¹ Paulu na Timoteo, vangamba va Kilistu Yesu, kuli voshe vaka kuyela muli Kilistu Yesu vaye vali mu Filipu, hamo na vakuluntu na va ndyakunu. ² Kavumbi kakale neni na chivovo cha Kalunga Tata yetu na Muene Yesu Kilistu. ³ Nji shangala kuli Kalunga kange hoshe honji mi vulukila, ⁴ ntcimbu yoshe mu vilombela vyange muomu yeni voshe, nje ku lomba na kuyolela ⁵ muomu kuli kuata kueni mu ku shuenethako ku lutue mundhimbu ua chili ku tunda ku litangua lya kutameka noho lelo. ⁶ Mu nja tcelela nguange uye na shangumukile vipanga vya ku vuaha muli yeni aka ya ya ku lutue na ku litangua olyo lya Kilistu Yesu. ⁷ Vikevyo vya chili muomu yange ku lyuvua mungila eyi vya nkala umo ueni muomu ange njili mu vimbunge vyeni. Mu voshe muna kala va vuthamba vange muka vumbi kumo na mu ma lyenge na muku hakuila na mu ku koletha mudhimbu ua chili. ⁸ Muomu Kalunga yikeye mukaleho uange, muomu vi ntcimbu vingahi muomu yeni muva voshe chidhango cha chi votci cha Kilistu Yesu. ⁹ Oku ku kekuo ku lomba: kuange: nga chiye vaka chidhango cheni va kale mua muingi mu mana namu kuvua ko ¹⁰ linga muye mo muvitambula viye vya kuvuaha, na yikeye linga akale na ku yeneka mulonga noho ha litangua lya Kilistu, ¹¹ shulitheni na vushuka vua kutcelela kuye kukenja kuli Yesu Kilistu ku vungulu na kushangala Kalunga. ¹² Ngechi njiyongola yeni mudhivuke, va muna nana va va mala, vika vya yombolokele kuli yange vuchili njipange mudhimbu uachili. ¹³ Ngue vya ku uanamo, malyenge ku hitila mu mi hela yoshe yaku takametha ku nkala uoshe. ¹⁴ Keho vamuna nana vavengi vali muli Muene muomu lya malyenge ange, na ku tuvakana ku kanyama mu kuambula lijui lya Kalunga na lyova lyahi. ¹⁵ Vamo chili vambula Kilistu hanja lya vukalu na vimpata, na vamo lalo na chidhango cha chili. ¹⁶ Ava va chipanga hanja lya chidhango, va dhivuke ngechiye va na njihaka mo muno muomu mukuovola mudhimbu ua chili. ¹⁷ Vuno vaye vakuavo vambulula Kilistu omo vana litepe, keti mua vungulu. Vathinganyeka kunji katuila kayando mu malyenge ange. ¹⁸ Vika honi? Evino lika munkala ngila_nambe kutunda ku kuambulula kua vishaki ndi ku vuchili_ Kilistu vana muambulula, keho ange evi njiyolela. Mukemo, nange njiyolela, ¹⁹ muomu nji nadhivuka ngachiye evi vi ka panga vuovoke vuange ku hitila mu vilombelo vyeni na ku kuatha kua Mpundhi ya Yesu Kilistu. ²⁰ Chikecho ku thetela kuange kua kama na ku tatela kuange ngachiye shuama ko yi kanji kuata, vuno na ku kanyama kuoshe ngue ntcimbu yoshe, na mualolo vene Kilistu va ka mushangaletha mu muvila, nambe na muono ndi mu ku tca. ²¹ Muomu kuli yange mu muono muli Kilistu na ku tca tuna ku tuvakana. ²² Vuno nga muono uli mu ntcitu, nga vikevyo vinji hana vushuka ku vipanga muomu yange. Keho njili na vitanga mu kuhangula? ²³ Muomu njili na vitanga ha kati kevi vivali. Njili na chidhango kutunda hano na ku kala na Kilistu, vikevyo vili hale, ²⁴ vuno ku kala mu ntcitu vya nji uahela muomu vya chidhango cheni. ²⁵ Keho evi vene nguange, nji na dhivuka ngachiye nji ka kala na ku kala neni voshe, muomu kushuenetha kueni na ku yolela kuli mu ku tcelela, ²⁶ linga muli yange mu kale vya vyingi vya kuli hametha kueni mu li Kilistu Yesu muye mu nji kenja lalo. ²⁷ Vuno pangeni viye vya ku vuaha vina pande ku kala mudhimbu ua chili ua Kilistu, linga viye nambe mo njikenja kulyeni ndi mo nji na yeneka ko, nji na pande kumyuvua, mu nemana mu mpundhi yimolika, na vithinganyeka vi molika mu ku panga mu mo lika muomu lya kutcelela kua mudhimbu ua chili. ²⁸ Keti va mi teuethe mu nkala ka thingimiko kuli voshe vaye vaka vidhindo vyeni. Evi vikevyo vimuetho kuli vakevo vya ku mi tanganetha, vuno vya vuovoke vueni na vukevuo vua kuli Kalunga. ²⁹ Muomu va mi hanene vyo vya vuana muomu kuchi dhango cha Kilistu keti lika mukuitava muli yikeye, vuno lalo mu kuyanda muomu lya chidhango chendi, ³⁰ mu ku kala na chipanga chiye chimua muene muli yange, na mualolo muvyuvua muli yange vene.