¹ Simakadze wakhuluma kuMose, atsi, ² ''Tsatsa Aroni nemandvodzana akhe, tembatfo tabo nemafutsa elugcobo, inkunzi yemhlatjelo wesono, tiwewe letimbili, kanyenelibhasikidi lesinkhwa lesingenambiliso. ³ Hlanganisa wonkhe lomhlangano emnyango welithende lekuhlanganyela.'' ⁴ Ngako Mose wenta njengobe Simakadze abemyalile yena, lomhlangano weta ndzawonye ekungeneni ethendeni lekuhlanganyela. ⁵ Ngako Mose watsi kulomhlangano, ''Ngiko loku Simakadze langitjela kutsi sikwente.'' ⁶ Mose waletsa Aroni kanye nemadvodzana akhe wase uyabageza bona ngemanti. ⁷ Wafaka Aroni ingubo yebupristi wayibopha ngeseshi elukhalo lwakhe lonkhe, wamgcokisa ngetsambo lekhetsekile wamfaka sidziya sebupristi, wase ukhunga lesidziya wasitulungeletela kuye ngemukolosho welibhande wase ulihlanganisa kuye. ⁸ Wabeka sivikelo sesifuba kuye, kulesivikelo sesifuba wafaka iUrimu kanye neThumimu. ⁹ Wafaka umshuculo enhloko yakhe, kulomshuculo, ngephambili, wabeka lipuleti leligolidi, umchele longcwele, njengobe Simakadze abemyalile. ¹⁰ Mose watsatsa emafutsa elugcobo, wagcoba lithabanekeli nako konkhe lokukulo wakwehlukanisela Simakadze. ¹¹ Wase ufafata lamafutsa kuleli alithali kasikhombisa, wagcoba alithali kanye nako konkhe lokukulo, kanye nendishi yekugezela kanye nelingephansi kwalo, kute kwehlukaniselwe Simakadze. ¹² Watsela emafutsa elugcobo enhloko yaAroni wamgcoba yena ngobe bekafuna kumehlukanisela. ¹³ Mose waletsa emadvodzana aAroni wawembatsisa ingubo yebupristi. Wababopha ngetinseshi emakhalweni abo wase ubashucula ngedvwangu etikwetinhloko tabo njengobe Simakadze abemyalile. ¹⁴ Mose waletsa inkunzi yemnikelo wesono, Aroni ne nemadvodzana akhe babeka tandla tabo enhloko yalenkunzi lebe bebayiletsele kuba ngumnikelo wesono. ¹⁵ Wayibulala yona, wase utsatsa lengati wayifaka etimphondvweni teli alithali ngemuno wakhe, kuhlambulula alithali, watsela ingati ngephansi kwe alithali, wase ulehlukanisela Nkulunkulu kute ente kubuyisana kulo. ¹⁶ Watsatsa wonkhe umhlenhlo wangekhatsi, lidvwadvwasi lesibindzi, kanye netinso letimbili kanye nemhlenhlo, wase Mose uyakushisa konkhe alithali. ¹⁷ Kodvwa lenkunzi, skhumba sayo, inyama yayo, kanye nebulongo wakushisela ngaphandle kwenkambu, njengobe Simakadze abemyalile yena. ¹⁸ Mose wamnika siwewe semnikelo wekushiswa, kanyena Aroni nemadvodzana akhe babeka tandla tabo enhloko yesiwewe. ¹⁹ Wasibulala wase ufafata ingati yaso tinhlangotsi tonkhe teli alithali ²⁰ Wajuma siwewe sabaticucu wase ushisa inhloko kanye ticucu temhlenhlo. ²¹ Wageza lokungekhatsi nemilente ngemanti, washisa sonkhe siwewe kulelilati. kwakungumnikelo wekushiswa wakhicita liphunga lelimnandzi, umnikelo lebewentiwe ngemlilo kuSimakadze njengobe Simakadze abemyalile Mose. ²² Ngako Mose waletsa lesinye siwewe, siwewe sekutehlakanisela Simakadze. Aroni kanye nemadvodzana akhe babeka tandla tabo enhloko yalesiwewe. ²³ Aroni wasibulala, naMose watsatsa incenye yengati wayibeka ngetulu kwesihloko sendlebe yangesekudla yaAroni, nasesitfupheni sakhe sangesekudla, nakubhozo naselunyaweni lwangesekudla. ²⁴ Waletsa emadvodzana aAroni, wafaka incenye yengati esihlokweni sendlebe yangasekudla,esitfupheni sangasekudla, nakubhozo wangasekudla. Ngako Mose wafafata ingati tinhlangotsi tonkhe teli-alithali. ²⁵ Watsatsa umhlenhlo, nemsila wemhlenhlo, nawo wonkhe umhlenhlo lebe ungekhatsi, lidvwadvwasi lesibindzi, netinso letimbili kanye nemhlenhlo wato,nelitsanga langasekudla. ²⁶ Wakhipha libhasikidi lesinkhwa lesingenambiliso lebe liphambi kwaSimakadze, watsatsa sinye sinkhwa lesingenambiliso, nasinye sinkhwa lesasinemafutsa, kanye nalinye licebelengwane, wakubeka emhlenhlweni nasemlenteni wangasekudla. ²⁷ Wakubeka konkhe etandleni taAroni nasetandleni talamadvodzana akhe base bayakuphakamisa phambi KwaSimakadze njengemnikelo wekuphakanyiswa. ²⁸ Ngako Mose wakutsatsa etandleni tabo wakushisa kuyi alithali kwabangumnikelo wekushiswa. Waba ngumnikelo wekugcotjwa lokhicita liphunga lelimnandzi. Kwabangumnikelo lowentiwa ngemlilo kuSimakadze. ²⁹ Mose watsatsa emabele wawaphakamisa nje ngemnikelo wekuphakanyiswa kuSimakadze. Loko kwaba yincenye yaMose yalesiwewe sekugcoba umpristi, njengobe Simakadze abemyalile yena. ³⁰ Mosi watsatsa lamanye emafutsa ekugcoba nengati beyise alithali; wakufafata kuAroni, etimphahleni takhe, nase madvodzaneni kanye nasetimphahleni temadvodzana akhe. Ngaleyondlela wehlukanisa Aroni netimphahla takhe, nemadvodzana akhe kanye netimphahla tawo kuSimakadze. ³¹ Ngako Mosi watsi kuAroni nakumadvodzana akhe, Bilisani inyama ekungeneni kwelithende lekuhlangana, lapho niyidle kanye nesinkhwa lesisebhaskidini lemnikelo wemgcobo, njengobe ngiyaletile, ngatsi, ' Aroni nemadvodzana akhe batawudla kona.' ³² Noma ngayini lokusalako lokuyinyama kanye nesinkhwa kumele nikushise. ³³ Kumele ningaphumi ngalomnyango welithende lekuhlangana emalanga lasikhombisa, kuze emalanga ekugcotjwa kwenu agcwaliseke. Ngobe Simakadze utakuhlukanisa emalanga lasikhombisa. ³⁴ Loku lokwentiwe kulelilanga-Simakadze uyale kutsi kwentiwe kube kubuyisana kwenu. ³⁵ Nitohlala lilanga nebusuku emalanga lasikhombisa ekungeneni kwelithende lekuhlangana, nigcine umyalo waSimakadze, kute ningafi, ngobe nguloku lenginiyale ngako. ³⁶ Ngako Aroni nemadvodzana akhe benta konkhe lebeSimakadze abayale ngako ngaMose