¹ Emva kwaleto tintfo Jesu wahambahamba kulaseGalile, ngobe abengafuni kuya eJudiya ngobe emaJuda abefuna kumbulala. ² Manje umkhosi wemaJuda wemadvokodvo wase usondzele. ³ Ngaloko bomnakabo batsi kuye, " Suka kulendzawo uye eJudiya, kuze kutsi bafundzi bakho batobona lemisebenti loyentako. ⁴ Kute umuntfu lowenta tintfo emasitseleni nangabe yena lucobo lwakhe ufuna kwatiwa ebaleni. Nawenta letintfo , tibonakalise eveni. ⁵ Phela nabomnakabo bebangakholwa nguYe. ⁶ ngako Jesu watsi kubo, "Sikhatsi sami asikafiki, kodvwa nine sikhatsi senu sihlala silungile. ⁷ Live lingete lanitondza, kodvwa liyangitondza mine ngobe ngifakaza ngalo kutsi imisebenti yabo mibi. ⁸ Nine yenyukani niye emkhosini; Mine angiyi kulomkhosi ngobe sikhatsi sami sisengakapheleliswa." ⁹ Emva kwekusho leto tintfo kubo , wahlala eGalile. ¹⁰ Kodvwa kwatsi nase benyukile bomnakabo kuya emkhosini, wase uyenyuka naye, hhayi ebaleni kodvwa ngasese. ¹¹ EmaJuda abemfuna emkhosini atsi, "uphi?" ¹² Kwakukhona kukhulumisana lokunyenti ngaYe eticukwini. Labanye batsi,"Ungumuntfu lolungile." Labanye batsi, "cha, wedukisa ticuku." ¹³ Noko kute labekhuluma ngaYe ebaleni ngekwesaba emaJuda. ¹⁴ Kwatsi ekhatsi nemkhosi, Jesu wenyukela ethempelini wacala kufundzisa, ¹⁵ EmaJuda kwawamangalisa, atsi, " Lomuntfu wenta kanjani lokwati kakhulu kangaka? akatange afundze." ¹⁶ Jesu wabaphendvula watsi, "Kufundzisa kwami akusiko kwami, kodwa kwaloyo longitfumile. ¹⁷ Uma umuntfu afisa kwenta intsandvo yakhe, utawukwati ngalemfundziso, kutsi ibuya kuNkulunkulu, Nobe ngitikhulumela mine. ¹⁸ Uma umuntfu atikhulumela yena utifunela lwakhe ludvumo, kodvwa loyo lofuna ludvumo lwaloyo lamtfumile, loyo muntfu ucinisile, futsi akukho kungalungi kuye. ¹⁹ Akatange yini Mose aninike umyalo? noko kute kini lowugcinako. Nifunelani kungibulala?" ²⁰ Sicuku saphendvula, "unelidimoni, ngubani lofuna kukubulalal?" ²¹ Jesu waphendvula watsi kubo, "Ngente umsebenti munye, senimangele nonkhe ngenca yawo. ²² Mose waninika kusoka ( hayi kutsi nguMose, kodvwa bokhokho), nangeliSabatha niyamsoka umntfwana. ²³ Uma umntfwana emukeliswa kusoka ngeliSabatha kuze umtsetfo waMose ungephulwa, ningitfukutselelelani ngoba ngenta indvodza yaphila ngalokuphelele ngeliSabatha? ²⁴ Ningabokwehlulela ngaloko lenikubonako, kodvwa yehlulelani ngekulunga." ²⁵ Labanye babo lababebaseJerusalema batsi, "akusiye yini lona labafuna kumbulala? ²⁶ Bukani, ukhuluma olubala, futsi abasho lutfo kuYe. Kungete kwaba kutsi nebabusi vele bayati kutsi lona nguKhristu, kungaba? ²⁷ Noko siyati lapha lona awakhona. Kodvwa Khristu nakefika, akekho