Sehluko 8
1
3
Jesu waya entsabeni yemincumo.
2
Lokwa ngovivi waya ethempelini futsi, bonkhe labantfu beta; wahlala phasi wabafundzisa. Babhali kanye nebafarisi baletsa umfati labamkhadza aphinga. Bambeka emkhatsini.
4
Base batsi kuye, ' Thishela,lomfati lona utfolakele aphinga.
5
Nyalo emtsetfweni, Mose wasiphocelela kutsi sibagcobe ngematje bantfu labanje; utsini ngaye?'
6
Basho loku khona batombeka lugibe, khona batoba nalebangambeka licala ngako, kodwa Jesu wagobondzela wabhala phasi ngemunwe wakhe.
7
Nabachubeka kumbuta imibuto, wasukuma watsi kubo, ''lokhona lamkhatsini wenu lote sono,akabe wekucala kumjikijela ngelitje.'
8
Waphindze wagobondzela, wabhala phasi ngemuno wakhe.
9
Nabakuva loku, bahamba ngamunye ngamunye, kwacala labadzala.
10
Ekugcineni Jesu wasala yedvwa, nalomfati lobekasolo asemkhasini. Jesu wasukuma watsi kuye,'Mfati, baphi labakubeke licala? Kute lokulahlile?'
11
Watsi 'Kute Nkhosi.' Jesu watsi, ' Nami angikulahli. Hamba ungasoni.'
12
Jesu waphindze wakhuluma nabo, watsi, 'Ngikukhanya kwemhlaba; loyo longilandzelako angeke ahambe ebumnyameni kodvwa utoba nekukhanya kwemphilo.'
13
Bafarisi batsi kuye, 'Uveta bufakazi ngawe, bufakazi lobungasilo liciniso.'
14
Jesu waphendvula watsi kubo, 'Noma ngingaletsa bufakazi ngami, bami bufakazi buliciniso. Ngiyati langichamuka khona nalapho ngiya khona, kodwa anati langachamuka khona noma lapho ngiya
15
khona.Nahlulela ngekwenyama; angehluleli muntfu.
16
Kodvwa nangihlulela, kuhlulela kwami kuliciniso ngoba angisingedvwa, kepha nginaBabe longitfumile.
17
Yebo, futsi emtsetfweni wenu kubhalwe bufakazi lobuliciniso bemadvodza lamabili.
18
Nginguye loletsa bufakazi ngami, kanye nababe longitfumile uletsa bufakazi ngami.'
19
Batsi kuye, ' Uphi babe wakho?' Jesu waphendvula watsi, ' Anati mine noma babe wami; kube beningati, ngabe niyamati nababe wami.'
20
Washo lamagama ngeligugu nakasafundzisa ethempelini, futsi kute lowambopha ngoba lihora lakhe lalisengakefiki.
21
Waphindze watsi kubo, ' Ngiyahamba, nitongifuna futsi nitokufela tono tenu. Lapho ngiya khona, angeke nikhone kuta.'
22
EmaJuda atsi, 'Utotibulala? Ngabe kungako atsi, ' Lapho ngiyakhona angeke nikhone kuta.?
23
Jesu watsi kubo, ' Nibuya phasi; Ngibuya etulu.
24
Ngakoke, ngitsite kini nitofa etonweni tenu. Ngaphandle kwekutsi nikholwe Nginguye,nitokufa etonweni tenu.'
25
Base batsi kuye,' Ungubani?' Jesu watsi kubo, ' Loko lengikushilo kini kusukela ekucaleni.
26
Nginetintfo letiningi lengifuna kutikhuluma ngphindze ngikwahlulele ngani. Kepha ke, loyo longitfumile uliciniso,futsi letintfo lengitivile kuye, lentintfo ngitisho kumhlaba wonkhe.'
27
Abacondzisisanga kutsi abekhuluma kubo ngaBabe.
28
Jesu watsi, 'Naseniphakamise Indvodzana yeMuntfu, lapho nitokwati kutsi Nginguye, futsi kute lengikwenta ngekwami. Njengoba Babe angifundzisa, ngikhuluma letintfo.
29
Loyo longitfumile unami, akakangishiyi ngedvwa, ngoba ngihlale ngenta loko lokumchazako."
30
Njengoba Jesu abesho letimtfo, labaningi bakholelwa kuye.
