¹ "Kufanele ningenti tithico, phindze kufanele ningaphakamisi sithico lesibatiwe nobe sithico sematje lesimisiwe, phindze kufanele ningabeki sithico lesentiwe ngelitje eveni lenu lenitasikhotsamela, ngobe ngingu Simakadze Nkulunkulu wenu. ² Kufanele nigcine li Sabatha niphindze nihloniphe nendzwo yami lengcwele. Ngingu Simakadze. ³ Nangabe nihamba emitsetfweni yami niphindze nigcine nemiyalo yami niyihloniphe, ⁴ ngitawubese ngininika imvula ngesikhatsi sayo; lelive lenu litawuchubeka likhichite, netihlahla tasemasimini titawutsela titawutsela sitselo sato. ⁵ Kuvuna kwenu kutawuchubeka kute kufike sikhatsi sekuvunwa kwemagilebisi, phindze lokuvunwa kwemagilebisi kutawelula kuze kufike sikhatsi sekuhlanyela. Nitawudla sinkhwa senu nesutse niphindze nihlale niphephile lanenta khona imiti yenu kulelive. ⁶ Ngitawunika kuthula kulelive; nitawulala phansi kube bete lokutanenta nesabe. Ngitawutsatsa tilwane letiyingoti ngitesuse kulelive, nenkemba ngeke yendlule ngaseveni lenu. ⁷ Nitaticosha titsa tenu, titakuwa embikwenu ngenkemba. ⁸ Labasihlanu benu bayocosha labalikhulu, phindze labalikhulu benu bayawucosha tinkhulungwane letilishumi; titsa tenu titakuwa embikwenu ngenkemba. ⁹ Ngiyawunibuka ngekunibonelela ngiphindze nginente nitsele nginandzise; Ngitawakha sivumelwano nani. ¹⁰ Niyawudla kudla lokwabekwa kadzeni. Kuyawufanele nikhiphe lokudla lokugciniwe ngobe nitakudzinga leligumbi lalesivuno lesisha. ¹¹ Ngitawubeka indzawo lengihlala kuyo emkhatsisini wenu, phindze ngeke nginganemukeli. ¹² Ngiyawuhamba emkhatsisini wenu ngibe ngu Nkulunkulu wenu, phindze niyawuba sive sami. ¹³ Ngingu Simakadze Nkulunkulu wenu lowanikhipha e Gibhithe, kute ningabi tigcili tabo. Ngephule tikeyi telijoko lenu phindze nganenta nahambela etulu nicondzile. ¹⁴ Kodvwa uma ningeke ningilalele, phindze ningayihloniphi lemiyalo lena, ¹⁵ phindze uma ningatemukeli tincumo tami phindze ningayemukeli imitsetfo yami, khona ningeyuhlonipha yonkhe imiyalo yami, kodvwa nephule sivulwano sami- ¹⁶ Nangabe nenta letintfo leti, ngitawubese ngenta naku kini: Ngitawufaka kwesaba lokukhulu kini, tifo phindze nekushisa kwemtimba lokutawulimata emehlo phindze kumunye imphilo yenu. Nitawuhlanyelela lite tinhlavu tenu, ngobe titsa tenu tiyawudla lomkhicito. ¹⁷ Ngitawufulatselisa buso bami kini, phindze titsa tenu tiyawuba nemandla kunani. Emadvodza lanitondzako utawuphatsa tikwenu, phindze niyawubaleka, noma sekute lonicoshako. ¹⁸ Nangabe emvakwako konkhe loku ningangilaleli, ngiyawubese ngiyanijezisa kasikhombisa ngetono tenu. ¹⁹ Ngiyawuphula lugcabho emandleni enu. Ngiyawenta sibhakabhaka ngakini sibe njenge nsimbi phindze nelive lenu njengelitfusi. ²⁰ Emandla enu atawusetjentiselwa lite, ngobe live lenu ngeke likhicite sivuno salo, netihlahla tenu kulelive ngeke titsele titselo. ²¹ Nnihamba nimelana nami phindze ningangilaleli, ngiyawunishaya ngalokuphindvwe kasikhombisa, kuye ngekwetono tenu. ²² Ngiyawutfumela tilwane tasendle kini, letitanemuka basntfwabenu, tilimate imfuyo, tiphindze tininciphise ngenombolo khona imigwaco yenu iyawuba bete bantfu. ²³ Nangabe solo nginijezisa ngaletintfo leti solo ningemukeli kulungisiswa kwami phindze nichubeke nihambe ngekuphambana nami, ²⁴ ngiyawubese futsi ngihamba ngekuphambana nani, phindze mine lucobo lwami ngiyawunijezisa kasikhombisa ngenca yetono tenu. ²⁵ ngiyawuletsa