¹ YUMTSIL tech in yum k’ujech, ten cu caa’nakinskech, ten ki ki’ki’ol ta k’aba’; men tech ts’a metik baa’lob jach jatsutstac, baalob a tuculmaj buca’ k’in, tu maalob jets’il. ² Tech tsa’ metik e noj kaajo yaab, e noj kajo’ muu’k’anchajab, tso’kanti’, yetel ump’e muu’ka’an ti’ max ma’ k’ajolmi’ ti’ mix ump’e kaj. ³ Bey tun’e ump’e kaj muu’k’an yan u ki’ki’otkech, ump’e kaj ti’ nojoch kajob tsu’tsu’yob chi’cootech sajkil. ⁴ Men teche tsa metcabaj cuuchil toj olal ti’a maaxob otsil, untuj mak bo’oy ti’a maax k’aabet ti’ tu muk’yajil- ump’e mak bo’oy tee chichichik’ob yetel ump’e bo’oy ti’ale k’ilkabo’. Bey u yoxol e tsu’tsuy caach bey e chichich ik’o tu wok’ol e pak’o. ⁵ E bix tun u k’ilka’ ti’e luum tikin, tech biibikunsic u jun e yanal kajilob, bey e ki’ilkabilob cubibiltaj men e bo’oy e muñal, bey tun e k’ayob e tsu’tsuy maakob cu nucta’aj. ⁶ Ti’e nucuch k’ax YUMTSIL k’atun yan u mak’antic tiale tu lacaj cajobo’ ump’e k’iinbesaj ti’ maalob janaj, ti’ sak tabka’an uchbenchajal, ti’ bak’ mumuntacob, ump’e k’iinbesaj yetel maalob sak tabka’an. ⁷ Leti’e’ yan u nojmaltic ti’e’ nucuch k’axob u pixmaj tulacaj e cajobo, e nok’ob jit’aan yok’o ti’ tulacaj e nucuch cajob. ⁸ Leti’e yan u lik’iic e kimlo’o yok’ol untich’, YUMTSIL Yum k’uj yan u choic u ja’i u i’choob tulacaj maakob; u suu’taj lu caj leti’e’ yan u joo’sic ti’ tulacaj luum, men YUMTSIL ts’ooc u aik. ⁹ Yan u aalaj te k’iinilob:"Ileex in Yum k’uj; ts’ooc in pa’atcoon yoolal leti’, leti’ cu toksaoltcoon." ¹⁰ Bakáan te’ nucuch k’axobo u k’ab e YUMTSIL’O yan u jees’cubaj; Moab yan un yakanche’taaj tu cuchuj; bey tun e zuuk cu yacanche’taaj ti’ ump’e ch’een chup yetel ta’a. ¹¹ Leti’obe yan u tich’lantcu k’aboob tu chumuc i lel’a bey e mak cu baab u tich’lan u k’aboob ti’a lu baabe’. Chen baaxe YUMTSIL yan u jeenic u nojbail kex uja yan u its’atil pool u k’aboob. ¹² U pak’iloob caa’naj julbil naaj leti’ cu laj luusic tac luum, tac ti’ e jujuy luum’o’.