¹ Unhu upiyo noupiyo ngafunge seyezwo kuti tiri vhalanda vha Khiristu vhatshengeti vhezwajumbama zwa Mwali. ² Zwino pazwinhu izwi pavhataliri panotswakwa kuti unhu awanike akatendeka. ³ Asi zwinhu zwitukutuku kandiri kuti nditongwe nemi kana nokutongwa nounhu.Handizwitongi imi ndoga. ⁴ Nokuti handizivhi ulandu wandinawo, asi handipirisiwi nazwo.Asi anonditonga ndiye Ishe. ⁵ Saka legani kutonga tshinhu tshikati tshisanu tshaswika,kuswikira Ishe avhuya.Iye utshabudisa patshena zwinhu zwakajumbama zweswiswi nokusumbija mifungo ye moyo.Apo unhu umwepeji utshakhuziwa na Mwali. ⁶ Zwino,hama jangu, zwinhu izwi ndaka wala ndizwifanajira imi na Apollos nokuda kenu, kuti, "mugude katiri kusapinda izwo zwakanyogwa."Kuti umwe alege kuzwikuja atshipemusa umwe kune umwe. ⁷ Nokuti ndiyani wakakupumusa iwe?Zwino kana wakapiwa?Unozwifireni sousina kupiwa? ⁸ Matoguta matofuma mabata vhuse kuze kedu tanga tinetalisiro yokuti titshatonga tose. ⁹ Nokuti ndinoti Mwali wakatigaja isu vhapositoli pakupejisira, savhanhu vhakatongegwa lufu.Nokuti takayehwa tshinhu tshinomangaja nyika, navhatumwa navhanhu. ¹⁰ Isu tiri zwidahera nukoda ka Khiristu , asi imwi matanya muna Khiristu.Isu tinokomwa simba, asi imwi munesimba.Imi munokujiwa,asi isu tinonyajiwa. ¹¹ Kuswikira tshikati itsho isu tinezala tinenyota,hatina tshatinga fuka, hatinavhugalo kaho hokugala. ¹² Tinotambula titshibata namavhoko ude.Kana titshitukwa tino, patutshejiwa.Kana titshitambujiwa tinosunga moyo. ¹³ Kana titshipomegwa,tinovhalajiya.Taka eta sezwina yenyika nolala avhose, kuswikira zwino. ¹⁴ Handimunwalili zwinhu imwi kuti ndikushonise, asi kuti ndikulayijire savhana vhanodiwa. ¹⁵ Nokuti nangwe maivha navha fundisi vhanezwiwulu zwine gumi muna Khiristu, hamuna vhana bhabha vhaka wanda.Nokuti muna Jeso Khiristu imwi ndakabeba ne evangeri. ¹⁶ Nayezwo ndinokumbira zwikugwane kamuli kuti muvhe vhaingiri vhangu. ¹⁷ Nenhaka iyi ndakatuma Timoti kamuli,mwana wangu unodikamira wakatendeka muna Ishe.Iye utshamufungisa mitovho yangu una Khiristu, se zwandinofundija zwose pagereke jose. ¹⁸ Zwino vhamwe vhanozwikuja,vhatshiti sokuti handinga vhuyi kamuli. ¹⁹ Asi nditsha lumbija kuvhuya kamuli,kana Ishe atshida.Handinga zivhi mamungo ayavho vhanozwikuja,asi simba lavho. ²⁰ Nokuti vhushe hwa Mwali buzwi pamasoko asi pasimba. ²¹ Munotswakeni?Ndivhuye kamuli nesamu kana noludo nomwiya wovhunyolo naa?