¹ Ntyo bulya obwemere bwarhujizire beru_kweru,rhukola rhugwerhe omurhula na Nnamahanga muli Nnawirhu Yesu Kristu. ² Warhuhisize omu njira yobwemere lyo rhushikira eyo ngalo rhwshobwire,rhunacishingire obulangalire bw'okuyishika omu irenge lya Nnamahanga ³ Ci arhali hoshi aho,rhunacishinge omu malibuko girhu kulya kuba rhumanyire oku amalibuko galerha obushibirizi, ⁴ n'obushibirizi bulerhe enkomedu nyinja,n'enkomedu nyinja elerhe obulangalire. N'obo bulangalire burhabonesa nshonyi bulya obuzigire bwa Nnamahanga bwa bulagirwe omu mirhima yirhu na Muka Mutakatifu rhwahabagwa. ⁶ Neci,amango rhwaciri bazamba erhi ensiku zihika Yesu arhufira n'obwo rhwali byabi. ⁷ Kuli kuzibu okufira omweru_kweru,neci,nkaba kwankahashikana okugerereza okufira omuntu mwinja. ⁸ Nnamahanga yehe ayerekine ubuzigire bwage kuli rhwe erhi Kristu arhufira rhunaciri banya_byaha. ⁹ Buno lyohe obuzigire bwage bukola burhalusire bulya rhukola rhuli beru_kweru erhi muko gwage gurhuma rhwafuma obukunizi bwa Nnamahanga erhi ye rhuma. ¹⁰ Bulya akaba rhwazigirwe na Nnamahanga erhi lufu lo mugala lurhuma n'obwo rhwaciri bashombanyi,lero buno rhukola rhuyinjibine naye,rhwacizibwa n'obuzine bwage. ¹¹ Arhali kwone kwo ,ci rhudwire rhwacisima muli Nnamahanga erhi Nnawirhu Yesu orhuma ye wa rhushobozagya okuyinjibana na Nnamahanga. ¹² Ntyo kwo biri,ecaha cadwirwe en'igulu na muntu muguma,neco caha caburha olufu,n'olufu lwayahukira abantu boshi,bulya boshi bakozire ecaha. ¹³ Ecaha cali en'igulu embere amarhegeko gahanwe,ci ecaha carhahaniragwa ndi nka nterekero lihali. ¹⁴ Cikurharhumaga olufu lurharhambula kurhe nga Adamu kuhika Musa,lwaheka ciru nabarhajiraga caha omu kuvuna amarhegeko ak'Adamu,ye nshusho y'owanayishe. ¹⁵ Cikwone engalo erhali nk'ecaha.Bulya akaba ecaha ca muguma calumizize olufu omu lubaga,kanga kulusha engalo ya Nnamahanga n'enshokano yamakwanane ga muntu muguma,Yesu Kristu byalumire omu bantu banji. ¹⁶ N'eyo nshokano erhali nka bwahukire bw'ecaha ca muguma,bulya olubanja lw'eco caha ca muguma buhane lwadwirhe,ci enshokano y'olukogo Nnamahanga arhufaga oku byaha birhu binji bya rhujira beru_kweru. ¹⁷ Bulya,akaba caha ca muntu muguma carhumire olufu lwagandaza,erhi ye rhumire,kanga kulusha balya bayunjwire engalo n'enshokano y'obushinganyanya bohe bayishilushisa,bagandaze omu buzine Yesu Kristu yenene orhumire. ¹⁸ Ntyo,nkoku bahaniragwa obubi bwa muntu muguma kw'abantu boshi bahindusire beru_kweru,banashobola obuzine cijiro ca bwimana bwa muguma burhumire. ¹⁹ Bulyala, nkoku olubaga lwoshi lwayahukiragwa n;ecaha erhi bucibone bwa muntu muguma burhuma,kwo lwanayishiyera bunvi bwa muguma burhumire. Neci,kwobinali,irhegeko lyayishire mpu lyo obubi buluga.Cikwone aha ecaha cali cishurhamire engalo ya Nnamahanga yahalambiza. ²¹ Mpu nkoku ecaha cali cigandazize omu lufu,engalo ya Nnamahanga egandaza n'obushinganyanya omu buzine bw'ensiku n'amango,Nnawirhu Yesu Kristu orhumire.