¹ Simakadze wakhuluma kuMosi na Aroni, watsi, ² ''khuluma kubantfu baka israyeli, utsi, 'Leti tintfo letiphilako leningatindla emkhatsini wato tonkhe kwetilwane letisemhlabeni. ³ Ungadla nome ngusiphi silwane lesinetinselo letihlukanisiwe phindze nalesihlwabulako. ⁴ Kodvwa, letinye taletilwane tingahle tihlwabule noma tibe netinyawo letihlukanisako, phindze kumele ningatidli, tilwane letinjenge makamela, ngobe tiyahlwabula kepha tite tinyawo letihlukanisako. Ngakoke likamela lingcolile kini. ⁵ Kanye netilwane letihlala ematjeni, ngobe tiyahlwabula kepha tibe bete tinyawo letihlukanisako , nato tingcolile ⁶ kini.Umgwaja, ngobe uyahlwabula, kepha ute tinyawo letihlukanisako, ungcolile kini. ⁷ Ingulube, kodvwake inetinyawo letihlukanisako, ayihlwabuli, ingcolile kini. ⁸ Kumele ungadli nome nguyiphi yalenyama yato, nome utsintse tidvumbu tayo. Tingcolile kini. ⁹ Tidalwa letiphila emantini longatidla nguleti letinetimphiko tekuntjweza netincwencwe, nome tihlala elwandle nome emifuleni. ¹⁰ Kepha tonkhe tidalwa letiphilako letite timphiko tekuntjweza netincwencwe elwandle nasemifuleni, kufaka ekhatsi naletihamba emantini phindze nato tonkhe tidalwa letise mantini kumele tingadliwa ngini. ¹¹ Njengobe kumele tingadliwa, kumele ningadli inyama yayo; kanye, nemitimba yayo lefile kumele ingadliwa. ¹² Nobe ngabe yini lephila emantini phindze ite timphiko tekuntjweza netincwenwe tingadliwa ngini. ¹³ Leti tinyoni lekumele wale kutidla phindze kumele ungatidli ngobe atidliwa; lusweti, lingce, phindze nelingce lelimnyama, ¹⁴ hlonyile, nome nguliphi luhlobo lalohheya, ¹⁵ nalolonkhe luhlobo lweluhwabayi, ¹⁶ nenshi phindze nenkovazana, tinyoni taselwandle, phindze nome nguliphi luhlobo lwenkanku. ¹⁷ Kumele ungadli sahhukulu lesincane phindze nesahhukulu lesikhulu, lilanda, ¹⁸ sahhukulu lesimhlophe phindze nenhlanti ledla tinfishi, ¹⁹ inyoni, nalolonkhe luhlobo lwetinyoni, sahhukulu, nelilulwulwane. ²⁰ Tonkhetilwane letinetimphiko letihamba ngetinyawo letingu 4 atikavumeleki kini. ²¹ Kepha ungadla nome ngutiphi tilwanyana letindizako kanye naletihamba ngetinyawo letingu 4 letihamba phansi letinemilente lehlanganisiwe tekucocoma. ²² Ungaphindze udle nome nguliphi luhlobo lwesikhonyane, nemaboni,nemadziya, nobe tintsetse. ²³ Kepha tonkhe tilwanyana letindizako letinetinyawo letingu 4 kumele tingadliwa ngini. ²⁴ Nitatawuba ngulabangcolile kute kube sentsambama ngaleti tilwane nanitawutsintsa tidvumbu tato. ²⁵ Nome ngubani lotsintsa sidvumbu sinye sato kumele awashe timphahla takhe phindze ahlale angulongcocolile kute kube ntsambama. ²⁶ Sonkhe silwane lesinetinyawo letihlukanisako letingaka hlukaniseki taphelela nobe lesingahlwabuli singcolile kini. Wonkhe umuntfu lotitsintsako utawuba ngulongcolile. ²⁷ Nomangayini lehamba ngetinyawo letifike tibe mahlangana emkhatsini kwetilwane letihamba ngetinyawo letingu 4, tingcolile kini. Nomangabe ngubani lotsintsa sidvumbu lesifile lesinje utawuba ngulongcolile kute kube kusentsambama. ²⁸ Nomangabe ngubani lophakamisa sidvumbu lesifile kumele awashe timphahla takhe phindze abe ngulongcolile kute kube sentsambama. Leti tilwane titawuba nguletingcolile kini. ²⁹ Letinye tale