¹ Jakobe naye wahamba endleleni yakhe, netingelozi ta Nkulunkulu tahlangana naye. ² Kwatsi Jakobe nakatibona, watsi, ''Lena yinkambu ya Nkulunkulu,'' wase sobita ligama lalendzawo watsi yi Mahanayimi. ³ Jakobe watfumela titfunywa ngaphambili kwakhe tiye kumnakabo Esawu endzaweni yase Siya, esigodzini sase Edomu. ⁴ Watitjela, watsi, ''Loku ngulenitokusho kumphatsi wami Esawu; Loku ngiko sisebenti sakho Jakobe lesikushito; 'Mine bengihlala na Labani, ngase ngiyaphuta kubuya kwate kwabangumanje. ⁵ Nginetinkhomo netimbongolo, timvu, tisebenti letindvuna, kanye netisebenti letinsikati. Ngitfumele lomlayeto kumphatsi wami, kute Ngitotfola bubele emehlweni akho.''' ⁶ Letitfunywa tabuyela ku Jakobe tatsi, ''Siyile kumnakenu Esawu. Uyeta kutohlangana nawe, emakhulu lamane emadvodza eta naye. '' ⁷ Wase Jakobe uba nekwesaba kanye nekutfukutsela. Wase sewehlukanisa labantfu bekanabo ngetinkambu letimbili, kanye nemhlambi wetimvu, nemhlambi wetinkhomo kanye nemakamela. ⁸ Watsi, Nangabe Esawu eta kuyinye inkambu ahlasela, lapho lenkambu lesele itophunyula.'' ⁹ Jakobe watsi, ''Nkulunkulu wababe wami Abrahama, Nkulunkulu wababe wami Isaka, Simakadze, lowatsi kimi, 'Buyela eveni lakini nasetihlotjeni takho, ngitokuphumelelisa,' ¹⁰ Mine angikafanelwa tonkhe tento tesivumelwano tekwetsembeka kanye nakokonkhe kwetsembeka lokwentele tisebenti takho. Ngelidvondvolo lami kuphela Ngiyengcile i Jolidane, nyalo Mine sengitinkambu letimbili. ¹¹ Ngicela ungikhiphe esandleni semnaketfu, ngsuke esandleni sa Esawu, ngoba Mine ngiyamesaba yena, ngoba utokuta atongihlasela kanye nabonina nebantfwana. ¹² Kepha utsite, 'Nomakanjani utangenta ngiphumelele. Ngitowenta situkulwane sakho sibe njengesihlabatsi selwandle, sona lesingabaleki ngesibalo.'''' ¹³ Jakobe wahlala lapho lobo busuku. Watsatsa incenye yalebekanako kwaba sipho sa Esawu, umnakabo; ¹⁴ Emakhulu lamabili tetimbutikati kanye nemashumi lamabili etiwewe, emakhulu lamabili etimvukati nemashumi lamabili etimvu letindvuna, ¹⁵ emashumi lamatsatfu emakamela lasengwako kanye nema nkonyane awo, emashumi lamane etinkhomati netinkunzi letilishumi, emashumi lamabili etimbongolo letinsikati nelishumi letimbongolo letindvuna. ¹⁶ Loku wakunika etandleni tetisebenti takhe, ngemhlambi wato. Watsi etisebentini takhe. ''Hambani embikwami nibeke sikhala emkhatsin yalemihlambi.'' ¹⁷ Wase sewuyala lesekucala sisebenti, watsi, ''Nangabe Esawu umnaketfu ahlangana nawe akubuta, atsi, 'uwabani wena? Uyaphi? yabani lemfuyo lesembikwakho?' ¹⁸ Bese wena utsi, 'Tesisebenti sakho Jakobe. Tisipho lesibhekiswe kumphatsi wami Esawu. Buka. naye uyeta emvakwetfu.'' ¹⁹ Jakobe waphindze wanika imiyalo esicumbini sesibili, sesitsatfu, nawo onkhe lamadvodza lalandzela lomihlambi. Watsi, ''Nitokusho intfo lefanako ku Esawu nanihlangana naye. ²⁰ Nine kumele nitsi, 'Sisebenti sakho Jakobe siyeta emvakwetfu. ''' Ngoba ucabange, ''Ngitomuncenga ngaletipho lengititfumele ngaphambi kwami. Bese mvakwesikhatsi, nase Ngitombona, mhlawumbe utangemukela .'' ²¹ Ngako letipho tahamba embikwakhe jakobe. Yena cobolwakhe wahlala lobo busuku kuleyo nkambu. ²² Jakobe wavuka kulobo busuku, wase utsatsa bafati bakhe lababili, tisebenti takhe letinsikati letimbili, nemadvodzana akhe lalishumi nakunye. Wabatfumela ngesheya kwelitsentse le Jabhoki. ²³ Ngaleyondlela wabatfumela ngesheya kwemfula nakokonkhe kwakhe. ²⁴ Jakobe wasala yedvwa, kwase kubanendvodza lelwa naye kwate kwasa. ²⁵ Yatsi lendvodza nayibona kutsi ayikhoni kumehlula yena, yashaya jakobe inyonga. Jakobe inyonga yakhe yaphuka nakasalwa naye. ²⁶ Lendvondza yatsi, ''Ngivumele ngihambe, ngoba sekuyasa. ''Jakobe watsi,'' Angeke ngikuyekele uhambe ngaphandle kwekutsi ungibusise.'' ²⁷ Lendvodza yatsi kuye, ''Ungubani libito lakho?'' Jakobe watsi, ''Jakobe.'' ²⁸ Lendvodza yatsi, ''Lakho libito ngeke lisachubeka libitwe nga Jakobe, kepha Isirayeli. ngoba wena usokolise Nkulunkulu nemadvodza waphumelela.'' ²⁹ Jakobe wamubuta yena, ''Ngicela ungitjele libito lakho.'' Yatsi,'' Leni ungibute libito lami?'' Wase somubusisa lapho. ³⁰ Jakobe wabita libito lalendzawo watsi yi Pheniyeli ngobe watsi, '' Ngimbonile Nkulunkulu buso nebuso, imphilo yami ikhululiwe.'' ³¹ Lapho lilanga laphakamela ku Jakobe nakengca e Pheniyeli. Bekachuta ngenca yenyonga yakhe. ³² Kungako kute kube kunamuhla bantfu baka Isirayeli abayidli imisipha yenyonga lesekuhlanganeni kwenyonga, ngoba lendvodza yalimata leyo misipha nayiphula inyonga ya Jakobe.