¹ Ngako-ke umhlaba nelizulu besekuphelile, nako konkhe lokuphilako lokugcwaliswe kuko. ² Ngelilanga lesikhombisa Nkulunkulu wafika emaphetselweni kwemsebenti wakhe bekawentile , ngako-ke waphumula. ³ Nkulunkulu walibusisa lilanga lesikhombisa walingcwelisa, ngoba waphumula emisebentini yonkhe labekaseyentile endalweni yakhe. ⁴ Leti tikhatsi letimayelane nelizulu nemhlaba, nakudalwa, ngaleli langa Simakadze Nkulunkulu, adala emazulu nemhlaba. ⁵ Umhlaba wawulihlane lelingenalutfo, kwakute lokutjaliwe, Simakadze Nkulunkulu abesengakayinisi imvula ngobe kwakute umuntfu wekulima umhlaba. ⁶ Noko kwenyuka inkhungu yanisela wonkhe umhlaba. ⁷ Simakadze Nkulunkulu wadala umuntfu ngelitfuli, lemhlabatsi, wamphemfulela ngemoya wekuphila, emakhaleni akhe, wase umuntfu uba ngumuntfu lophilako. ⁸ Simakadze Nkulunkulu wahlanyela insimi ngaseMphumalanga, e-Edeni wase ubeka lomuntfu lamdalile. ⁹ Emhlabatsini Simakadze Nkulunkulu wamilisa tonkhe tihlahla letibukeka timnandzi emehlweni akhe naletikahle kutsi tingadliwa. Kuletihlahla bekunesihlahla sekuphila besisemkhatsini nengadze kanye nesihlahla sekwati lokubi nalokuhle. ¹⁰ Umfula wageleta wanisela insimi yase-Edeni, kusuka lapho lomfula wahlukana waba yimifula lemine. ¹¹ Umfula wekucala libito lawo bekuyi Pishon. Bewendlula lonkhe live lase Havilah, lapho kuneligolide khona. ¹² Lihle ligolide lakulelo live. Kunenhlobo yebhedola kanye nelitje isholamu kulelo live. ¹³ Libito lwalomfula wesibili bekuyi-Gihon. Lona wendlula indzawo yase Cush. ¹⁴ Libito lwalomfula wesitsatfu bekuyi-Tigris, ugeleta uye emphumalanga yase-Ashur. Libito lwalomfula wesine yi-Euphrates. ¹⁵ Simakadze Nkulunkulu watsatsa indvodza wayibeka ensimini yase-Eden kutsi isebente nekutsi iyinakekele. ¹⁶ Simakandze Nkulunkulu wamphocelela lomuntfu, watsi, '' ungasidla noma ngusiphi sitselo sanoma ngusiphi sihlahla ensimini ngekukhululeka. ¹⁷ Kepha ungasidli sitselo sesihlahla sekwati lokulungile nalokungakalungi, wasidla lesihlahla utokufa.'' ¹⁸ Simakadze Nkulunkulu watsi, ''Akusikuhle kutsi indvodza ihlale yodvwa. Ngitawuyentela umsiti wayo lomfanele.'' ¹⁹ Emhlabatsini Simakandze Nkulunkulu wadala tilwane tesiganga netinyoni letindiza esibhakabhaka. Wase utiletsa kumuntfu kutsi atetse emabito ato. Lawo mabito latetsa wona umuntfu letilwane kwakuba ngiwo. ²⁰ Umuntfu watetsa tonkhe timfuyo emabito, netinyoni letindiza esibhakabhakeni, nato tonkhe tilwane tesiganga. Adam akamtfolanga umsiti wakhe lolungele yena. ²¹ Simakadze Nkulunkulu wamlalisa umuntfu, wase umehlisela ngebutfongo, walala. Simakadze Nkulunkulu watsatsa lubambo, wagcwalisa lesikhala ngenyama lakatsatse khona lolubhambo. ²² Ngalolumbambo Simakadze Nkulunkulu bekalikhiphe endvodzeni, wabumba lomsikati wase umnyisa endvodzeni. ²³ Adam watsi, ''Lona sewulitsambo lematsambo ami, sewuyinyama yenyama yami. Uyawubitwa ngekutsi ngumfati ngoba utsatfwe endvodzeni.'' ²⁴ Ngako-ke indvodza iyawushiya babe wayo naMake wayo, bayawuba yintfo yinye babe nyama yinye. ²⁵ Bebahamba gcunu bobabili, bebangenawo emahloni.