¹ Emva kwako kwako konkhe,Jesu wewelela ngesheya kweLwandle lase Galile,lebekutsiwa Lwandle lwase Tiberias. ² Scuku lesikhulu samlandzela ngoba sabona timphawu lebakatenta kulabo bebagula. ³ Jesu wenyukela entsabeni wafika wahlala phasi nebafundzi bakhe. ⁴ (Kwase kusondzele lidzili lelikhulu lema Juda.) ⁵ Watsi uphakamisa emehlo Jesu wabona sicuku lesinyenti sita kuye, watsi ku Philip, ''Sitawutitsengaphi tinkwa khona batokudla labantfu?'' ⁶ (Jesu wakusho loku afuna kubona Philip kutsi utawutsini,ngoba bekati kutsi utawenta njani.) ⁷ Philiphu waphendvula watsi, ''Tinkwa ta E200 angeke tibenele nekubanela. ⁸ ''Lomunye umfundzi,Andrew, umnakabo Simon Petro,watsi ku Jesu, ⁹ ''Kunemfana lana lophetse tinkhwa letingu 5 netimhlanti letingu-2,kepha tincane kakhulu kulabantfu?'' ¹⁰ Jesu watsi, ''Bahlaliseni phasi labantfu.'' bekunetjani lobunyenti kuleyo ndzawo. Ngako-ke bahlala phasi,balinganiselwa ku 5000 ngelinani. ¹¹ Jesu watsatsa letinkwa emva kwekubonga, watika labo bebahleti phasi.Wenta njalo nakuletinhlanti,badla ngendlela labayifunako. ¹² Batsi nasebesutsi labantfu,watsi kubafundzi bakhe, ''Butsani tonkhe letimvutfu letisele,khona kutoba bete lokulahlekako.'' ¹³ Ngako babahlanganisa base bagcwalisa emabhaskidi langu 12 ngetimvutfu tesinkwa letatisele kulabo lesabadlile. ¹⁴ Bantfu ke batsi nababona letimphawu latenta,base batsi, ''Nangemambala lona ngu mprofethi lotawuta emhlabeni. ¹⁵ ''Watsi Jesu nakabona kutsi sebatawuta kuye bamubambe ngenkhani bamente iNkhosi, wanyomuka futsi wenyukela entsabeni ayedwva. ¹⁶ Kwatsi nakuhlwa bafundzi bakhe bewukela elwandle. ¹⁷ Bagibela eskebheni,bewelela eCapernaum. kwase kuhlwile ngaleso skhatsi na Jesu abesengakafiki kubo. ¹⁸ bese kucale sivunguvungu,ne lwandle bese lune ludlame. ¹⁹ Kwatsi nase bagwedle skhashane,babona Jesu ahamba etukwe lwandle asondzela eceleni kwe skebhe,bafikelwa kwesaba. ²⁰ Kodwva watsi kubo, ''Ngimi! ningesabi. ²¹ ''Batimisela ngekumamukela eskebheni ,kodwva masinyane skebhe safika emhlabeni lapho bebaya khona. ²² Ngakusasa, sicuku lesasime ngesheya kwe lwandle sabona kutsi kwakute lesinye skebhe ngaphandle kwalesi, kani Jesu akagibeli kuso nebafundzi bakhe batihambela bodwva. ²³ Noma kunjalo,kwakunaletinye tikebhe letatibuya eTiberias tidvute nendzawo lebebadlela kuyo tinkhwa emva kwekutsi iNkhosi ibonge. ²⁴ Bantfu nababona kutsi Jesu nebafundzi bakhona lapho,nabo bagibela tikebhe bewelela eCapernaum bafuna Jesu. ²⁵ Nase bamutfolile ngesheya kwe lwandle,batsi kuye, ''Mfundzisi,ufike nini lana?'' ²⁶ Jesu wabaphendvula watsi, ''Ngicisile,ngicinisile,nifuna mine,hhayi ngoba nibone timphawu,kodwva ngobe nidle tinkhwa nesutsa. ²⁷ Ningasebenteli kudla lokuphelako,kodwva sebentelani kudla lokutawuhlala inguna phakade lenitawunikwa kona yindvodzana yemuntfu,ngoba Nkulunkulu Babe ubeke luphawu kuye.'' ²⁸ Base batsi kuye, ''Kumele senteni,khona sitowenta umsebenti wa Nkulunkulu?'' ²⁹ Jesu waphendvula watsi kubo, ''Lona ngumsebenti wa Nkulunkulu:kutsi nikholelwe kuloyo lamtfumile.'' ³⁰ Ngako batsi kuye, ''Yini timphawu longatenta,khona sitewubona futsi sikholelwe kuwe? Yini longakwenta? ³¹ Bobabe betfu badla imana ehlane,njengoba kubhaliwe, Wabanika sinkhwa lesivela ezulwini badla'' ³² Jesu wabese uyabaphendvula, ''Ngicinisile,ngicinisile, kwakungasuye Moses lowaninika sinkwa lesasivela ezulwini,kepha ngubabe wami loninika sinkwa seliciniso lesivela ezulwini. ³³ Ngoba sinkwa sa Nkulunkulu ngulesi lesivela ezulwini futsi siletsa kuphila emhlabeni. ³⁴ ''Ngako batsi kuye, ''Mnumzane,sinike leso sinkwa imihla ngemihla.'' ³⁵ Jesu watsi kubo, ''Mine ngisinkhwa sekuphila; loyo lotakimi ngeke