¹ Zwino kana zwiri zwipo zwemweya hama jangu handidi kuti muvhe musingahwi. ² Munozivha patshikati tshamanga muli vhanhu vhasingatendi manga mutshi dhosegwa zwifaniso zwisinga koni kulevhereka sezwamayitungamirigwa navho. ³ Saka ndinomuhwisisa kuti hakuna unhu uno levhereka nomwiya wamwali angati, "Jeso ndiye ishe..Ishe asi mwiya utswene. ⁴ Zwino maluji manji ezwipo alipo asi mwiya ndiwo umwepeji. ⁵ Maluji manji akarabhira alipo nazwinho ishe umwepeji. ⁶ Maluji manji amabasa alipo asi Mwali umwepeji iye unobata zwose muna vhose. ⁷ Asi umwe unopiwa kusumbijiwa komwiya kuti vhose vhatusiwe. ⁸ Nokuti umwe unopiwa nomwiya ihwi lovhutanyi kuumwe ihwi lokuzivha nomwiya iyoyo. ⁹ Umwe kutenda mumwiya iyoyo , mumwe oyoyu mumwe zwipo zwokupolisa mwiya uyu. ¹⁰ Umwe kuyeta mabasa esimba umwe kuporofita umwe kuzivhisisa mwiya umwe maluji endimi umwe kudujira ndimi. ¹¹ Asi izwi zwose zwino ehwa nomwiya iwoyoyu umwe peji unotevhera umwe noumwe sezwa akananga. ¹² Nokuti soumbiri umwepeji unemitezo minji nemitezo yose umbiri umwepeji wakadlalo ivho khiristu. ¹³ Nokuti mumwiya umwepeji isu tose taka bhabhatijiwa muumbiri umwepeji kana tiri vha Juda kana vha Giriki kana vhalanda kana vhaka sununguka isu tose taka nwa pamwiya umwepeji. ¹⁴ Nokuti umbiri hawutezo asi minji. ¹⁵ Kana lusoka gukati, "Kubva nhasi handidi luvhoko, handiri, utezo wounhu umbiri , saka hagoumbiri zwagwadlalo na.?" ¹⁶ Nezevhe kana ikati, "Nokuti handiri ziso handiri utezo woumbiri, saka hagowumbiri naa?" ¹⁷ Kana umbiri wose wangauli ziso kuhwa kayihovhapi? kana umbiri wose wanga ulizevhe , kunuhwija kayihovhapi?" ¹⁸ Asi zwino Mwali wakaesa utezo umwe, umwe peji umwe noumwe paumbiri sezwaakada. ¹⁹ Kana yose yavha mitezo umbiri waivhapi? ²⁰ Asi zwino une mitezo minji asi umbiri umwepeji ²¹ Ziso alingati paluvhoko 'handikudi' kana kuti luvhoko gungati kusoka , 'handi kudi'. ²² Asi mitezo iyo yombiri inenge isina nungo ndiyo inodiwa. ²³ Nemitezo iyo yombiri yatinoti hayikujiwi ndiyo yatino kuja tshaizwo nemitezo iyo yedu isina kunaka ndiyo yanaka nokupindisisa. ²⁴ Asi mitezo yedu yakanaka hayikonwi kukujiwa asi Mwali uka batshanyija umbiri wose akakujiwa ano kupindisisa mitezo ino konwa kunaka. ²⁵ Wakayeta hezwi kuti palege kuvha nokupambana paumbiri , asi kuti mitezo itshengetane zwako ezana. ²⁶ Kana utezo umwepeji utshitambujika mitezo yose ino tambula pamwepeji nawo. Utshifala mitezo yose inofala vho. ²⁷ Zwino imwi muli umbiri wa khiristu.noumwe noumwe utezo yawo ²⁸ Mwali wakaesa vhamwe pagereke pakutanga vha positoli wavhuvhiri vhaporofita vhe tshitatu vhagudisi , vhatevhereri vhayeti vhama basa esimba vhatevheri vhe zwipo zwinopolesa navhano tusa navha bati namaluji manji enolimi . ²⁹ Vhose vhapostoli naa? Vhose maporofita naa? Vhose vhagudisi naa? Vhose vhaeti vhamabasa esimba naa? ³⁰ Vhose vhanezwipo zwokupolisa naa? Vhose vhano levhereka nendimi naa? Vhose vhano dujira naa? ³¹ Asi kozererani zwipo zwikugwane . Nditsha musumbija vho zira yakanaka inopinda Jose.