¹ Simakadze wakhuluma naMose, atsi,' ² '' Yalela bantfu baka Israyeli kutsi baletse emafutsa lahlantekile lashayiwe emincumeni lesentjetiswe esibaneni, kute kutsi lokukhanya kuvutse mihlanemihla. ³ Ngaphandle kwelikhethini embikwa sivumelwano ekhatsi kwelithende lemuhlangano, Aaroni kufanele achubeke njalonjalo, kusukela entsambama kuya ekuseni, agcine lesibane sikhanya embikwa Simakadze. Lona kutawuba ngumtsetfo longayusuka esitukulwaneni senu sonkhe. ⁴ Umphristi lomkhulu kufanele agcine lesibane sikhanya embikwa Simakadze, letibane kulesihlalo sesibane lesakhiwe ngeligolide. ^{5 6} Kufanele utsatse flawa loconsekile ubhake tinkhwa letilishumi nakubili. Kufanele kube nemalitha lamane nehhafu yaflawa kuso sonkhe sinkhwa. Kufanele bese utibeka ngemalayini lamabili, tibe sitfupha elayinini, kulelitafula leligolide phambi kwaSimakadze. ⁷ Kufanele ubeke imphepho kulama layini esinkhwa njenge ummeleli wemunikelo. Lemphepho itoshiselwa Simakadze. ⁸ Lonkhe lilanga leSabatha umphristi lomkhulu kufanele ngemahlandla abeke sinkhwa embikwa Simakadze emelela bantfu baka Israyeli, nje ngeluphawu lwesivumelwano sanguna phakadze. ⁹ Lomunikelo utawuba waAaroni nemadvodzana akhe, batabese basidla endzaweni lengcwele, ngoba yincenye yemunukelo waSimakadze lowentiwa ngemulilo.'' ¹⁰ Nyaloke kwenteka kwekutsi indvodzana yewesifazane wemaIsrayeli, babe wakhe beka ngumu Gibhithe, wahamba emkhatsini kwebantfu base Israyeli. Lendvodzana yalo wesifazane wase Israyeli walwa nendvodza yase Israyeli enkambini. ¹¹ Lendvodzana yalo wesifazane wase Israyeli beyihlambalata ligama laSimakadze iphindze acalekise Nkulunkulu, ngakoke labantfu bamuletsa kuMose. Libito lamake wakhe bekungu Shelomithi, indvodzakati yaDibiri, lochamuka esiveni sa Dani. ¹² Bamugcina ekhulukutfu kute kutsi Simakadze lucobo lwakhe akhulume intsandvo yakhe kibo. ¹³ Lapho ke Simakadze wakhuluma naMose, watsi ¹⁴ ''Tsatsa lendvodza lecalekise Nkulunkulu uyikhiphele ngaphandle kwenkambu. Bonkhe laba muvile kufanele babeke tandla tabo enhloko yakhe, bese ke bonkhe bayamugcoba. ¹⁵ Kufanele uchaze kulabantfu base Israyeli bese utsi, 'Loyo localekisa Nkulunkulu wakhe kufanele atitfalele emacala akhe. ¹⁶ Loyo lohlambalata ngeligama laSimakadze kufanele kuciniseke abulawe. Lonkhe libandla kufanele liciniseke limugcobe, noma ngabe wesive noma wekutalwa eIsrayeli. Uma kukhona lohlambalata ligama laSimakadze, kufanele abulawe. ¹⁷ Uma kukhona lohlasela lomunye umuntfu, kufaneke kucinisekiswe abulawe. ¹⁸ Ume kukhona loshaya phasi silwane salomunye umuntfu, kufanele asibhadale, imphilo ngemphilo. ¹⁹ Ume kukhona lolimata makhelwane wakhe, kufanele kwentiwe kuye loko lakwente kumakhelwane wakhe. ²⁰ Kuphuka ngekuphuka, liso ngeso, litinyo ngelitinyo. Njengobe sekabange kulimala emuntfwini, ngakoke kufanele kwentiwe nakuye. ²¹ Nome ngubani lobulala silwane kufanele asibhadale, naloyo lobulala umuntfu kufanele abulawe. ²² Kufanele ube nemutsetfo munye wetihambi nebekutalwa kaIsrayeli, ngoba ngingu Simakadze Nkulunkulu wakho.'' ²³ Ngakoke Mose wakhuluma nebantfu baka Israyeli, babese baletsa lowesilisa ngaphandle kwenkambi, loyo lowacalekisa Simakadze. Bamugcoba ngematje. Labantfu base Israyeli balandzela umyalo waSimakadze kuMose.