loyokwati lapha avela khona." ²⁸ Jesu wamemeta ethempelini , afundzisa atsi, "Niyangati mine nekutsi nalapho ngibuya khona. Mine angikatiteli , kodvwa loyo longitfumile ucinisile, futsi animati Yena. ²⁹ Mine ngiyamati ngoba ngavela kuYe futsi ngitfunywe nguYe." ³⁰ Babetama kumbopha , kodvwa kute lowambeka sandla ngobe sikhatsi sakhe sasingakefiki. ³¹ Kodvwa labanyenti esicukwini bakholwa nguYe, batsi, " Nase kufika Khristu, uyawukwenta tibonakaliso letedlula leti latentile lona?" ³² BaFarisi basiva sicuku nasihleba ngaletintfo ngaJesu, UMphristi lomkhulu nebaFarisi batfumela bogadzi kutsi bayombopha. ³³ Jesu wase utsi, "Ngisenani kwesikhashana nje, bese ngiya kuloyo longitfumile. ³⁴ Niyongifuna kodvwa ningeke ningitfole; lapho ngiya khona , nine ngeke nikhone kuta." ³⁵ Ngako-ke emaJuda atibuta odvwana atsi, "Lomuntfu utawuya kuphi lapha singeke sikhone kumtfola khona? Ngabe utakuya kulabasakateke kumaGrikhi ayofundzisa emaGrikhi? ³⁶ Livi lini leli lalishoko kutsi, 'Nitangifuna kodvwa ngeke ningitfole; lapho ngiya khona, ngeke nikhone kuta nine'?" ³⁷ Ngelusuku, lwekugcina lolukhulu lwemkhosi , Jesu wasukuma wamemeta, watsi, "Uma ngabe kukhona lowomile, akete kimi anatse. ³⁸ Lokholwa ngimi, njengoba umbhalo usho, imifula yemanti ekuphila iyawugeleta esiswini sakhe." ³⁹ Wakusho loku ngaMoya Longcwele, Labo labakholwa kuYe lababetawumemukela; phela Moya abesengakemukelwa ngoba Jesu abesengakakhatimuliswa. ⁴⁰ Labanye esicukwini, nabeva lamagama, batsi, "Lona ngempela ungumphrofethi." ⁴¹ Labanye batsi, "Lona nguKhristu. Kodvwa labanye batsi, " Ngabe Khristu uvela eGalile yini kani? ⁴² Umbhalo awushongo yini kutsi Khristu uyawuvela etitukulwaneni taDavide eBethlehema, emakhaya lapho Davide abekhona?" ⁴³ kanjalo kwaba khona kuphikisana esicukwini ngenca yakhe. ⁴⁴ Labanye babo ngabe bambopha, kodvwa kute lowambeka sandla. ⁴⁵ Bogadzi babuyela emuva kubaPhristi labakhulu nakubaFarisi, labatsi kubo, "Anikamletsi ngani ? ⁴⁶ baphendvula, " Akukate kube nemuntfu lokhuluma njengalona," ⁴⁷ Ngako baFarisi babaphendvula, "Nani futsi seniyengekile? ⁴⁸ "Kukhona yini kubabusi lokholiwe nguYe, nobe kubaFarisi? ⁴⁹ Kodvwa lesicuku lesingawati umtsetfo, sicalekisiwe. ⁵⁰ "Nikhodemu ( lomunye webaFarisi, labeke weta kuYe) watsi kubo, ⁵¹ "Ngabe umtsetfo wetfu uyamehlulela yini umuntfu ngaphambi kwekutsi alalelwe nekutsi kwatiwe kutsi wentani? ⁵² "Baphendvula batsi kuye, "Kani nawe ungewaseGalile yini? Hlolisisa ubone kutsi kute mphrofethi lovela eGalile. ⁵³ Bahamba nguloyo waya ekhaya lakhe.( Tincwadzi letinhle takucala tite Johane 7:53-8:11 ).