¹ U xiti u yol tu chun ti Isaí, yetel ump’e jeek’ che yetel u mots yan u tsic ich. ² U pixan YUMTSIL yan u jeescubá yok’ol leti’, u pixan ojelil, yetel naat, u pixaní caansaj yetel pajtalil, u pixaní k’aolal yetel u saajkilil ti’ YUMTSIL. ³ U ki’ olale’ u saajkili Yumtsil; Letie’ mun p’iis óoltic oosale’ ku ik u ichoo’, mix xan leti’ ku teetic e baax cu uuycú xiicnoo. ⁴ Men tun’e, letie’ mun p’iis oltic e otsil’o’ yetel tojil ku teetic yetel u maalobi ti’a’ yetel jnuun óolob e luum’o. Letie’ yan u ch’a’apachtik e luum’o’ yetel u cheí’ lu chi’, yetel u muusik’ u boox i li chi’ letie’ ku kinsic e k’asaanobó. ⁵ U tojilé u k’aax nak’ u chuun u nak’ yetel u jajil u k’ax nak’ u sutul u pach. ⁶ U pek’i k’ash yan u cajtá yetel taman, u misi k’ash yan u jeescuba yetel xuulubil taman tankelen, u aal e wacax’o’ yetel koh yetel u aal wacax polokcunzan, much’ch’aanob. Untuj chichan pal cu jo’ol poltic. ⁷ Ej ch’upul wacax yetel sam hool yan u manoob muuch’ch’aanoob yetel u mejniloob ku jeescubáob much’ch’aanoob. Ej koh yan u jantic suuc bey e waacax’o. ⁸ Untul champal yan u baaxa yoc’o untu jol’i can, yetel e chan pal yan u p’atmaj u chuuch yan u tsaic u k’a tu k’u e can’o. ⁹ Letiobé mun loobitcoob mix xan u c’ascunscob t’i tu lacaj in kili’ich k’ax; bey xam e luum’o yan u chuupu yetel u naati’ YUMTSIL, bey e jao’ cu pixcoob e k’áanab’o. ¹⁰ Bey xan te k’iinobó, u mots Isaí yan u wa’tloob bey ump’e láakam ti’a’le macoob. Lee nucuch cajob’ó yan u caxcoob u cuchil ti’a lu jeescubaob ti’a’ ki’ki’óolaltic. ¹¹ Tee’ k’iiniloob, e Yumtsil’o yan u tich’ic u c’a caaten ti’a’lu caa ch’aacuj max p’atoob tee cajo’ maxoob p’atob Asiria, Egipto, Patros, Cus, Elam, Sinar, Hamat yetel u Islas the k’aanab. ¹² Leti’e’ yan u tsic untuj laákam tia ’ le nucuch cajob’o yetel yan u much’ticoob e p’ecta’ncob Israel yetel e k’iik’iitc’aanoob Judá ti’a’le kanp’el tuu tu’uk’ile luum’o. ¹³ Leti’é yan u jatsic u ts’iibol Efraín yetel u sebilup’ujultic Judá yan u k’oosoj. Efraín mixtan u ts’iiboltic Judá yetel Judá mixtan u sebil u p’ujul yetel Efraín. ¹⁴ Chen baax’e, letiobe’ yan u lii’loob yoc’oj le nucuch k’aaxob filisteasob tia’ chik’in much’ob chen u ocoltoob e caj’o ti lak’in. Letiob’e yan u jats’coob Edom yetel Moab, yetel u cajil Amón yan u uuycoót’an. ¹⁵ E YUMTSIL’O yan u k’ascunsic tulacaj e golfo tee k’aanab Egipto. Yetel u ik’ jach chocoj leti’e yan u wa’cunscu k’aa yoc’oj Rio Eufrates yetel yan u jatzic ti’ úuk beji’ jaa, yoosal u pajtal u manoob yetel u xanabob. ¹⁶ Yan u yantaj untu bel ti’a’ lu p’itil u caj ku sut t’i’ Asiria, bey xan uchictic Israel ti’a’ u jok’o u luum’ij Egipto.