inkemba kini leyawunijezisa ngekwephula sivumelwano. Niyawubutsisana ngekhatsi emadolobheni enu, phindze ngitfumele sifo emkhatsisini wenu lapho, niyawubese ninikelwa esandleni sesitsa senu. ²⁶ Nasengincamula lokuninika kudla, bafati labalishumi bayokwati kubhaka sinkhwa senu ehhavini linyue, phindze bayawuniketa sinkhwa senu ngesisindvo. Niyawudla kodvwa ningesutsi. ²⁷ Nangabe ningangilaleli nome sekwenteke letintfo, kodvwa nichubeke nekuhamba niphambane nami, ²⁸ ngiyawubese nami ngihamba ngekuphambana nani ngelulaka, phindze ngiyawunijezisa futsi ngalokuphindzene kasikhombisa ngekwetono tenu. ²⁹ Niyawudla inyama yemadvodzana enu; niyawudla inyama yemadvodzakatyi enu. ³⁰ Ngiyawubhidlita tindzawo tenu letyiphakeme, ngijube ngiwise nalama Althari enu lanemakha, ngijike tidvumbu tenu tikwe tidvumbu tetithico tenu, phindze mine lucobo lwami nginitondze. ³¹ Ngiyawenta emadolobha enu abhidlike phindze ngibhidlite netindzawo tenu tekubea tintfo letingcwele. Ngingeke ngitfokotiswe kushiswa kweminikelo yenu. ³² Ngiyawubhidlita live lenu. Titsa tenu letiyawuhlala lapho tiyawutfuka ngalokubhidlika. ³³ Ngiyawunihlakata emkhatsisini wetive, phindze ngikhiphe inkemba yami nginilandzele. Live lenu liyawushiywa, nemadolobha enu ayawonakala. ³⁴ Liyawuse lelive litfokotela li Sabatha ingci nje lisashiyiwe, nine niyawube nisemaveni etitsa tenu. Ngaleso sikhatsi, lelive liyawuphumula phindze litfokotele liSabatha lalo. ³⁵ Ingci lisashiyiwe, liyawuba nekuphumula lelingatange selibe nako ngema Sabatha enu, nisahlala kulo. ³⁶ Kulabo benu labayobe basele emaveni etitsa tenu, ngiyawutfumela kwesaba ekhatsi etinhlitiyweni tenu khona nome umsindvo welicembe leliphephetfwa ngumoya unetfuse, phindze niyawubaleka kwangatsi benibalekela inkemba. Niyakuwa, ngisho nome sekute nalonicoshako. ^{37 38 39} Niyawunyatselana kungatsi nibalekala inkemba, nanome ngabe sekute lonicoshako. Niyawubabete emandla ekuma embikwe titsatenu. Niyawushabalala emkhatsini wetive, nelive letitsa tenu liyawunidla. Labo labasele emkhatsini wenu batoshabalala etonweni tabo, lapho eveni letitsa tenu, phindze kungenca yetono tabobabe babo titoshabalaliswa nato. ⁴⁰ Kepha ke uma bavuma tono tabo netono taboyise, ngekungi jikela kwabo ngekutsi beba ngakatsembeki kimi, futsi bachelelana nami- ⁴¹ lokwabanga kutsi ngibafulatsele futsi ngibaletse eveni letitsa- uma tinhlitiyo tabo leti ngaka sokwa tititfoba, noma bavumela sijesizo setono tabo. ⁴² lapho ke ngitawu khumbula sivumelwano sami naJakobe, sivumelwano sami naIsaya, kanye nesivumelwano sami na Abrahama; phindze, ngitawu khumbula lendzawo. ⁴³ Lelive liyawushiywa ngibo, ngako ke itawutfokotiswa li Sabatha nalolo lisashiyiwe ngaphandle kwabo.Kufanele babhadale imbadalo ngetono tabo ngoba bona lucobo lwabo baphika imiyalelo yami baphindze banyanye nemitsetfo yami. ⁴⁴ Ngetulu kwako konkhe loku, uma basendzaweni yesitsa sabo, angeke ngibaphike, noma ngibahlole kute kutsi ngiba bhubhise,bese balahla sivumelwano sami nabo, ngoba ngingu Simakadze Nkulunkulu wabo. ⁴⁵ Kepha ngenca yabo ngitawu khumbula sivumelwano nabo khokho mkhulu babo, lengaba khokha eveni lema Gibhithe embikwe mehlo etive, kute kutsi ngibe nguNkulunkulu wabo. Ngingu Simakadze.'' ⁴⁶ lena ngimiyalo, tishicilelo, nemitsetfo Simakadze layentile emkhatsini wakhe nesive sakhe saka Israyeli entsabeni i Sinayi nga Mose.