alambe, kani naloyo lokholwa ngimi angeke ome. ³⁶ Kodwva ngiyatjela ngitsi nangemambala ningibonile,futsi nangakholwa. ³⁷ Wonkhe lenginikwe ngubabe utawuta kimi,naloyo lota kimi ngiyaciniseka angeke ngimulahlele ngaphandle. ³⁸ Ngoba ngehlile ngivela ezulwini,angiketi kutowenta intsandvo yami, kepha intsandvo yaloyo longitfumile. ³⁹ Lena-ke yintsandvo yaloyo longitfumile, angeke ngilahle nakunye kuloko langitfume kona,kodwva ngiyokuphakamisa kute kufike lilanga lekugcina. ⁴⁰ Ngoba loku kuyintsadvo yaBabe, kutsi loyo lobone indvodzana futsi wakholelwa kuyo utawuba nekuphila lokuphakade futsi ngitamuphakamisa kudzimate kufike lilanga lekugcina.'' ⁴¹ EmaJuda akhonona ngaye ngoba utsite, ''Mine ngisinkhwa lesivela ezulwini.'' ⁴² Batsi, ''Akusuye yin loJesu indvodzana yaJosefa,lebabe na make wakhe simati? Usho kanjani manje kutsi, 'Ngehlile ngivela ezulwini'?'' ⁴³ Jesu wabaphendvula watsi kubo, ''Musani kuhhumutela nodwva. ⁴⁴ Kute longeta kimi ngaphandle kwekutsi babe longitfumile amdvonse,ngitamuvusa ngelilanga lekugcina. ⁴⁵ kubhaliwe kuba profethi, 'Wonkhe utawufundziswa ngu Nkulunkulu.' Wonkhe lovile phindze wafundza kuBabe uta kimi. ⁴⁶ Hhayi kutsi kukhona lobone babe, ngaphandle kwalobuya ku Nkulunkulu-yena umbonile babe. ⁴⁷ Ngicinisile,ngicinisile,loyo lokholwako unekuphila lokuphakade. ⁴⁸ Mine ngisinkhwa sekuphila. ⁴⁹ Bobabe benu badla imana ehlane,bafa. ⁵⁰ Lesi sinkhwa lesivela ezulwini,khona umuntfu atodla incenye yaso angafi. ⁵¹ Mine ngisinkhwa sekuphila lesivela ezulwini. Nangabe khona lodla incenye yale sinkhwa,utawuphila phakade. Lesinkhwa lengitawupha sona singumtimba wami wekuphila kwemhlaba'' ⁵² EmaJuda atfukutselelena ase acala kuphikisana,atsi, ''Kuyangani kutsi lendvodza isinike inyama yayo kutsi siyidle?'' ⁵³ Jesu wase utsi kubo, ''Ngicinisile,ngicinisile, ngaphandle kwekutsi udle inyama yendvodzana yemuntfu uphindze unatse ingati yayo,angeke ube nako kuphila kuwe. ⁵⁴ Loyo lodla inyama yami anatse ingati yami utawuba nekuphila kwaphakade, futsi ngiyakumuvusa ngelilanga lekugcina. ⁵⁵ Ngoba inyama yami ikudla kweliciniso,ingati yami isinatfo seliciso. ⁵⁶ Loyo lodla inyama yami anatse ingati yami uhlal kimi,nami ngihlale kuye. ⁵⁷ Njengoba babe liphilako wangitfuma,njengoba nami ngiphila njenga babe,naye utawuphila ngenca yami. ⁵⁸ Lesi sinkhwa lesehla sivela ezulwini,hhayi njenga bo babe badla bafa.Loyo lodla lesinkhwa lesi utophila phakade.'' ⁵⁹ Kodwva Jesu wakhuluma letintfo esinagogeni nakafundzisa eCapernaum. ⁶⁰ Ngako bafundzi bakhe labanyenti bakuva loku,batsi, '''Lemfundziso lena ilukhuni;ngubani longayemukela?'' ⁶¹ Jesu,ngoba bekati kutsi bafundzi bakhe bebakhonona ngaloko,watsi kubo, ''Kuniphatsa kabi yini loku? ⁶² Kepha niyowenta njani nanibona indvodzana yemuntfu yenyukela lapho beyikhona khona ngaphambilini? ⁶³ Ngumoya lowenta kuphile;inyama ayina mbuyiseko. Lamagama lengiwakhulume kini angumoya,futsi akuphila. ⁶⁴ Nanoma labanye benu bangakholwa, Jesu wati kusukela ekucaleni kutsi bobani labangeke bakholwe phindze bobani labatamninikela. ⁶⁵ Watsi, ''Kungenca yalesizatfu lesi ngize ngitsi kini kute longeta kimi ngaphandle kwekutfola imvumo ku babe.'' ⁶⁶ Ngenca yaloko,bafundzi bakhe bamshiya bangasa hambi naye. ⁶⁷ Jesu wase utsi kulalabangu 12, Anifuni kuhamba nani,niyafuna? ⁶⁸ Simon Petro wamphendvula, ''Nkhosi, sitawusuka siyekuphi? Unemagama ekuphila phakadze, ⁶⁹ sikholiwe futsi sesiyati kutsi ungulongcwele wa Nkulunkulu.'' ⁷⁰ Jesu watsi kubo, ''Angikanikhetsi yini,nobangu 12,munye kini ngu uSathane?'' ⁷¹ Nyalo-ke abekhuluma nga Judas indvodzana ya Simon Iscariot,ngoba kwaku nguye,kulaba labangu 12,lotawunikela Jesu.