¹ Lomntfwana longu Samuweli wakhonta Simakadze ngaphasi kwa Eli. Livi laSimakadze belingakavami kulawo malanga; bekute umuntfu lonembono losiphrofetho. ² Ngaleso sikhatsi, uma Eli, emehlo akhe acala kukhula abemnyama khona angatobona kahle, abelele phasi embhedzeni wakhe. ³ Lesibane saNkulunkulu asitange sesicishe, futsi Samuweli abelele phasi kuyolala ethempelini laSimakadze, lapho lelibhokisi laNkulunkulu belikhonakhona. ⁴ Simakadze wabita Samuweli, ngubani lotse, ''Ngilapha.'' ⁵ Samuweli wagijimela k Eli watsi, ''Ngilapha, ngobe ungibitile.'' Eli watsi, ''Angikakubiti; phindza ulale phasi.'' Ngako Samuweli waya bese walala phasi. ⁶ Simakadze wambita futsi, ''Samuweli.'' Samuweli waphindze wavuka waya ku Eli watsi, ''Ngilapha, ngobe ungibitile.'' Eli waphendvula, ''angikakubiti, ndvodzana yami; lala phasi futsi.'' ⁷ Manje Samuweli akatange sekakuve nome ngukuphi kwaSimakadze, nome ngumuphi umlayeto lochamuka kuSimakadze lowake wavetwa kuye. ⁸ Simakadze waphindze wabita Samuweli kwesitsatfu. Samuweli wavuka phindze waya ku Eli watsi, ''Ngilapha, ngobe ungibitile.'' Wabese Eli uyabona kutsi Simakadze umbitile lomfana. ⁹ Wabese Eli utsi kuSamuweli, ''Hamba uyolala phasi futsi; uma akubita futsi, kumele utsi, 'Khuluma, Simakadze, ngobe sisebenti sakho silalele.'' Ngako Samuweli wahamba walala phasi kwekugcina endzaweni yakhe. ¹⁰ Simakadze weta wema; wambita njengaleletinye tikhatsi, ''Samuweli, Samuweli.'' Samuweli watsi, ''Khuluma, ngobe sisebenti sakho silalele.'' ¹¹ Simakadze watsi kuSamuweli, ''Buka, Ngisatowenta lutfo ka Israyeli letindlebe tawo wonkhe umuntfu lovako titawuncencetsa. ¹² Ngalelo langa ngitawumelana na Eli konkhe lengakushongendlu yakhe, kusukela ekucalani kuya ekugcineni. ¹³ Sengitjelile kutsi ngisatomtjela ngekuhlulela indlu yakhe kanye wato tonkhe letono lengati ngato, ngeobe emadvodzana akhe atiletsele sicalekiso tikwabo futsi akabemisi. ¹⁴ Ngenca yaloku ngafunga kulendlu ya Eli kutsi letono tendlu yakhe tingeke tihlengwe ngemhlatjelo nome ngemnikelo.'' ¹⁵ Samuweli walala phasi kwate kwaba sekuseni; bese wavula lomnyango walendlu yaSimakadze. Kepha Samuweli abesaba kutjela Eli ngalombono. ¹⁶ Eli wabese ubuta Samuweli watsi, ''Samuweli, ndvodzana yami.'' Samuweli watsi, ''Ngilapha.'' ¹⁷ Watsi, ''Belitsini lelivi lalikhuluma kuwe? Ngicela ungangifihleli. Shangatsi Nkulunkulu angenta kanjalo kuwe, futsi nalokunyenti, uma ungifihlela lutfo awo onkhe lamavi lawakhulumile kuwe.'' ¹⁸ Samuweli wamutjela konkhe; akamfihlelanga lutfo. Eli watsi, ''NguSimakadze. Akente lakubona kukuhle kuye.'' ¹⁹ Samuweli wakhula, futsi Simakadze bekanaye, futsi akavumelanga lutfo walamavi esiphrofetho awele kulomhlaba. ²⁰ Israyeli wonkhe kusukela eDani kuya eBherisheba wati kutsi Samuweli abemiselwe kuba ngumphrofethi waSimakadze. ²¹ Simakadze wavela futsi eShilo, ngobe wativeta kuSamuweli eShilo ngelivi lakhe.