tilwane letihamba ngesisu phansi, leti tilwane letitawuba nguletingcolile kini: nguchakidze, ligundwane, nalolonkhe luhlobo lwemgolo lomkhulu, ³⁰ nentfulo, naholoholo, nemgololo, nachamu, phindze nelunwabu. ³¹ Tonkhe tilwane letihuma ngesisu phansi, leti tilwane letitawuba nguletingcolile kini. Nomangabe ngubani lotithintsako natifile utawuba ngulongcolile kute kube sentsambama. ³² Nangabe letinye tato tifa phindze tiwele nome tukwani, leyontfo iyawuba ngulengcolile, nome yakhiwe ngetingodvo, ngemphahla, ngesikhumba, noma sikhwama sesikhwayikhwayi. Nomangabe yini phindze nomangabe isentjetiselwa ini kumele ifakwe emantini; itawuba ngulengcolile kute kube sentsambama. Bese itawuhloba. ³³ Nomangabe nguliphi libhodo leli bumba lapho nome ngusiphi silwane lesingcolile siwakhona, nomangabe yini lengekhatsi kwalelibhodo itawuba ingulengcolile, phindze kumele ubhidlite lelo libhodo. ³⁴ Nomangabe ngukuphi kudla lokungadliwa kepha kube nemanti kuwo lasuka kulelibhodo lelingcolile. Konkhe lokumanti ekunatsa lasuka kulelibhodo angcolile. ³⁵ Nomengayini lokunye kwato letidvumbu tiwela kuko kuba ngulokungcolile; nangabe kuyihhavu noma sitofu lesincane, kumele siphulwe sibe tincetu.Kungcolile phindze kumele kuhlale kungcolile kini. ³⁶ Umtfombo noma sicobho sekukhelela emanti sihlala sihlobile; kepha noma ngubani lotsintsa sidvumbu sayo lesifile ungulongcolile. ³⁷ Nangabe nguliphi luhlangotsi lesidvumbu sayo lesfile siwela tukwe hlanyelo nome nguyiphi letawulinywa, leyohlanyelo itawuba ngulehlobile. ³⁸ Kepha nangabe emanti afakwa kule tinhlanyelo, phindze nangabe nguliphi luhlangotsi lesidvumbu lesifile siwela etukwato, titawubese tiba nguletingcolile kini. ³⁹ Nomangabe ngusiphi silwane longasidla sifa, bese yena lositsintsako lesidvumbu lesifile utawuba ngulongcolile kute kube sentsambama. Nomangabe ngubani lodla leyo nyama yesidvumbu lesifile kumele awashe timphahla takhe phindze abengulongcolile kute kube ⁴⁰ sentsambama.Nomangabe ngubani lophakamisa sidvumbu lesinje utawuwasha timphahla takhe phindze abe ngulongcolile kute kube sentsambama. ⁴¹ Sonkhe silwane lesihuma ngesisu phansi asikavumeleki; kumele singadliwa. ⁴² Nomangabe ngulokuhuma ngesisu, phindze noma ngukuphi lokuhamba ngetinyawo letingu 4, nome yini lenetinyawo letinyenti tonkhe letilwane letinyonyoba phansi, leti kumele ungatidli, ngobe tinguletingakavumeleki. ⁴³ Kumele ningatenti labangaka hlanteki ngakokonkhe lokuphilako tilwane letinyonyobako; kumele ningatenti labangakahlanteki ngato, loko kumele kwentiwe ngulokungcolile ngato. ⁴⁴ Ngobe nginguSimakadze wenu. Kufanele nitigcine ningcwele, ngakoke banini ngcwele, ngobe ngingcwele. Kumele ningatingcolisi nangoma nguliphi luhlobo lwesilwane lesihamba phansi. ⁴⁵ Ngobe nginguSimakadze, lowanikhipha eveni laseGhibhithe, kute abe nguNkulunkulu wenu. Ngakoke kumele nibengcwele, ngoba nami ngingcwele. ⁴⁶ Lona ngumtsetfo lohambelana netilwane, netinyoni, nayoyonkhe indalo lephila emantini, phindze nayoyonkhe indalo lehuma phansi, ⁴⁷ ngobe umehluko utawentiwa emkhatsini walongcolile nalokuhlobile, phindze emkhatsini wetintfo letiphilako letingadliwa netintfo letiphilako letingahle tingadliwa.''