¹ Enyanya lyantya, benewirhu,nmuhire ihano erhi bwonjo bw Nnamahanga burhuma,nti muhane emibiri yinyu nka nterekero y'obuzine,ntakatifu,n'ey'okusimisa Nnamahanga.Ntyola kwomukwanine oku kolera Nnamahanga n'omurhima. ² Mumanye mwankacigererakwo er'igulu, ci muhinduke bantu bahyahya omu mirhima gwinyu, lyomumanyirira obulonza bwa Nnamahanga, mumanye aminja, ebi asima n'ebishinganine loshi. ³ Bulya, oku lukogo nahabirwe,nmubwizire ngasi muguma muli mwe nti murhakagicingenza okulushire olugero, cimucilole okunakwanine nkoku Nnamahanga anagabire ngasi muguma ehi amushoboza obwemere. ⁴ Bulya nka kulya omu biri muguma gujiramwo birumbu binji,na nkokulya ebirumbu byoshi birhajira mukolo muguma. ⁵ Nirhu ntyo korhuli banji,ci erhi rhunali mubiri muguma muli kristu,na ngasi muguma ali cirumbu cawabo. ⁶ Kandi rhwahirwe enshokano zirhali kuguma ngasi muguma nkoku anashobwire.Owahirwe enshokano y'obulebi ayikolese nkoku obwemere bunadesire. ⁷ Owahirwe enshokano y'obukozi rhukole omukarhi kobukozi bwirhu,owahirwe enshokano y'okuyigiriza ayigirize. ⁸ Owahirwe ey'okuhanula ahanule.Owarhabala abakenyi arhageraga,okulire ababo abashibirire,owababalira owabo amubabalire n'eshagali. ⁹ Obuzigire bwinyu burhabamwo obulyalya.Mushombe amabi mucishwekere oku minja. ¹⁰ Muzigirane nkabalondana,ngasi muguma akakenga ababo nkabamukulire. ¹¹ Mube ba bushirhu buzira bwolo,mube n'emirhima mikonbedu,mukolere Nnahano. ¹² Mushagaluke omu bulangalire,murhadundaganaga omu mango gamalibuko,mushenge buzira kurhahusa. ¹³ Mukarhabala abatakatifu omu bulangalire bwabo, mukahandisa ebigolo. ¹⁴ Mukagisha abamulibuza,mukahana obwanga na murhakaheherera, ¹⁵ mukashagaluka n'abashagalusire,munalake haguma n'abalaka. ¹⁶ Mukalolana kuguma mwene na nene.Murhakagilonza okukulira abandi,ci musime obwirhohye.Murhacijiraga birhonzi omu masu ginyu mwene. ¹⁷ Mumanye mwankagalulira omuntu obubi oku bundi.Mukalonza okujira aminja embere z'abantu boshi. ¹⁸ Erhi kwankahashikana,muciseze okuba n'omurhula n'abantu boshi. ¹⁹ Murhakacihola mwenene bira bani,ci muleke obukunizi bwa Nnamahanga bwone buyishicihola,bulya kuyandisirwe mpu: "OKucihola kuli kwani;Niene nayishilyula,ngasi muntu nkoku akwanine.Nnahano akudesire. ²⁰ "Ci omushombanyi wawe erhi akashalika ona mushalule,akaba agwerwe n'enyorha onamuhe ec'anywa.Okamujirira ntyo kuli kulunda amakala g'omuliro oku irhwe lyage." ²¹ Oanye wankahimwa n'obubi ci ohime obubi omu kujira aminja.