira hoshi hoshi n'okukakuzibwa nkokula byanabaga mulimwe, ² Muhune lyo rhufuma balya bantu babi na baminya,bulya arhali boshi bayemire. ³ Nnahamwirhu aba mwinja,amuzibuhya ana mulange kolya mubi. ⁴ Rhucibikubagire bwenene muli Nnahamwirhu okumulimwajira n'okumayishijira nkoku rhwanamurhegesire. ⁵ Mashi Nnahamwirhu ayerekeze emirhima yinyu omu buzigire bwa Nnamahanga n'omubushibirizi bwa Kristu. ⁶ Rhuba rhegesire,benewirhu,okw'izino lya Nnahamwirhu Yesu Kristu,oku muyake ngasi mwene wirhu olama omu buhomo,arhana shimbulira zirya nyingirizo rhwabayigirizagya. ⁷ Ninyu mwene mumanyire bici bishinganine muyiganye,bbulya rhurali bolo amango rhwali emwinyu. ⁸ Rhurhalyaga busha obuntu bw'omuntu yeshi yeshi,ci kwone,omukukola budufu n'omushi,nti lyo rhurhagi zidohera ndi muli mwe. ⁹ kurhali kuderha nti rhurhali gwerhe buhashe,ci rhwali lozize rhubasigire olwiganyo lwoku rhushimbulira. ¹⁰ Bulya,amang rhwali emwinyu rhwakagi babwira n'obwalagale:Nk'omuntu arhalonza kukola,aleke n'okulya. ¹¹ Rhwamayunva bonabuno,oku omukarhi kinyu muli abantu bahomo,barhahuma kabishi,ci banakacihir'oku birhabayerekiri. ¹² abo bantu rhubahunyire rhunabarhegesire okw'izino lya Nnahamwirhu Yesu Kristu,bakalya obuntu bwabo,omukubikolera. ¹³ Mwehe,bene wirhu,murhalekag'okukajira aminja. ¹⁴ Nanka hakab orhakenziri ebi rhudesire omwaga maruba,mumusinze bwinja,murhanacimuyinjibane,lyo abona nshonyi. ¹⁵ Murhamurhole nka mushombanyi,ci mumuhanule nkakula mwene winyu. ¹⁶ Nnahano w'omurhula abahage omurhula ngasi mango n'omubyoshi! Nnamahanga abe haguma ninyu mweshi. ¹⁷ Nie Paulo mbalamusize n'okuboko kwani.Eyo yo nsinye eri oku maruba gani;ntyo kwo nyandisire. ¹⁸ Obugashanire bwa Nnahamwirhu Yesu Kristu bube nanyu mweshi!