¹ Lesi sicalo selivangeli ngaJesu Khristu, indvodzana yaNkulunkulu. ² Njengoba kubhaliwe ku-Isaya Umprofethi, "Buka, ngitfumela siftunywa sami phambi kwebuso bakho, lokungiso lesitawulungisa indlela yakho. ³ Livi laloyo lomemeta ehlane, 'Lungisani indlela yeNkhosi; yentani idlela Yakhe icondze.'' ⁴ Johane wefika, abhabhatisa ehlane aphindze ashumayela ngembhabhatiso ngekuphendvuka kube kutsetselelwa kwetono. ⁵ Lonkhe live laseJudiya nabo bonkhe bantfu baseJerusalema baphumela kuye. Babhabhatiswa nguye eMfuleni iJordane, bavuma tono tabo. ⁶ Johane abegcoka lijazi lelakhiwe ngeboya telikamela kanye nelibhande lesikhumba elukhalo, abedla tintsetse kanye luju lwetinyosi tesiganga. ⁷ Wamemetela , ''Kukhona lotako emvakwami lonemandla kakhulu kunami; imichilo yetincabule takhe angikafaneli kutsi ngingagobondzela ngititfukulule. ⁸ Mine nginibhabhatisa ngemanti kepha yena utanibhabhatisa ngemoya loyingcwele.' ⁹ Kwenteka kutsi ngalawo malanga Jesu wefika abuya eNazaretha leseGalile, yena wabhajatiswa nguJohane eMfulen i-Jordane. ¹⁰ Kwatsi asaphuma emantini Jesu, wabona lizulu livuleka naMoya ehlela kuye njengelituba. ¹¹ Livi laphuma emazulwini, '' Wena uyindvodzana Yami letsandzekako. Ngiyatfokota kakhulu ngawe.'' ¹² Moya wase uyamphocelela kutsi aphume aye ehlane. ¹³ Waba sehlane emalanga langemashumi lamane, alingwa nguSathane. Abenetilwane tasendle, tingelozi timkhonta. ¹⁴ Kutsite lapho asaboshiwe Johane, Jesu weta eGalile amemetela livangeli laNkulunkulu. ¹⁵ Watsi, ''Sikhatsi sigcwalisekile, nembuso waNkulunkulu sewusondzele. Phendvukani niphindze nikholwe livangeli.'' ¹⁶ Nakahamba eceleni kwelwandle laseGalile, Wabona Simoni ana Andreya umnakaboSimoni ajika linethi elwandle, ngoba bebabadvwebi. ¹⁷ Jesu watsi kubo, ''Wotani, ngilandzeleni ngitawunenta badvwebi bebantfu." ¹⁸ 'Masinyane bashiya emanetha bamlandzela. ¹⁹ Kwatsi Jesu asahambe libangana, wabona Jakobe umusa waZebedi kanye naJohane umnakabo; bebasemkhunjini balungisa emanetha. ²⁰ Wababita base bashiya uyise Zebedi ekhatsi emkhunjini kanye netisebenti lebeticashiwe, bamlandzela. ²¹ Base befika eKhaphenawume, ngelisabatha, Jesu waya esinagogeni wafundzisa. ²² Bamangala yimfundziso yakhe, ngoba abefundzisa njengemuntfu lonemagunya, hhayi njengebabhali. ^{24 23} Ngaleso sikhatsi indvodza leyayikulelisinagoge leyayinemoya longcolile yamemeta, 24 yatsi, ''Sinamsebenti muni nawe, Jesu waseNazaretha? Sewutele kutekusibhubhisa? Ngiyati kutsi ungubani. Ungulongcwele wakulunkulu!" ²⁵ Jesu walikhalimela lelidimoni watsi' "Thula uphume kuye!'' ²⁶ Lomoya lomubi wamjika phasi waphuma kuye akhala ngelivi lelikhulu. ²⁷ Bonkhe bantfu bamangala, babutana bodvwana, "Yini lena? Imfundziso lensha lenemagunya! Uyala ngisho nemimoya lemibi imulalele!'' ²⁸ Tindzaba ngaye taya kutotonkhe tindzawo taseGalile. ²⁹ Nasebaphumile esinagogeni, bangena endlini yaSimoni na-Andreya, kanye naJakobe naJohane. ³⁰ Manje uninatala waSimoni abelele agula anemkhuhlane, batjela Jesu ngaye. ³¹ Wase uyeta, wambamba ngesandla, wamsukumisa; umkhuhlane wamshiya, wacala wabakhonta ngalokudliwako. ³² Kusihlwa emuva kwekutsi lilanga lishone, baletsa kuye bonkhe labebagula noma lebebabanjwe ngemadimoni. ³³ Lidolobha lonkhe lahlangana kanyekanye emnyango. ³⁴ Waphilisa labanengi labebagula ngetifo letehlukahlukene waphindze wakhipha emadimoni lamanyenti, kodvwa akatange avumele emadimoni kutsi akhulume ngoba abemati. ³⁵ Wavuka ekuseni kakhulu kusesemnyama; wahamba waya endzaweni latawuba Yedvwa khona wathantaza. ³⁶ Simoni nalabo lebebanaye bamfuna. ³⁷ Bamtfola batsi kuye,"Bonkhe bantfu bafuna wena." ³⁸ Watsi, "Asambeni encenye, ngaphandle emadolobheni lasedvute, khona ngitoshumayela nakhona. Kungako ngitile la." ³⁹ Wahamba kulo lonkhe leGalile, ashumayela kumasinagoge aphindze akhipha emadimoni. ⁴⁰ Kweta kuye labekanebulephelu. Abemncenga; waguca phasi watsi Kuye, "Uma utsandza, ungangenta ngihlambuluke. ⁴¹ "Achutjwa luvelo, Jesu welula sandla sakhe wamtsintsa, atsi kuye."Ngiyatsandza. Hlambuluka." ⁴² Masinyane bulephelo bamshiya,wahlambuluka. ⁴³ Jesu wamyalisisa wase uyamhambisa. ⁴⁴ Watsi kuye, "Uciniseke kutsi awusho lutfo kunoma ngangubani,kepha hamba, utibonakalise kumphristi, unikelele kuhlanjululwa kwakho lokwashiwo nguMose, njengebufakazi kubo." ⁴⁵ Kodvwa wahamba wacala kwandzisa letindzaba kakhulu, kangangekutsi Jesu abengabe asangena edolobheni ngekukhululeka kodvwa abehlala etindzaweni lebetikhweshile kubantfu. Kodvwa bantfu bebasolo beta kuye basuka ndzawotonkhe.