¹ Zwino imi hama jangu, pakuvhuya kangu kamuli handina kuvhuya nditshimupalajira vhutshapupu hwa Mwali nokunaka kamahwi kana kovhuthanyi. ² Nokuthi ndakati handingazivhi tshinhu pakati penu kuzeni ka Jeso khiristu iye wakalovhelegwa patshipambano. ³ Ndangandiri pakati penu novhudera nokuhla nokutetemera kukulukulu. ⁴ Nehwi langu nokupalija kangu zwanga zwisingahovha namahwi ekukombejera ovhuthanyi havhanhu asi nokusumbija komwiya noke nungo . ⁵ Kuti kutenda kenu kulege kuvha muvhuthanyi hwavhanhu asi musimba lamwali. ⁶ Zwino tinolevha vhuthanyi pakati pavhakakwana asi vhuthanyi husanhu huli hwenyika ino kana hwavhabati vhenyika vhanokomwesiwa nungo . ⁷ Asi tinolevha vhuthanyi hwa Mwali hwakajumbama, hwakafukijiwa , hwakatomogwa kupenya kedu na Mwali sango lisanhu lavhapo. ⁸ Husina kuzivhikamwa noumwe wavhabati vhesango lino nokuti dleno vhayivhuzivha vhangadleno vhasingalovheri ishe wokupenya patshipambano. ⁹ Asi sezwazwakamwagwa , " Izwo zwisina kuvhoneka kana kuhwika nezevhe nezwisina kupinda mu moyo wounhu ndezwa Mwali zwaakagajirira vhanouda." ¹⁰ Nokuti Mwali wakazwisumbija hezwo katiri isu no mwiya . Nokuti mwiya unovhona zwose zwose nezwa kajika zwa Mwali. ¹¹ Nokuti unhu ndiupiyo unozivha zwaunhu asi mwiya wounhu uli maali? Sayiyezwo hakuna unhu unozivha zwa Mwali asi mwiya wa Mwali. ¹² Zwino isu hatina kusangamija mwiya wenyika asi mwiya onobva kuna Mwali , kuti tizivhe izwo zwatakangopiwa zwedu na Mwali. ¹³ Ndizwo zwati levhavho tisingalevhi namahwi anotigudisa navhuthanyi hounhu asi anofundijiwa nomwiya utswene titshi dujira zwinhu zwo mwiya kuvhanhu. ¹⁴ Zwino unhu sezwaakabahwa hasangamiji zwinhu zwo mwiya wa Mwali nokuti vhupenyu kaali hazwihwisisi nokuti zwinohwisisiwa no mweya. ¹⁵ Asi uli wo mwiya unohwisisazwose asi iye amene hazwihwisisi nounhu. ¹⁶ Nokuti ndiyani wakazivha fungwa ya she kuti ungudise? Asi isu tinoulangalirawo khiristu.