31
Jesu watsi kulawo maJuduma labebekakholwe kuye, "Nangabe nihlala evini lami,lapho ke nitabe nibafundzi bami ngeliciniso;
32
futsi nitalati liciniso, liciniso litanikhulula."
33
Bamphendvula, "Sisitukulwane sa-Abrahama futsi asikake sibe tigcila tanoma ngangubani; usho kanjani kutsi, "Nitawukhululeka?"
34
Jesu wabaphendvula,"Ngicinisile, ngicinisile, Ngitsi kini, wonkhe umuntfu lowenta sono sigcila sesono.
35
Lesigcila asihlali endlini liwonkhe; indvodzana ihlala liwonkhe.
36
Ngako ke, nangabe Indvodzana inikhulula, nitawukhululeka ngeliciniso.
37
Ngiyati kutsi nisitukulwane sa-Abrhama; nifuna kungibulala ngoba livi lami lite indzawo kini.
38
Ngisho loko lengikubonile ngaBabe wami, nani nenta loko lenikuvile kubabe wenu."
39
Baphendvula batsi kuye, "Babe wetfu ngu-Abrahama."Jesu watsi kubo, "Kube benibantfwana ba-Abrahama, ningenta imisebenti ya-Abrahama.
40
Kodvwa, nyalo nifuna kungibulala, indvodza lenitjele liciniso lengilivile ku-Nkulunkulu. Abrahama akakwentanga loku.
41
Nenta imisebenti yababe wenu."Batsi kuye,"Asitalelwanga ebugwadleni; sinaBabe munye; Nkulunkulu."
42
Jesu watsi kubo, "Nangabe Nkulunkulu abengubabe wenu, ningangitsandza, ngoba ngasuka ku Nkulunkulu sengilana; ngoba angikabuyi ngisho nakimi, kodwa ungitfumile.
43
Aniwacondzisisi ngani emagama ami? Kungoba aniweva emagama ami.
44
NibaSathane, babe wenu, futsi nifuna kwenta tifiso tababe wenu. Abengumbulali kusukela ekucaleni futsi akemi ecinisweni ngoba kute liciniso kuye. Nakacamba emanga, ukhuluma kusukela ekubeni nguye kwakhe ngoba ungumcambi manga futsi ngubabe wemanga.
45
Kodvwa ngoba ngikhuluma liciniso, aningetsembi.
46
Ngubani munye wenu longibeka licala lekona?
47
Loyo lowaNkulunkulu uva emavi a-Nkulunkulu, aniweva ngoba anisibo ba-Nkulunkulu."
48
EmaJuda aphendvula atsi kuye, "Asisho yini ngeliciniso kutsi ungumSamaliya futsi unelidimoni?"
49
Jesu waphendvula, "Ngite lidimoni, kepha ngihlonipha Babe wami, nine anihloniphi mine.
50
Angitifuneli inkhatimulo yami, kukhona munye lofunako nalomunye lohlulelako.
51
Ngicinisile, ngicinisile ngitsi kini, loyo logcina livi lami,angeke akubone kufa."
52
EmaJuda amphendvula atsi kuye, "Nyalo siyati kutsi unelidimoni. Abrahama kanye nemaprofethi bafa; kodvwa utsi," Loyo logcina livi lami, angeke akuve kufa.
53
Awusiko mkhulu kunababe wetfu Abrahama lowafa, umkhulu? Baprofethi nabo bafa. Utenta ube ngubani?"
54
Jesu waphendvula, "Nangitikhatimulisa, inkhatimulo yami ayisilutfo; nguBabe wami longikhatimulisako- lelenitsi nguNkulunkulu wenu.
55
Nisengakamati, kodvwa mine ngiyamati. Nangingatsi, "Angimati," ngingafana nani, umcambi manga. Kodvwa ke, ngiyamati futsi ngiyaligcina livi lakhe.
56
Babe wenu Abrahama wajabula ngekubona lilanga lami; walibona wajabula."
57
EmaJuda atsi kuye, "Usengakabi neminyaka lengemashumi lasihlanu, somubonile Abrahama?"
58
Jesu watsi kubo, "Ngiciniile, ngicinisile ngitsi kini, phambi kwa-Abrahama, Nginguye."
59
Base babutsa ematje batowajika kuye, kodvwa Jesu watifihla wase uphuma ethepelini.