¹ Ump’e aalmajt’an ok’o Damasco. ² U cajiloob Oroer yan u p’atlajá. E lelá letie u cuchililoob tamanoob tuux cu jeescubaob, mix mac cu sajbescoob. ³ Cajaloob muuk’antacob yan u saatlob ti’ Efrain, u ajawil Damasco, e cu p’atloob Aram-- e leloob’a’ beyu’ u kiolal u cajal Israel-- e lelá u aalmajt’an YUMTSILI K’atunoob. ⁴ Yan u uchu ti’e k’iinobo’ u ki’ki’olal Jacob yan u chichantaj, yetel u polkij lu bak’elob yan u ts’ooyó. ⁵ E lel tu bey untu mac cu joché cu much’ic u yi’ij’, yetel u k’a tune ku jochic u pol e xiim’o’. Bey tun chen jooc u mooloj u pol e xiim’o’ tu jem Rafaim. ⁶ Yan u p’aat u yi’ij, chen baa’le’ bey tun untuj u nojoch che olivo cu titaj: caaten waoxten aceitunas’e’ tu caanli’ lu jeek’che’ tu jebak caanli’, camp’e wa jo’o tu jek’ che’ jebak caanli ump’e nojoch che’ man yan u yich-- e lelá u aalmajt’ani YUMTSIL, u Yum K’uj Israel. ⁷ Tiale k’iiniloob e xibobó yan u sutob ti’a le maax meyajmiloob, yetel u ichob’e cu pacticoob e Kiliichi Israel. ⁸ Letiobe mun bin u pactob e k’atal che’obo’ u meyajil u k’aboob, mix u pacticoob e baax u ya’al u k’a tu metoob, u k’atal che’ilob Asera wa u oochelob e k’iino’. ⁹ Tee k’iiniloob u mumuk’ cajilob’e’ bey u tsel e che’ob p’atoob tu caanli le caana’ k’axiloob, baaxe p’atoob men u cajal Israel baaxe yan u p’atloob tu juunob. ¹⁰ O’olal teexe sa tuubskex Yum K’uj, yetel toksajil, yetel ts’a tuubskesh u nojoch tunich u muk’olalil. Bey tun xan teex ca pac’ keex ki’kil pak’alob, ca shaak’teex yetel ump’e jeek’elob sak tabka’an ka k’anke’ex ti’ mac ma’ a k’aolex, ¹¹ tiale beela’ile ca pac’aleex ca k’alkeex u pachob yetel ca canantkeex. Seban u neek’e cu nojochtaj, baaxe u iche’ yan u k’astaj tu ump’e k’in ti’ yayujolal yetel yayajk’inan. ¹² ¡Ay! ¡U akan e yaacach maacob, u akame’ bey u akan e k’an’aabobo’, bey u titkubaj e nojoch cajobó cu seekcunscubaob bey u seblankij le yan u pajtalliloob! ¹³ E nucuch cajiloobo’ ku akamob bey u juum e yaacach jaobó, baaxe Yum K’uj yan u majcuchiob. Letiobé yan u putsloob jach nachij yetel yan u alcataloob bey e k’axoob kimenoob tiale kaana k’axobo’ yetel tun e ik’o’, e bey e k’axob cu sutob ti ump’e chichic ik’ob. ¹⁴ ¡Tee ak’abiloob, pacteex, sajkilil! ¡Yax taanil te jatscak’iino’ letiobe yan u satloob! E leelá u bo’olajtun e maaxob cu tsel’toon tu lacaj, u k’intaj e maaxob tu ocoltoon.